Hvernig er þetta með menn á litlum bílum??

Var að aka upp Langjökul um daginn og fyrir aftan mig var einhver gæi á forljótri Ferosu. Ég skildi nú ekkert í þessu hvað hann hélt í við mig og ákvað að sýna honum hvar Davíð keypti ölið og setti Pattann á fulla gjöf. Það var ekki að spyrja að Ferósu druslann dróst snarlega aftur úr en náði mér alltaf jafn óðum. Þegar ég var kominn vel yfir hundraðið ákvað ég að stoppa og kanna þetta með gaurinn á Ferósunni, hvort hann ætlaði að elta mig allan daginn. Um leið og ég stoppa rýkur hann út alveg óður og spyr mig hvort ég sé alveg brjálaður. Haaa,, hvað meinar þú maður, eru þetta allar þakkirnar fyrir að hafa bjargað þér úr krapanum hérna fyrir neðan??
Það sem hafði gerst var að ég gleymdi að losa spottan og var með hann allan tíman í togi. Nú vill hann kæra mig fyrir að eyðileggja bílinn sinn. Vélin hjá honum fór á yfir snúning við þetta og fleira og fleira.

Ég spyr, á ekki að banna mönnum á fara á fjöll á svona litlum druslum??

Togkveðja, Patrolman.