Hver borgar brúsan??????

Ég vill nú biðjast afsökunar á þessum tilmælum mínum varðandi þennan einstakling sem lagði líf sitt að veði fyrir aðra, svona menn eiga orðu skilið.

Ég vil einnig segja að björgunarsveitir landsins hafa gert stórkostlega hluti og dáist ég af þeirra framtaki.

Sælir

Mikið er ég sammála SkúlaH, sem tjáði sig í þessari umræðu fyrr í dag.
Ég ætla að muna eftir þessu þegar kemur að innkaupum á áramótaflugeldunum og kaupa heilan helling af þeim – með bros á vör.

Ágúst (Wolf) Sigurðsson.

Já já, eru ekki allir jeppamenn björgunarsveitarmenn í sér.
allavega eru margir jeppamenn úti á landsbyggðini í björgunarsveit og nota sinn jeppa í útköll til flutninga á mannskap eða til aðstoðar björgunarsveitabíls,
og bestu ökumenn björgunarsveitabíls eru jeppamenn sem stunda sitt sport í uppi á fjöllum.
það er einginn smá reynsla, það er ekki bara að aka heldur álestur á gps, lesa úr korti, setja upp leiðir og þekking á landi. ég hef ekki tölu á því hvað ég hef sótt marga bíla(fólksbíla og jeppa) sem björgunarsveitarmaður(jeppakall) á fjallvegum á mínu svæði.

kveðja: Björn

Reyndar eru hjálparsveitir farnar að rukka fyrir að sækja bíla og önnur faratæki sem eru skilin eftir á fjöllum eða eru í vandræðum og komast ekki til baka. Þetta er orðin spurning um verðmætabjörgun þegar fólk er ekki í hættu. Þetta fer að verða spurning um að nokkrir vaskir menn kaupi sér öflugan snjóbíl og stofni björgunarfyrirtæki til að sækja eftirlegukindur á fjöll. Hjálparsveitir er að vinna mjög gott starf á öllu landinu og menn eru ekki að hlífa sjálfum sér eða tækjunum þegar farið er í útköll og mikið liggur við.

Hlynur

Vill maður ekki alltaf taka þátt í umræðum sem manni finnst að snerti mann sjálfan?

Ég hef starfað töluvert samhliða björgunarsveitamönnum í gegnum tíðina og ber ómælda virðingu fyrir þeim flestum og þeirra störfum. Án þeirra væri þjóðfélagið fátækara og ég get vottað að hróður þeirra er slíkur að ég hef oftar en einu sinni verið beðinn um það erlendis að skýra út fyrirkomulag íslenskra björgunarsveita og sögu að fyrra bragði.

Ég er sammála mörgu því sem hefur komið fram hér að ofan en finnst eftirfarandi standa uppúr:

1) Mér finnst sjálfsagt að greiða einhverskonar gjald (þó ekki væri nema olíuna) fyrir verðmætabjörgunarleiðangur. Ég þykist þó vita að ekki nærri allir björgunarsveitarmenn taka það í mál í dag. Kannski breytist það…

2) "Kostnaður" við verðmætabjörgunarleiðangra er líklega í flestum tilfellum mikið lægri en þegar kölluð er út leit. Mannskapur, tækjabúnaður og umsvif eru svo mikið, mikið minni og vonandi er björgunarsveitum það í sjálfval sett hvort þær leggja af stað eða ekki til að sækja bilaðan bíl. Þeir sem ég þekki mundu þó flestir vera lagðir af stað áður en símtalinu lyki.

3) Vanþekking og bjartsýni sums fólks þegar kemur að hálendisferðum er ótrúleg. Þátttaka í björgunarsveit eða skátastarfi kennir mörgum hvað þarf til, svo og auðvitað að ferðast með reyndu fólki eins og félögum í 4×4. Lumar einhver á góðri hugmynd til að dreifa þeirri þekkingu af meiri krafti?

4) Byrjum að spara fyrir flugeldum sem við ætlum að kaupa af björgunarsveitum! Að mínu mati er það 1000 sinnum mikilvægara málefni að styrkja en rekstur meistaraflokka íþróttafélaga.

Vona bara að það fari að snjóa…
Einar.

Þetta eru nú ansi líflegar umræður ekki satt?
Ég hef nú starfað í björgunarsveit til margra ára og þau eru orðin ófá útköllin sem ég hef farið í ásamt félögum mínum, og misalvarleg hafa þau líka verið.

Þegar þarf að bregðast skjótt við og aðstoða fólk sem er í nauð þá spyr engin um það hvort viðkomandi hafi komið sér í þau vandræði með einhverjum fíflaskap eða hvort að hann hafi gert allt rétt en bara verið óheppinn, það er aukaatriði, fólk er í vandræðum og okkar hlutverk er m.a. að "redda" þesslags málum.

Við erum ekkert að velta okkur uppúr kostnaði þó að hann geti auðveldlega hlaupið á tugum og jafnvel hundruðum þúsunda (þetta er líka spurning um reikningsaðferðir)

Við viljum (og ég held að ég tali fyrir munn flestra bjsv. manna) eiga gott samstarf við þá hópa fólks sem stunda útivist af einhverjum toga, því að tölfræðin segir okkur að það sé helst útivistarfólk sem þarf að nota okkar "þjónustu" en það er auðvitað eitthvað sem menn vilja helst vera án að sjálfsögðu.

Björgunarsveitir eru nefnilega ekkert mjög ólíkar tryggingum, þú kaupir tryggingu en vonar að þú þurfir aldrei að nota hana, eins er þetta með björgunarsveitirnar, fullkomið ár hjá björgunarsveit er þegar engin útköll verða, en því miður er það nú ekki svo auðvelt að ná því marki.

En með góðu samstarfi við önnur samtök og með fræðslu og forvörnum þá hefur tilfellum eins og það sem sýnt var hér ofar á síðunni fækkað og heyra nánast sögunni til og það er ekki síst félagsskap eins og 4X4 að þakka.
Því að í þeim félagsskap eru gamlir refir sem miðla reynslu sinn til þeirra sem ekki eru eins langt komnir í jeppamenskuni.

Og svona í blálokin, finnst einhverjum hér á þessari frábæru síðu eitthvað athugavert við það þó að björgunarsveit taki gjald fyrir að bjarga verðmætum fyrir einstaklinga og fyrirtæki, ef þess er óskað?

Því eins og ég benti á hér í byrjun þá erum við klárir með litlum sem engum fyrirvara ef bjarga þarf lífum og limum og leita að fólki, en svo þegar óveðrinu slotar og hættan er afstaðin, þá kemur eftirmáli sem oft er hægt að ígrunda í rólegheitum og ganga svo í málið.

Sú sveit sem ég hef starfað í hvað lengst og aðrar í nágrenni við okkur gera þetta iðulega, en að sjálfsögðu gegn MJÖG hóflegu gjaldi.

Með þökk fyrir lifandi umræður.
Austmann

Sælir félagar.
ég er ánægður með góð viðbrögð sem spunnist upp vegna spurnigar minnar og gaman að sjá að margir eru nú ekki svo ósammála mér en það er eins og nokkrir þarna hafa tekið þetta aðeins of nærri sér og orðið svolítið "pisst", manni grunar nú helst að þetta eru kannski menn sem hafa lent í þessu sjálfir?

Ég vil einnig koma því fram að ég hef og mon alltaf kaupa fugelda af sveitunum þeim til styrktar og ég legg til að allir geri það sama.

Aðilar sem hafa undir höndum tæki sem eru niðurgreidd af ríkinu, meiga ekki nota þau til að afla sér tekna í samkeppni við einkaaðila. Samkeppnislög banna það.

Nokkir punktar um björgunarsveitir (vona að ég fari ekki með mjög rangt mál hérna):

Fá einhverja styrki fá ríki og sveitarfélögum. Oft duga þessir styrkir fyrir sköttum og aðstöðugjöldum frá þessum sömu aðilum, og stundum ekki.

Þurfa að borga fulla tolla og skatta af öllum sínum rekstrarkostnaði. Varahlutir, eldsneyti, þungaskattur og flest allur minni björgunarbúnaður er virðisaukaskyldur og tollaður. Snjóbílar, bílar og breytingar á þeim, vélsleðar og önnur stór tæki eru þó undanskilin frá þessu. Þekki ekki alveg hvernig reglurnar eru með fasteignagjöld, en minnir að einu sinnu fengust þau niðurfeld af félagsaðstöðu. Bílageymslur og verkstæði (sem eru yfileitt um 60% af húsnæðinu) töldust ekki sem félagsaðstaða og báru því full fasteignagjöld. Veit ekki hvernig þetta er í dag, en held að þessu hafi eitthvað verið breytt. Bifreiðagjöldin eru niðurfelld, og ég held að það hafi loksins fengist í gegn að gjöld til fjarskiptaeftirlitsins séu niðurfelld. Stór björgunarsveit þarf að eiga nokkra tugi af VHF talstöðum, og leyfisgjöldin af þeim öllum er alveg slumma af Ragnheiðum.

Útgjöld björgunarsveitar eru ekki skattalega tengd tekjustofninum. Þannig að ef seld er raketta fyrir 1000 kr, fara 250 kr í vask af rakettunni, og svo ef keyptur er varahlutur fyrir restina, þá fer 150 kr af varahlutaverðinu í vsk, þannig að á endanum hirðir ríkið 400 kr af 1000 kr sem björgunarsveitin fær frá kúnnanum (að því gefnu að varahluturinn sé tollfrjáls…!) Þetta er reyndar umtalsverð einföldun. Innskattur á móti útskatti gildir mjög takmarkað fyrir félagasamtök eins og björgunarsveitir.

Flestar aðgerðir sem björgunarsveitirnar á höfuðborgarsvæðinu fara í (þekki bara stóru snobbuðu höfuðborgarsveitirnar) eiga sér stað á lálendinu (og því miður er stærsti hluti þeirra leitir að þunglyndu fólki). Leitir að útivistarfólki eru ornar í stórum minnihluta, en þegar þær eru þá eru þær elskaðar í fjölmiðlum og eru umfangsmiklar, krefjandi, dýrar og laaaaaang skemmtilegastar! Þeim mun dýrari sem þær eru, þeim mun meira fær ríkið í allskonar skemmtilegum jaðarsköttum og gjöldum. Þannig að þeim mun viðameiri sem aðgerðin er, þeim mun meira græðir ríkið. Þjóðfélagið tapar þó líklega á svona aðgerð, og þá líklega einna mest vegna vinnutaps þegnanna sinna, sem og vegna reksturs landhelgisgæslunnar og annarra atvinnumanna.

Þessi veröld er stundum pínu fyndin.

Ætti að breyta þessu eitthvað? Nei. Þetta virkar fínt svona. Undirrituðum grunar líka að frekari skattaívilnanir og gjaldaívilnanir myndu stórlega auka líkurnar á að sveitirnar og meðlimir þeirra færu að misnota ívilnanirnar. Þannig er jú bara eðli blessaðrar mannskepnunar.

Kveðja
Stoltur björgunarsveitarnörd í æviáskrift.

Sælir.

Rakst á þessa umræðu og langaði aðeins að leggja smá orð í belginn.

Tek fram að ég kem ekki sem fulltrúi Slysavarnafélagsins Landsbjargar (SL) á einn eða annan hátt, þetta eru bara mínar eigin skoðanir sem björgunarsveitarmanns til nokkurra ára.

Mér langar að byrja á því að segja að það stendur hvergi í lögum að okkur sé bannað að taka gjald (við köllum það styrk) fyrir verðmætabjörgun, aðstoð eða hvað sem ekki felst undir "björgun á mannslífum".

Samkeppnisstofnun hefur fjallað um mál þar sem einkaaðili kvartaði undan SL vegna björgunarskipa þess.

Til þess að gera langa sögu stutta þá úrskurðaði Samkeppnisstofnun á þá leið að SL væri heimilt að rukka fyrir aðstoð og þess háttar en bara má ekki taka með í reikninginn ríkisstyrki sem í þessu tilfelli hver björgunarbátasjóður fær, sem eru 9 talsins í dag.

Með minni bestu vitund fær engin landbjörgunarsveit beinan styrk frá ríkinu, heldur eru gerðir samningar milli SL og ríkisins og það er vegna reksturs á Tilkynningaskyldu íslenskra skipa og Slysavarnaskóla sjómanna, þó held ég að þeir séu fleiri á leiðinni eða jafnvel þegar komnir en þetta eru þeir tveir sem ég persónulega veit um.

Fyrir áhugasama er hægt að skoða úrskurð Samkeppnisstofnunar hér :

http://www.samkeppni.is/akvardanir_alit … kv0400.pdf

Vil einnig taka það fram að ég skrifaði þetta eingöngu til fróðleiks – er ekki að fara fram á óheppnir ferðamenn fari að borga brúsann fullum fetum.

Hitt er á móti annað mál að mér finnst að 4X4 og Slysavarnafélagið Landsbjörg og fleiri sem tengjast fjallaferðamennsku, ættu að taka höndum saman og uppfræða almenning og sérstaklega erlenda ferðamenn og ofurhuga um hættur til fjalla hér á Íslandi.

Takk fyrir.

Bara aðeins til að fylgja eftir orðum mínum hér aðeins ofar, þegar var talað um gjaldtöku þá var að sjálfsögðu EKKI verið að tala um að taka gjald af fólki í neyð, heldur einungis verið að tala um björgun á verðmætum af einhverju tagi.
Björgunarsveitir eru til dæmis oft og iðulega kallaðar til þegar tryggingafélögin þurfa að láta bjarga verðmætum eða bara jafnvel hreinsa til eftir bruna og engum hefur fundist það athugavert hingað til.(allavega ekki á því svæði sem ég þekki til)

Það er engin að tala um það að fara í samkeppni við einn né neinn heldur einungis verið að tala um að sinna sérhæfðum verkefnum, sem jafnvel engin annar er tilbúinn að sinna.

En það eru náttúrulega margir fletir á þessu máli og bara gaman og sjálfsagt að velta þessu aðeins fyrir sér