hvernig nær maður flugum af bílum…

Prófaðu kók eða annan gosdrykk með mikilli sýru. Heltu honum yfir pödduna og láttu hann virka í smástund og þurrkaðu af. þú getur líka prófað hársprey (það losar allavega merkingar eftir tússpenna).

Haukur A-848

Sæll

Það er rétt hjá síðasta ræðumanni að Car glass polish frá auto-glym virkar vel en þegar þú ert búinn að því, þá mæli ég með að þú setjir Rain-X á rúðuna(fæst á flestum bensínstöðvum að ég held), og þá bæði losnaru við að flugurnar festist á rúðunni, þær fjúka af um leið og þú setur rúðuþurkurnar á, svo þarftu aldrei að nota rúðuþurkurnar þegar það rignir, rúðan verður svo sleip að vatnið fýkur af á 30km hraða!

Svo er það lakkið…bara bóna bílinn vel þá ertu laus við þennan subbuskap 😉

kv, Geiri bónari-ég get gert þetta fyrir þig hafðu bara samband eða aðrir 😉

Mér finnst best að nota Tjöru eða Olíuhreinsir OG nudda svo er best að skola með háþrýstidælu og sonax Sápan reyndar virkar allt í lagi ég er búinn að vera í vandræðum með þetta þetta safnast svo á Tengdamömmukassann.

Ég hélt að þú værir alvöru ruddi en svo ertu kannski bara pjattaður innnst inn við beinið, BÓNA BÍLINN Á TVEGGJA VIKNA FRESTI??????????

Ég mun koma til með að bóna minn á tveggja ÁRA fresti, kannski ekki alveg svo sjaldan en þó SJALDAN.

Að vísu eru margir kannski með nýlega bíla með fallegt lakk en kom on, það er allt í lagi að það sé ekki hægt að spegla sig á stuðurunum þegar menn eru á ferðalagi.

Kv. Sóðinn (Freyr)

Einu sinni var mér sagt að í uppþvottalegi væru efni sem færu ekki vel með lakk (einhver sölt minnir mig). Á rúðupissið hjá mér fer hins vegar aldrei venjulegur lögur heldur vatn, rúðupisssápa (sonax og fleiri merki) og ísvari eftir þörfum á veturna. Sápan virkar mjög vel og dugar ágætlega á flugur en að sjálfsögðu ekki eins vel og rain-x.

Með lakkaða hluta er hæfilegt kæruleysi ágætt (fer á endanum).

kv.

Þorsteinn Þ.

Tek undir með Steinmar og ódýrustu lausnirnar eru vanalega þær bestu. Ef framendi á bíl er vættur mað vatni og fær að vera blautur í 10-15 min og síðan kústaður, er málið leyst.

Í öllu falli þá á maður ekki að nota heitt vatn í bílaþvott, því lakk og gler þolir ekki vel kísil sem er í heitu vatni á íslandi.

Hlynur

Þetta er semsagt allt sami grauturinn…
Það er sama hvað þú notar .. bara nota nóg af því og nudda vel ! Eða hvað ?

Kv. Gretar

Með Mjallar bílasápu

Það er til olía sem snyrtivöruverslunin AVON selur sem heitir Skin so soft. Þetta er líkamsolía og er mjög rakagefandi fyrir húðina. Hún er einnig góð nuddolía og nýtist jafnframt til að hreinsa flugur og önnur óhreinindi af bílum. Hún eyðir ekki lakkinu og ryðvörnin er jafngóð eftir sem áður.
Berið þetta á bílinn látið bíða um stund og þvoið svo af með vatni. Svínvirkar.
kv. SP

Þetta er nú ekkert mál, það er til efni frá Kemi sem er allgjör snild, man ekki allveg hvað það heitir en við kölum það flugubanan. Leiðbeiningar eru þanig að þú vatnsblandar það 1/10 eða eitthvað svoleiðis og úðar því yfir og lætur það standa í smá tíma (ca 1-2 mín) og smúlar það af, það nær allri fastri drullu samanber flugur og fastan skít þar sem svampur nær ekki eins og sést vel á ljósum bílum.