Hveravellir

Nei drengur minn ekki svo mikið sem hugsa út í það.

krapi og drulla.. mjög mikinn snjó tekið upp
ekki er heldur hægt að komast að norðanverðu
brúin ófær…þar sem bíll fór útaf fyrir nokkru
man ekki hvað það heitir..

hveravellir núna = þyrla

Þá getur maður sleppt því að byrja að hugsa um það …

Ég myndi nú ekki vera svo viss um að allt sé ófært. Það frysti upp úr hádegi á fimmtudag. Síðan hefur verið um það bil 5 gráðu frost á hálendinu. Þó vatn sitji víða í lægðum, þá tekur ekki marga daga fyrir ísinn að verða bílheldur, og hjarnið verður víðast hart á nokkrum klukkutímum.

Við svona aðstæður geta þó víða leynst staðir þar sem hægt er að festa bíl í bleytu. t.d. þar sem snjór nær að einangra bleytuna, eða þar sem vatnið sjatnar eftir að það leggur, og það myndast einangrandi loftrými undir ísnum. Þetta er algengt í Þjófahrauni milli Bragabótar og Skjaldbreiðar.

Við svona aðstæður skiptir miklu að varast pollana, t.d. þar sem ekið er meðfram fjöllum, að halda sig aðeins uppi í hlíðinni. Ég hef trú á því að með lagni, sé vel hægt nota góða veðrið sem spáð er, a.m.k fyrir laugardaginn, og fara á fjöll.

-Einar

-Einar

4×4 á Blöndósi eru að fara á Hveravelli í dag,eg er viss um að þeir fara þetta vandræðalaust

Sælir félagar.

Sammála Einari, það tekur ekkert mjög langan tíma að verða ferðafært á ný á fjöllum eftir svona hláku, sérstaklega ef varlega er farið og nýr snjór nær ekki að leggjast á krapann eða bleytuna. Hann virkar eins og teppi og einangrar bleytusullið í langan tíma.

Ég hef ferðast í krapavandræðum í 21 stigs frosti þar sem nýr snjór hafði lagst yfir og einangrað frostið í marga daga.

Ferðakveðja,

BÞV

Fórum á þremur bílum í Kerlingafjöll á laugardagskvöldið á þremur bílum og það var bara akkúrat enginn krapi neinstaðar.
við mættum meira að segja bíl á 31" sem var að koma frá Hveravöllum í dagsskreppitúr.
Það eina sem er varasamt núna, allavega á þessum slóðum er hvað vegir og slóðar hafa grafist í sundur það mikið að auðvelt er að skilja hásingu eftir ef maður færi í þetta á fullri ferð.

Kveðja,
Glanni

Vorum á ferð reindar talsvert austan við hveravelli um helgina og þar er vægast sagt mjög varasamt að ferðast dekk rifnuðu stuðarar brotnuðu spil hitnuðu og framtennur lostnuðu en verður eflaust orðið fært upp úr miðri viku lítill snjór er þar

Kv.
Benni

PS.
Ættlaði að setja inn nýjar myndir en þrátt fyrir ýtrekaðar óskir um stækkun á myndaplássinu í albúminu mínu þá verður það að bíða betri tíma.

Ég verð að viðurkenna að ég var búinn að búa mig undir mikla krapaferð en það var ekki vatnsdropa að sjá (kom mér skemmtilega á óvart) nema hvað árnar voru opnar og mikið bólgnar.
þannig að þú hefðir bara átt að vera með okkur Benni minn ekkert vesen bara tóm hamingja.

Kveðja,
Glanni.

Það kólnaði fyrst vestantil á landinu fyrir helgi, þannig að það hefur líklega fryst um það bil hálfum sólarhring fyrr á vestanverður hálendinu en austar.

Annars finnst mér það ruglandi að menn kalla alla bleytu sem er til trafala á fjöllum, krapa. Í mörgum ám eru kaflar þar sem grunnvatn streymir í árnar, þar leggur þær yfirleitt ekki nema í miklum frostum, þá bólgna þær oft upp en ísinn er yfirleitt ótraustur. Ásbrandsáin sem Lúther lenti í er ein af þessum ám. Ef menn kalla slíkar aðstæður krapa, þá er hálendið sjaldan laust við hann, a.m.k ekki þegar mikið frost er.

Bláfjallakvíslin á leiðinni úr Fljótshlíð í Hvanngil og Markarfljót sunnan Laufafells, Hengladalaáin á Hellisheiði og Grafarlandaáin í Ódáðahrauni eru fleiri dæmi um ár sem sjaldan eða aldrei eru á traustum ís.

-Einar