Hver borgar brúsan??????

Mér finnst gott að þessi umræða hafi farið á stað til að fá menn aðeins til að hugsa um að þetta er ekki allt gefins!

Menn tala mikið um flugeldasölu björgunarsveita og er hún einn aðall fjáröflun flestra sveita hér á landi, því ekki er ríkið og sveitarfélög almennt mikið að styrkja þá. En núna undan farin ár hafa fleiri félög farið að selja flugelda í samkeppni við björgunarsveitirnar og það finnst MÉR fáranlegt, því öllum finnst sjálfsagt að sér sé bjargað þegar þess þarf!!!

Takk fyrir Nonni

Björgunarsveitir rukka ekki fyrir björgun og eiga ekki að gera það. Fólk leggur inn í "bankann" með því að kaupa flugelda af björgunarsveitunum og á að geta tekið út þegar það þarf á því að halda. Hræðslan við reikning á ekki að aftra mönnum að kalla til aðstoð. Við vitum öll að það getur haft alvarlegar afleiðingar ef fólk veigrar sér við að kalla til björgunarsveitir út af kostnaði. Gott dæmi um þetta er þegar Vikartindur fórst af því að skipstjórinn vildi ekki borga björgunarlaun fyrr en það var of seint! Þessi ranga ákvörðun og hræðsla við há björgunarlaun kostaði mannslíf, skipið og farm. Þetta viljum við ekki fá inn í björgunarsveitageirann. Aftur á móti getur hver og einn styrkt björgunarsveitirnar að eigin frumkvæði, en ekki á að rukka fyrir aðstoð. Verðmætabjörgun er svo annað mál, en oft er samið um björgunarlaun fyrirfram og verkið unnið í samræmi við það.
Kveðja,
ÓAG.
R-2170.

í sambandi við björgun skipa úr sjávarháska þá er þetta aldrei spurning við reynum að bjarga fólki númer 1 2 og 3 en þegar engin er í lifshættu þá kemurað verðmætabjörguninni, ég þekki ekki vel til skipabjargana annara enn þeirra sem björgunarsveitir hafa staðið að og þegar við tökum skip i tog þá er fyrst skoðað hvort eikkur hætta stafi að því fyrir áhafnarmeðlimina og bátin því þetta er ekki spurning að stundum er bát og áhöfn stefnd tæpt, enn svokölluð björgunarlaun sem eiga ser stoð i lögum eru aldrei nærri jafnmiklir peningar og verðmæti skips eða farms, og oftar enn ekki eru slik laun smapeningar hvort sem utgerð eða tryggingafelag þurfi að borga, enn uppi a landi eru engin lög um það að rukka megi um aðstoð björgunarsveitar enda tel eg það frekar ósiðlegt þótt upp geti komið atvik sem geti orðið mjog kostnaðarsöm og se þá vitað ´fljótlega i byrjun að muni kosta eitthvað.

Fyrst til allra björgunar- og hjálparsveitameðlima, sem ég þekki. Kærar þakkir fyrir hjálpsemi ykkar og dugnað. Ég hef aldrei þurft á hjálp ykkar að halda, en líður betur að vita að af ykkur í viðbragðsstöðu ef eitthvað kemur upp á.

Ég styð við bakið á sveitunum á mjög ánægjulegan máta, sem felst í mjög ríflegum flugeldakaupum um áramót. Þetta er valfrjáls "skattur", sem er uppistaðan í fjármögnun sveitanna.

Varðandi gjaldtöku fyrir björgun, þá er ég ekki hlyntur henni vegna þeirrar hættu, sem fylgir því að fólk í vanda reyni að bjarga sér án aðstoðar, frekar en að kalla út aðstoð vegna ótta við reikninginn. Þetta gæti orðið til þess að fólk týndist á fjöllum og yrði úti. Slíkt er ekki ásættanlegt.

Eina frávikið frá þessu, eru uppátæki útlendinga, sem ætla t.d. að ganga á skíðum þvert yfir landið, jafnvel má þetta ná til útlendinga, sem leigja jeppa til að ferðast um hálendið. Þessum aðilum mætti selja björgunartryggingu á þeim forsendum að þeir taka ekki þátt í hinni valfrjálsu "skattheimtu", sem flugeldasalan er.

Hvað sem öllu þessu líður, þá finnst mér það ekki í mínum verkahring að atast í þessu. Ég treysti sveitunum sjálfum fyllilega til að vekja máls á gjaldtöku, þegar og ef af verður. Í kjölfarið munu þá tryggingafélögin reikna út kostnað við slíka tryggingu og bjóða hana sem hluta af utanvega kaskó.

Minni fólk á flugeldasölur Slysavarnarfélagsins Landsbjargar.

Beina viðskiptum ykkar til réttra aðila.

Björn O

Við skulum ekki missa okkur alveg yfir gömlum syndum.

Vildi bara vekja athygli á Flugeldasölu Björgunarsveitanna og styrkja rétta aðila. Vara sig á "athafnamönnunum".

Björn