Hvernig jeppa

Það er gott að menn eru að vakna til lífsins hvað varðar bestu jeppana. Það er synd hvað menn hafa verið heilaþvegnir af þessu ameríska og japanska drasli í góðærinu og hafa haldið að af því að bíllinn er dýr þá sé hann góður. Staðreyndin er bara sú að það kemst enginn með tærnar þar sem Lada hefur hælana!

L UXURY
A UTO
D ON’T
A RGUE

Lödukveðjur
Ásgeir

Ps. Vill einhver góður maður selja mér Löduna sína:)

Það er bara svo flestir þessara jeppa eru nokkuð góðir það er bara einn hængur á það er þetta með bílstjórana þeir eru mis góðir eins og þeir eru margir. Sama ber mig og alla hinna, sem gleimum því það getur allt bilað vegna slæmra meðferð og við halsleisi ( Þetta er bara svona )

kv,,, MHN

En þú svaraðir spurningunni þinni strax í fyrsta svari.
PAJERO…konungur jeppanna.
Ekki flóknara.

…Annars eru Lödurnar eðalvagnar

ég bjó á vestfjörðum fyrir nokkrum árum og átti sportara þá og þetta fór all flest en núna er maður sennilega farinn að gera of miklar kröfur sem verður til þess að maður fer að reyna jeppasmíðar sjálfur og tekur þá það góða úr mörgum jeppum og skellir því saman í einn og svo………… það á eftir að koma í ljós, strumpastrætó sem gott er að ganga um, dana 60 revors framan, 14 bolta gm aftan ætti að haldast óbrotið í einhvern tíma og þessu skal raðað á suburban grind, en svo skifti ég svo oft um skoðanir að vélamálin eru bara ekki komin endanlega á hreint en er með 455 buick í skúrnum en er að spá í að nota 401 amc sem gæti komið skemmtilega út en stundum er ég nú á því að ladan væri bara besta lausnin fyrir mig, amk kæmist hún inní bílskúrinn hjá mér
kv Gísli

Suzuki sem hefur nú staðið sig vel, oft lítið sem ekkert breyttur og oft gert lítið úr stærri og dýrari bílum. Það er nú fátt skemmtilegra en að fara hringi í kringum 10+ miljón króna eðalvagna á gamalli Súkku. Oft hefur verið hálfpartinn litið niður á Suzuki og Lada sagt að þetta væru varla bílar hvað þá jeppar en þeir standa sko vel fyrir sínu og ef ætti að bera saman verð og drifgetu þá er ekki spurning hvernig það færi.

Súkkueigandi

já þetta er alveg rétt Toyota LC er málið og alveg sama hversu marga maður á þeir klikka aldrei. Ég er reindar búinn að eiga sömu Toyotuna í 3 ár en líka búinn að versla nokkrar aðrar og breyta og selja og þar með snúa lífi nokkura til bjartari og betri vegar. Ég vinn hörðum höndum í því að koma mönnum á beinu brautina og hætta öllu rugli!
Ég hef reyndar ekki fengið þær til að fljóta á vatni enn sem komið er en spurning hvort maður útfærir næstu Toyotu svoleiðis?
Það er ekkert að marka Óskar E. hann var með flensu og óráð þegar hann verslaði síðasta jeppa!

Ég verð að viðurkenna að ég sakna súkkunar sem ég átti.
Hringaði 44" econline á henni ekkert mál 😀
Og ódýr og hagstæð í rekstri (fyrir utan eyðslu).
Og fór einnig hraðar yfir en bíllinn sem ég er á í dag enda smá munur á bensín og disel 😉

Jæja, þetta er nú umræða sem mér líkar. Átti á sínum tíma a.m.k. tvo, sem ég man eftir allavega (hef verið að uppgötva að ég man ekki eftir öllum bílum sem ég hef átt, líklega á nú ellin einhvern þátt í því…..hm). Lödurnar höfðu ýmsa kosti. Fjöðrunin er t.d. afar góð og það var í raun afskaplega gott að keyra þessa bíla. Vélin var raunar full lítil, þ.e. þessi 1.600 cc, en síðar voru þeir raunar komnir með 1.700 cc mótor og beina innspýtingu held ég. Þeir voru talsvert aflmeiri. Ástæða þess að hætt var að flytja þessa bíla inn var held ég eitthvert regluverk frá Brussell varðandi meira eða minna ímyndaða mengun. Það, sem ég fann helst að þessum bílum var, að lága drifið í þeim var ekki nógu lágt. Vafalaust hefði verið hægt að breyta því með einhverju móti. Einhverjar sögur hef ég heyrt um Volvo 1,8 mótora í þessum bílum, með Eaton gírkassa (minnir mig) og Dana-Spicer millikassa. Þá var nú stutt í að skipta þyrfti um hásingar. Ég veit ekki betur en þessi bíll sé ennþá framleiddur í Togliatti-verksmiðunum við Volgu. Reyndar eru Rússar að framleiða ýmsar gerðir af jeppum, suma með tæknibúnaði frá USA og víðar að. Sumir þeirra eru bara ansi laglegir. Uppáhalds rússinn minn var þó frambyggður UAZ 452. Afskaplega einfaldur að allri gerð og hönnun og útfærsla fjöðrunarbúnaðar alveg frábær. Ekkert tölvudót til að bila og það dugði að hafa með sér góðan skiptilykil og tvö skrúfjárn í ferðalög, þá var maður til í hvað sem var.

Átti reyndar aldrei svona bíl en keyrði þá talsvert hérna þegar þeir voru sem flestir hér á götunni. Ólsarinn talar um fjöðrunina, hún var sko alveg einstök, það var sama hvern andskotann maður bauð þessum bíl, fjöðrunin bara tók það og bíllinn fór alveg ótrúlega vel með mann enda var þessi fjöðrunarbúnaður hannaður af Ferdinand Porche. Krafturinn hefði mátt vera meiri en ótrúlegt þó hvað hægt var að ná út úr honum ef maður þorði að láta hann snúast. Flengdi svona bíl yfir Kjöl, Fjallabak og fleiri leiðir sem undanfari í ralli og aldrei sviku þeir en það var ekki frítt við að maður skilaði honum með nokkrum aukahestöflum sem maður tíndi upp á leiðinni með því að sóta kvikindið vel út á snúningnum. Stýrið var eins og í öðrum Lödum, þú þurftir ekki að fara í lyftingar ef þú áttir Lödu. Ófáar framrúður brotnuðu í þessum bílum þegar framsætinu var hent fram á við til að hleypa aftursætisfarþegum út úr bílnum vegna þess að hauspúðinn flaug fram í framrúðu ef ekki var varlega farið. Vissi til þess að margir gerðu far í framrúðuna utanfrá með einhverju oddhvössu svo að málið liti út fyrir að það hefði komið steinn í hana. Einni Lödu man ég eftir þar sem búið var að setja Fiat 1800 tvin cam í húddið, passaði að því að mig minnir beint á gírkassann enda margt skylt með Lödu og Fiat, svinvirkaði og meira en það, var svona svipað og þegar Gylfi Pústmann setti áttuna í Moskvitsinn forðum daga. Jæja, kannski ekki alveg en nálægt. En þetta eru svona minningar mínar í stórum dráttum um þessa bíla, væri alveg til í að eiga einn í dag svona sem sparibíl, helst með rússalyktinni og öllu. Mbk. Logi Már