This topic contains 8 replies, has 1 voice, and was last updated by 
-
Topic
-
Sælir félagar, bróðir minn var líka að kaupa sér Wrangler. Hann er á Toyota hásingum og er ólæstur, hvernig læsingar er best að fá sér í svona bíl. Á hann að fá sér loftlæsingu eða Nospin.
Endilega komið með kosti og galla á Nospin.Kv Ágúst.
-
Replies
-
Ég var með nospin í cj7 Alltaf þegar ég þurfit að gera eitthvað annað en að keyra í gegnum skafl á bölvaði ég þessum fjanda. Leiðinlegt að að keyra í hálku og bara óþægilegt af flestu leiti. Í dag er nospin eitthvað sem fer helst ekki í bíl hjá mér.
Loftlæsingu hiklaust no-spin er bara með vandræði já í hvert skipti sem þú ert ekki í skafli í mínum bókum er no-spin álika gott og bara soðið drif…………
Davíð
…er það besta sem ég hef á ævi minni notað…svíkur aldrei(allavega ekki ennþá) og EKKERT vesen. En hins vegar ef þú notar þennan bíl dags daglega…þá gleymdu no-spin, minn er off-road only bíll og það er hryllingur að keyra hann innanbæjar. En ég lifi þetta alveg af með hálkuvesenið.
benzínkveðja, Ásgeir
ps. Hins vegar finnst mér alltaf leiðinlegt þegar menn fara að setja asískt rusl í ameríska eðalvagna…það er bara ekki minn tebolli.
Samála Ásgeiri, átti sjálfur Scout með no-spin f/a, snilldarbúnaður. Alltaf til taks, ekkert vesen með loft eða rafmagn, bara einfaldlega virkaði og sveik aldrei. Innanbæjar er hægt að lifa með þeim en það krefst ákveðins aksturslags. Í hálku var hann ekki verri en bíll með diskalæsingum.
eins og þú sérð þá er með þetta eins og dekkin bara hreinlega trúarbrögð sumir trúa á þetta aðrir á hitt en vona að þráðurinn hafi gagnast eitthvað en no-spin býr til ótrúlegustu læti og guð má vita hvað högg og hvaðeina ég allavega kaus að trúa ekki á nospin nema í snjó og þá helst miklum innanbæjar já nei takk en það er bara ég……
Kv Davíð Arcticpirate R-2856
Það er eiginlega að bera í bakkafullan lækinn að bæta við þetta, hér er eiginlega búið að segja allt sem skiptir máli varðandi þessa hluti. Eins og fram hefur komið, þá hefur allt sína kosti og sína galla. Ég vildi hinsvegar undirstrika, að ef þú ætlar að nota bílinn líka sem "daily commuter" eins og svo mörg okkar gera, þá mæli ég frekar með loftlæsingu skv. minni reynslu. No-spin læsingin er déskoti varasöm á hálku auk þess sem bíllinn getur verið afskaplega stirður, einkum þegar þarf að vera að snúa og skælast þar sem þröngt er á þurru malbiki. En þetta þessar amerísku læsingar eru alveg prýðilega smíðaðar, það er ekki vafi. ARB-loftlæsingin er mjög góð og þú ræður náttúrulega hvort og hvenær hún er á eða ekki. Hinsvegar eru reynsluboltarnir í bílabreytingum búnir að finna ýmis ráð til að ganga þannig frá þeim, að maður sé laus við ýmis vandamál sem þeim fylgja, svo sem því að hafa loftlagnirnar nægilega sterkar, auk þess að verja þær hnjaski og koma þeim fyrir þar sem þær eru ekki útsettar fyrir áverkum. Þess utan kunna þeir ýmis ráð til að forðast raka í loftkerfunum. Fáðu að kíkja á þetta hjá einhverjum þrautreyndum félaga, og helst fleirum en einum, í þínu nágrenni og sjáðu hvernig þetta hefur verið gert. Góðar kveðjur.
sælir
Vil benda áhugasömum á Algrips læsinguna en hún fæst í margar gerðir drifa. Henni er hægt að stýra með vacumi ef svoleiðis kerfi er í bílnum og er það kerfi skárra en loftið að mínu mati.
kv
AB
Ég var með no-spin í suzuki sem ég átti einusinni og það hún sló alveg rosalega, sérstaklega eftir að ekið var út úr hringtorgi.
En hún virkaði en var eins og komið hefur fram áður leiðinleg í "snattinu"
You must be logged in to reply to this topic.