Hvernig er hægt að breyta kiu sportage ? :)

Sæll

Ég er með einn svona á 31" og Hann hefur reynst mjög vel. 31" kom ég undir á án mikilla aðgerða. Ég setti 3cm klossa, sem ég fékk í Málmsteypunni Hellu, undir gorma að framan og aftan og skar örlítið úr framstuðaranum.

Það er lítið mál að koma 33" undir, eða bara svipað mál og gert hefur verið við marga Súzuki Vitara. Þessir bílar eru á sjálfstæðri grind og því lítið mál að hækka á yfirbyggingu.
Eitthvað pláss er til úrklippinga úr brettum, allavegana nóg til að koma 32" dekkjum undir.
Þessir bílar eru léttir og með tiltölulega öfluga vél (2000 twincam 128 hö) og geta því komist helling á 33"
Bíllinn hjá mér er með orginal tregðulæsingu í afturdrifi sem virkar bara ágætlega.

Það er ekki hægt að fá lægri drifhlutföll í þessa bíla. En þeir eru þokkalega lágir í lágadrifinu, mundi alveg sleppa á 33".
Brettakanntar voru einhverntímann fánalegir, veit ekki hvar. Hef séð þá á þessum fáu bílum sem eru á 33".
En brettakannta mál er yfirleitt hægt að leysa með hugmyndafluginu.

Það hafa verið sögur um handónýtar framhjólalegur. Það hefur ekki verið raunin hjá mér. Herti upp á þeim í 55þkm og smurði, er ennþá á þeim sömu 40þkm seinna.
Afturgormar brotnuðu í 85þkm.
Þetta eru bílar sem eru ódýrir í innkaupum og standa sig ágætlega, en það þarf náttúrulega að hugsa um þá eins og alla aðra.

Kv. Olgeir Ö.

50mm boddíhækkun, klippa eins og þarf og 35" undir.
Engan tepruskap.
Það er engin þörf fyrir lægri gír ef bíllinn flýtur almennilega. Aflið er fullnóg, bara spurning um að vera meðvitaður um kúplinguna í þungu færi.

kkv

Grímur