This topic contains 11 replies, has 1 voice, and was last updated by 
-
Topic
-
Sælir allir.
Ég má til með að deila því með ykkur að stór hluti hópsins sem fór i Setrið í nýliðaferðina er nú á leið til Hveravalla. (Ég komst ekki með vegna anna)
Hópurinn fór úr bænum kl. 8 í morgun, og vegna leiðinda veðurs var ákveðið að fara Kjalveg. Þegar komið var austur fyrir fjall var kominn blíða, og búin að vera í allan dag. Þæfingur var víst uppað Geysi, og þar var eitthvað hleypt úr lofti. 20 km. frá Geysi þurfti að sinna reglubundnu viðhali í einni Toyotu bíl, og það kostaði bið fyrir hluta hópsins til kl. 17.
Færið mun vera frekar þungt, mikill laus snjór. Uppúr kl. 17 var hluti hópsins kominn langleiðina uppeftir, en annar hluti kominn rétt uppfyrir Kerlingarfjalla afleggjarans. Þar er víst mun léttara færi.Þegar ég heyrði í heimildarmanni mínum, Eyþóri, fyrir klukkutíma, var aftasti hópurinn kominn rúmlega uppfyrir Árbúðir, og gekk frekar hægt vegna færisins, en skafið hefur í öll för. Í þessum aftasta hóp eru 3 eða 4 bílar, en þann sem bilaði varð að skilja eftir.
Ég heyri í þeim á eftir, og færi frekari fréttir.
Emil
-
Replies
-
Hæ, hæ.
Ég var að fá þær fréttir að fyrstu bílar úr þessari ferð hafi náð á Hveravelli kl. 20. Næsti hópur er enn ca. 2 km. frá skála og gengur hægt. Færi er töluvert þungt, og mikill nýfallinn snjór.
Af þeim sem eru aftastir er það að frétta, að ferðin sækist þokkalega og 22km. eru eftir. Það er mikið frost, en gott veður. Frostið er það mikið að þegar einn ökumaðurinn sem hafði haldið jafnri ferð talsverðan tíma, ætlaði að auka hraðann, var olíugjöfin frosin föst.Á leið til Hveravalla eru einnig tveir bílar, Patrol og Pajero, en þeir fóru hraunið. Patrolinn er með ónýtt dekk, og þeir eru stopp, og eiga von á dekki úr bænum. Eyþór og hans hópur sjá ljós frá þeim.
Þarna uppfrá er töluvert mikill snjór, en hann er svo laus í sér, að erfitt er að komast hjá grjótinu sem er undir.
Hópur suðurnesjamanna mun vera í Setrinu, en þar hefur verið leiðinda veður í allan dag, og því hafa þeir haft hægt um sig, og notið þess að hafa hlýjan og þurran samastað.
Næsti fréttatími verður fyrir kl. 1.
Kv.
Emil
Sæll Emil og takk fyrir að deila þessum upplýsingum til okkar, alltaf gaman að fylgjast með strákunum þegar maður verður að sitja heima.
En hefur þú eitthvað heyrt frá Suðurnesjamönnum sem eru í Setrinu?
Kveðja Lúther
Jæja, þá er þetta allt að hafast hjá síðasta hópnum. Þau eiga eftir 7km. í skála, og gengur vel. eru að halda 25km. hraða. Snjórinn er það mikill að Eyþór sem er bíll nr. 3 er að draka kúlu í förunum. Ykkur þykir kanski óþarfi af mér að nefna það, en það er eldgamall Hilux sem riður leiðina fyrir hópinn.
Lúther, ég hef ekki heyrt í Setursförum sjálfur, en það litla sem ég veit, og skrifaði áðan, hef ég frá Ágústi á Krílinu. Hann hefur verið í sambandi við hópinn, enda suðurnesjamaður eins og þeir.
Ég get ekki neitað því að vilja frekar vera þarna uppfrá heldur en að tala við hópinn í síma, svo nú ætla ég að skríða undir sæng, og dreyma skafla.
Góða nótt,
Emil
Anonymous- Umræður: 0
- Svör: 16404
Hæ hæ,
jæja við komust allaveganna heim þó gengið hafi á ýmsu. Einn öxull brotinn, bogin togstöng, rafmagnsvesen, bremsuvesen, driflokuvesen og hitavesen en í heildina alveg frábær ferð. Ísfirðngarnir fjórir eru ennþá á leiðinni vestur og gengur svona þokkalega. Hlökkum til næstu ferðar.
Kveðja Bjartur og Sibba
Toyotan sem þurfti allt í einu relgulegt viðhald var sótt upp á Kjöl í gærkveldi, nýtt drifskaft var klárt seinnipartin í gær og lagt var á stað úr bænum um 19:00, ferðin upp ettir gekk vel, mikill skafrenningur og rok og er óhætt að segja að það hafi verið létt "kick" að vera að keyra upp á Kjöl um miðnæti á 35" bíl við þessar aðstæður sjá GPSinn telja niður kílómetrana að endapunkti (bílnum). Öxullinn rann í við erfiðar vinnuaðstæður (blindabylur) og vorum við komnir til Reykjavíkur um 3:30 í nótt.
Ég vil þakka ferðafélögum þolinmæðina sem tóku ekkert annað í mál en að doka við meðan nýr öxull kæmi frá RVK(leiðinlegt að hann hafi ekki passað í:). Þakka náttúrulega góða þjónustu hjá Rúnari í Toyota, Jammil í partasöluni við Rauðavatn og Jonna bílasnilling úr Hafnarfiriði og jú ekki gleyma Rikka sem skutlaðist upp ettir á 35" hvítu Pæjuni sinni. Þið hin sem komust upp á Hveravelli, vonandi hefur þetta gengið vel hjá ykkur. Hlakkar til næstu ferðar með nýja driföxla. . . .
Setti einhverjar myndir inn í albúmið…
Kveðja
Georg Aspelund
Anonymous- Umræður: 0
- Svör: 16404
Við erum búin að setja inn myndir frá ferðinni á Hveravelli, þær má sjá hér http://public.fotki.com/sibbaj/januarferd/
Anonymous- Umræður: 0
- Svör: 16404
Sælir,
samkvæmt lýsingum og myndum hefur þetta verið hörkuferð. Hefði verið gaman að dandalast þarna með Þó ekki nema bara taka myndir. En voru það fleiri en ég sem tók eftir þessu, þetta voru nánast allt Toyotur. Hvað sannar það?? hahhah
Hverjir eru bestir?? hahaJónas
Sæll Jónas
Ég var að spá í hvort þú ættir ekki myndir af þeim bílum sem hafa verið í eign þinni,þar sem þú skiptir svo ört um bíla það væri gaman að fá að sjá þá.
Það er að segja ef þú hefur ekkert á móti þvíkv Jóhannes
Anonymous- Umræður: 0
- Svör: 16404
´Sæll Jóhannes,
jú eitthvað af flotanum er myndaður, ef ekki allur þó ekki sé um margar myndir að ræða. Þar sem ég er af gamla skólanum þá er maður ekki kominn með svona flotta digital cameru. En ætli maður reyni ekki að nýta tölvutæknina og reyna að koma eitthvað af þessum myndum á tölvutækt form ef vel gengur. Annars eru þeir nú ekki svo margir.Jónas
Sæll Jónas
Já ég þakka þér fyrir,það verður gaman að skoða tækin þegar allt er klárt hjá þér
kv Jóhannes
Sæll Jónas,
Það má kannski líkja okkur Toyota mönnum við ævintýrið um Hans og Grétu, Hans dreifði brauðinu þegar að Pabbi þeirra labbaði með þau út í skóginn, þetta hjálapaði þeim að rata heim aftur. Þegar verið er að leiða okkur langt upp á hálendið þá er gott að menn rati aftur til baka, en til þess er gott að skilja eftir Toyota stikur (þó dýrar geti verið)…
Við erum nefnilega ekki svo heppnir að skilja eftir sótsvartann snjóinn eins og þið Pæju og Patrol menn gerið ha ha ha
Kv. Georg
You must be logged in to reply to this topic.