Hver stjórnar ?

EF svo væri þætti mér það miklir hagsmunaárekstrar þar að auki hef é ekki séð neitt um þetta á spjallinu, hvar heyrðir þú þetta Eyþór ?

Það sem er hæft í þessu er að ég er starfsmaður Útivistar og starfa þar sem framkvæmdastjóri. Það má alveg velta því fyrir sér hvort það fari saman með formennsku í 4×4. Ég lít ekki á þessi félög beinlínis sem samkeppnisaðila, en auðvitað eiga þau ýmiskonar samskiptum og geta átt gott samstarf. Slíkt er hins vegar frekar á borði stjórnar Útivistar en skrifstofunnar. Ef reyndin sýnir að þetta skapi einhver vandamál er auðvitað ekkert annað að gera fyrir mig en að láta af formennskunni.
Kv – Skúli

Ég sé ekki neina hagsmuna árekstra í þessu dæmi,ég sé eingöngu mann sem er að vinna fyrir sér og sínum og hann á ekki að þurfa að segja af sér formennsku klúbbsins útaf vinnunni sinni.
Skúli ég óska þér bara til hamingju með starfið.
Kveðja
Jóhannes.

Ég hef sagt það áður og segi það en
þessi frábæru félög eiga að vinna saman.

Jepparæktin og okkar ferðir geta vel þróað með sér samstarf báðum félögum til heilla.

kveðja gundur

Já margir hér að ofan hafa nefnt að þeir vilji frekari samstarf okkar við Útivist, ég hef að vísu ekki séð mikið samstarf þar á milli, og held reyndar að það verði ansi erfitt.
Ferðaklúbbur og Ferðafélag er hreint ekki sami hluturinn og sé ég fyrir mér að ansi mikið þurfi að breytast svo við getum runnið í eina sæng og fyrir mitt leiti er ég hreint ekkert spenntur fyrir því.

sagði Lúter, ég er sammála honum að mestu leiti. En þarna erum við að tala um félag og fyrirtæki og er það aðalega sem skilur á milli. Þó eigum við það sameiginleg að eiga og reka skála. En ég sé samt ekki fyrir mér nein stórmál þar sem við næðum saman enda enginn ástæða til þess. Það er allt í lagi að vinna saman að þeim málum þar sem við eigum sameiginlega hagsmuni en síðan ekkert þar fyrir utan. Við erum jeppafélag ekki göngu fólk einsog Útivist, þó félagar í 4×4 séu í göngum, vélsleðum og öðru slíku. Þá erum við fyrist og frems hagsmunafélag jeppamanna. Ég skil eiginlega ekki þessa umræðu um meiriháttar samstarf og sameiningu þrátt fyrir að Skúli skuli vera orðinn starfsmaður þarna og að fólk fagni því yfirleitt. ég lít frekar á þetta sem neikvætt fyrir 4×4. En menn verða auðvita að vinna til þess að eiga fyrir salti í grautinn.

Dagana 5-7 Ágúst er Útivist með fjöldskylduferð í Bása þar sem gist verður í skála alla helgina, þetta er svona týpisk ferð sem við í 4×4 klúbbnum þekkjum vel, enda höldum við einnig svipaða fjöldskylduhátíð.

Verð í Útivistarferðina er rúmar 9000 krónur pr. mann fyrir félagsmenn útivistar

fjöldskylduhátið 4×4 kostar undanfarin ár ca 3000 á bíl.
Helgarferð með Útivist kostar að meðaltali 8000 pr.mann

Hvort ættum við að lækka verð á Útivistarferðum eða hækka ferðir 4×4 klúbbsins?

Þetta er nokkuð merkilegur þráður.
Skúli til hamingju með nýja starfið það er frábært að vinna við það sem maður hefur áhuga á og ég efa það ekki að þú komir til með að sinna þessum störfum báðum vel en ég get ekki séð hvernig stjórn í áhugafélagi og fyrirtæki á svipuðum markaði getur gengið án þess að verði hagsmunaárekstrar og hvorum megin við borðið ertu þá Skúli?
Þessi félög eiga að hafa meiri samvinnu í baráttumálum en mér finnst að þau eigi að starfa algjörlega óháð hvort öðru.
Kveðja Lella

Eyþór, til að bæta gráu ofan á svart er ég félagsmaður í FÍ og Landróver klúbbnum og dauðlangar líka Jörfís. En reyndar óvirkur í þessum félögum, en finnst sjálfsagt að eiga þessi skíreini. FÍ og Útivist eru sjálfsagt í samkeppni um félagsmenn en tæpast 4×4 og Útivist, til þess eru þetta of ólík fyrirbæri. Þú færð einfaldlega ólíka hluti með félagsaðild í þessum félögum. Eins og ég segi, annað er ferðaklúbbur fólks sem ferðast á eigin vegum, hitt er ferðafélag sem stendur fyrir skipulögðum ferðum í stórum stíl.

Það má samt vel vera að það geti komið upp mál þar sem hægt er að tala um hagsmunaárekstra. Það er hins vegar líklegt að þá séu þau mál á borði stjórnar Útivistar og þá er hægt að víkja sæti í stjórn 4×4 meðan þau eru tekin fyrir. Slíkt ætti þó ekki að vera algengt, allavega kom ekkert slíkt upp á síðasta starfsári. En ef ég hef rangt fyrir mér með það að þetta sé ekkert vandamál, þá þarf hreinlega varaformaður að taka við. Hér að ofan er svo hins vegar bent á góðar hugmyndir um samstarf og reyndar er samstarfssamningur í gangi um VHF sem mætti víkka út.

Með verð á ferðum Lúther, þá skýrist munurinn í fjölskylduferðunum á því að rúta er innifalin í verðinu hjá Útivist. En þar fyrir utan byggir verðlagning í ferðir hjá Útivist á því að tekjur standi m.a. undir kostnaði fararstjóra og reyndar þar fyrir utan höfum við í 4×4 alltof oft verið að tapa eða borga með ferðum og uppákomum. Nægir að nefna þorrablót sem dæmi þar. Verð hefur alltof oft verið keyrð niður úr öllu þannig að ekkert má klikka til að ekki sé komið tap. En það er kannski annað mál, en samt slæmt mál.

Kv – Skúli