Hvernig eru jöklarnir…?

Já takk kærleg.

Ég heyrði álíka sögu af Mýrdalsjökli og Langjökli. Svo ætli maður verði ekki bara inní skúr að bóna um helgina.

Stefán.

Sæll Manitou,

Þú ert kaldur að fara þetta á vélsleða. Ég myndi nú frekar vilja vera á jeppa heldur en sleða þarna núna. Það er allavega hægt að vera í bílbelti.

kv,
heijo

Ég hefði betur prófarkalesið þetta áður en ég sendi þetta af stað og lagað ritvillurnar. Þarna átti að sjálfsögðu að standa Péturshornin, Fjallkirkjurnar ……..

Eins er það með furðulegt fjall gjarnan kallað Skjaldbreið á þessum vef.

Hélt alla tíð að það væri Skjaldbreiður, en hef sennilega rangt fyrir mér, enda væri það að öllum líkindum fleirtöluorð ???

Torx

Skjaldbreiður
um Skjaldbreið
frá Skjaldbreiði
til Skjaldbreiðs

Hver er uppruni nafnsins? Er nauðsynlegt að nafnið eigi að vísa í breidd?

Er öruggt að nafnið sé ekki fleirtöluorð ? Prófið að setja það upp í ykkur og smakka á…

Ja, hérna, maður verður að fara varlega í það að nefna svona lagað. Ekki má neinn skilja mitt mál sem svo að ég þykist vera eitthvert átóritet í íslensku eða örnefnum. En varðandi fjallið fræga, þá heitir t.d. kvæði Jónasar Hallgrímssonar "Fjallið Skjaldbreiður". Mér var á sínum tíma kennt að þetta fjall héti SkjaldbreiðUR = líkingin ætti við hinn breiða skjöld, þjóðverjar kalla þessa gerð eldfjalla "Schildwulkane" Hinsvegar hefur fjalladrottningin eins og Mývetningar kalla Herðubreið, víst fengið hefð á kvenkynsmyndina, a.m.k. á síðari öldum. Hinsvegar má sjá í fornum ritum, að talað er um "Herðibreiðstungu" og hafa menn talið að þar væri átt við Herðubreiðarlindir. Það er nú kannski ekki alveg vísindalega sannað. Hafið þið lesið smárit, sem gefið var út á sínum tíma af Landvernd (minnir mig) eftir Jón Gauta Jónsson, landfræðing, umm rannsóknir á s.n. Biskupaleið frá Skjalfandafljóti austur yfir Ódáðahraun, sem gerð var undir forystu föður Jóns Gauta, Jóns heitins Sigurgeirssonar, frá Helluvaði? – Hinsvegar er kenning torx_69 um fleirtöluna og breiðurnar allrar athygli verð að mínu mati, a.m.k er hún frumleg, allavega hef ég ekki spurnir af því að menn hafi nálgast nafnið úr þessari átt þótt ég viti náttúrlega ekki neitt um þessi mál. Þetta minnti mig hinsvegar á umræðu sem varð um miðja síðustu öld í útvarpi um Breiðafjörð. Nefnifallsmyndina vildu nefnilega sumir hafa "Breiðifjörður", en dr. Halldór Halldórsson sýndi fram á að nafnið þýddi ekki "hinn breiði fjörður" heldur væru það breiðurnar (af eyjum líklega) sem hefðu lagt til nafnið. En, torx_69, gæti ekki verið, ef hugmynd þín er skoðuð, að eignarfallið ætti að vera Skjaldbreiðna?

Varðandi Herðubreið þá kemur það af kvenkynsorðinu herða. Herðan er s.s. sá hluti eggvopns sem er hertur og Herðubreið er því breið um Herðuna. Þessa skýringu heyrði ég allavega nýlega og þegar maður horfir á fjallið er vel hægt að sjá fyrir sér hvernig þetta er hugsað. Þetta er að vísu þvert á það sem þú segir ólsari um Herðibreiðstungur því þarna er komið karlkyn. Þar fyrir utan er auðvitað Hekla drottningin en það er önnur saga ;o)

Hvað Skjaldbreiður varðar veit ég hvar er rétt. Eigi nafnið að vísa til "breiðna" sbr. breiður af skjöldum, þá er spurning hvort það stemmi við landslagið. Annað varðandi þetta, skv. kortum heitir hraunið Skjaldbreiðarhraun, ekki Skjaldbreiðnahraun. En það er svosem ekkert sjálfgefið að Landmælingar hafi rétt fyrir sér.

Kv – Skúli H.

Þarna átti að standa "Hvað Skjaldbreið varðar veit ég EKKI hvað er rétt".

Annars er það allavega rétt að þráðurinn er kominn út fyrir efnið, en þetta er sígilt mál!

Sælir
Tók eftir að umræðan er kominn inná íslenku kennslu´,og þá fer maður að velta því fyrir sér hvenær algebra og jafnvel eitthvað annað fag kæmu,maður gæti þá verið búinn að redda glósubókinni fyrir næsta tíma.

kv.JÞJ