Hver borgar brúsan??????

sjóðurinn????

Það er alveg merkilegt að menn skuli halda það að þeim sé svarað þegar ekki er skrifað undir nafni.
Ég hef aldrei getað skilið svoleiðis, endilega skrifaðu undir nafni og þá koma kannski einhver svör við spurningum þínum.

Kv.
Dóri Sveins
R-2608

ég vill nú svara þessu,

það er nú bara þannig að björgunarsveitir eru sjálfboðasamtök og við vitum alveg hvað við erum að fara útí, og það stendur ekki til að fara að rukka fyrir okkar störf.

en ef fólk hefur áhyggjur af þeim kostnaði sem fellur til við útkall þá er öllum velkomið að styrkja björgunarsveitir landsins með kaupum á flugeldum, annað byðjum við ekki um.

og hvað með blessuðu gömlu konnuna sem á heima í hálfónýtu,fúnu húsi í Reykjavík..og þar sem að hún gat ekki farið uppá þak og neglt niður ryðgað bárujárnið í óveðrinu sem geisaði um daginn..þar sem hún hjartveik og með gigt..EIGUM VIÐ BARA EKKI AÐ RUKKA HANA UM 50.000KR AF ÞVÍ AÐ BJÖRGUNARSVEITIN KOM OG NEGLDI NIÐUR ÞAKIÐ HJÁ HENNI Í VONDA VEÐRINU.. ef maður vill styrkja þessar björgunarsveitir og hafa gaman af (sérstaklega ef maður telur að maður festi sig einhverntíman..) þá kaupuru einfaldlega rakettur fyrir miljónir…

Takk, A.Ó.

Þetta er þvílík steypa að maðurinn ætti að leita sér hjálpa. Kynna sér uppbyggingu hjálpasveita og fjáröflun þeirra og einnig eðli þeirra beiðna sem berast þeim. Hverjir þurfa á þessa aðtoð að halda, þeir eru svo margir að það tekur langann tíma að telja þá upp. Ég er þess vegna sammála öðrum sem hér hafa skrifað, maður verður bara svolítið "pisst" á svona fíflaskap.

Ekki kv. vals

Hvernig dettur þér í hug að slík ferð kosti svo mikið?
Björgunarsveitirnar eru ekki reknar af ríkinu og þjóðfélagið bíður því engan skaða af svona ferðum.

Auðvitað eru menn vitlausir að ana í svona vitleysu einbíla, en björgunarsveitir gefa sig út fyrir að bjarga fólki í nauð, hvort sem það var vanhugsað eða ekki.

Mér finnst líka fullhart að dæma alla félagsmenn eftir svona óhappi, mennirnir eru eins ólíkir og þeir eru margir.

Mér þætti ekki ólíklegt að jeppamaður þessi beini flugeldaviðskiptum sínum framvegis að þeirri sveit sem kom honum til bjargar og þá þarf ekki mörg ár til þess að borga upp útkallið.

Kveðja,
Gísli S.

sælir.
Bíddu bara í smá tíma eða þangað til að þú ert fastur einhvers staðar og þarft á hjálp að halda,og þegar hjálpasveitin er að koma til þín geturu hringt og millifært greiðslu til þeirra áður en þeir hjálpa þér.
kv J.

Annað sem koma má fram að allir sem eru í björgunarsveitum eru þar af fúsum og frjálsum vilja og má því ætla að þetta starf sé unnið af áhuga og hugsjón.
Við sem kaupum flugelda og styrkjum björgunarsveitir með happdrættismiða kaupum erum að styrja björgunarsveitirnar til að vera í stakk búnar að bjarga mannslífum og til að bjarga mannslífum en ekki bara til að æfa sig og hafa gaman.
Einnig væri hugsandi að hægt væri að kaupa sér tryggingu sem borga mundi brúsan ef illa færi.

kveðja
Lýður Skúlason
R-3174

Sæll Jónas.
Þetta sem þú veltir hér upp er ekki einfalt mál og hefur margar hliðar. Þó verð ég að segja að mér finnst heldur ósmekklegt að taka inn í þessa umræðu dauðsfall sem varð á æfingu hjálparsveitar fyrir nokkrum árum. Það var hörmulegt slys sem átti sér stað á æfingu og kemur þessari umræðu hreint ekkert við. Slík slys geta alltaf gerst þegar verið er að glíma við náttúruna og væri kannski nær að spyrja sig hversu mörg mannslíf hefðu tapast ef við værum ekki með vel þjálfaðar björgunarsveitir í landinu.

Björgunarsveitir eru til að hjálpa fólki í nauðum, hvort sem um er að ræða gangandi ferðafólk, jeppamenn, skotveiðimenn eða fólk sem af öðrum orsökum lendir í nauð. Við þær aðstæður sem eru hér eru vel þjálfaðar björgunarsveitir nauðsyn og hér eins og víða annars staðar er farin sú leið að þær eru mannaðar sjálfboðaliðum sem áhuga síns tekur þátt í starfi sveitanna. Oft einstaklingar sem hafa mikinn áhuga á ferðamennsku á hálendinu og fær þarna heilmikla þjálfun og þekkingu á áhugamálinu. Þegar þessir einstaklingar fá tækifæri til að hjálpa öðrum með sama áhugasvið sem lent hafa í nauð eða vandræðum er það einfaldlega eitt af því sem er gefandi við starfið. Eg er því viss um að hjálparsveitarmenn telja það ekki eftir sér eða pirra sig á því.

Það er hins vegar rétt að útkall með stóran tækjaflota kostar peninga og sjálfsagt rétt að leit að manni á fjöllum getur auðveldlega hlaupið á hundruðum þúsunda. Það væri hins vegar stór hættulegt og reyndar örugglega ill framkvæmanlegt að rukka þá sem er bjargað um útlagðan kostnað. Björgunarstörf, rétt eins og heilsugæsla, þarf að vera óháð efnahag. Ef kostnaður við björgun á að falla á þá einstaklinga sem lenda í neyð og þurfa aðstoðar björgunarsveita við, þýðir það einfaldlega að t.d. rjúpnaveiðar (þegar þær verða leyfðar aftur) væri áhætta sem aðeins sterk efnaðir menn gætu leyft sér og jafnvel allar ferðir um hálendið.

Það að taka jeppamenn sérstaklega fyrir í þessu held ég gangi ekki alveg upp. An þess að hafa séð tölur yfir það finnst mér líklegt að leitarverkefni björgunarsveita séu hlutfallslega ekki oft að jeppamönnum, enda þeir yfirleitt vel búnir fjarskiptatækjum auk þess sem þeir hafa það skjól sem bíllinn gefur og iðulega margvíslegan búnað til að bjarga sér sjálfir. Þetta er held ég almenna reglan. Auðvitað eru líka dæmi um að menn geri eitthvað vanhugsað og geta lent í vanda vegna þess. Þá er samt ekki endilega um beina neyð að ræða og enn síður kostnaðarsama leit.

Má vera að í einhverjum tilfellum hafi björgunarsveitir þurft að fara og hjálpa einhverjum "vitleysingum", en að taka þá sérstaklega útúr og láta þá borga gengur ekki heldur. Ekki nema við fengjum Kára til að greina þá sérstaklega og þeir yrðu brennimerktir á enni, þannig að sveitirnar hafi klára vinnureglu um hverja á að rukka og hverja ekki.

I sjálfu sér er ég alveg sammála því að menn eiga ekki að gera svona vitleysu eins og t.d. dæmið sem Bolli dregur fram. Sjálfsagt mætti nefna fleiri dæmi. En þá lærir fólk bara af mistökunum og veit bara betur næst. Og þeir sem ekki gera það eru þá kannski þessir örfáu vitleysingar og ekki ástæða til að dæma alla eftir þeim.

Kv – Skúli

Það má lesa úr fyrirspurn sjóðsins að ekki sé hann eingöngu mikill jeppamaður eins og hann (eða hún) segir sjálfur, heldur hefur hann enga þekkingu á störfum björgunarsveita.

Ef á annað borð er farið að skattleggja þá hluti sem verða til þess að björgunarsveitir eru kallaðar út, má telja margt fleira til: farmiða til landsins, vélsleða, alla bíla, veiðibúnað, útivistarvörur, báta, flugvélar o.fl o.fl.
Ekki má heldur gleyma þeirri staðreind að björgunarsveitir njóta góðs af þeirri þróun sem hefur orðið hér á landi í kjölfar aukinnar ferðagleði jeppamanna.

Ég veit af eiginn reynslu að þeir sem starfa í björgunarsveitum gefa kost á sér til þeirra starfa af hugsjón og áhuga á fjallaferðum og ætlast ekki til að fá laun fyrir þann tíma sem fer í æfingar, hvað þá útköll.

Björgunarsveitirnar sjálfar hins vegar eru reknar fyrir fé sem að mestum hluta kemur úr fjáröflunarstarfsemi þeirra sjálfra og öllum gefst tækifæri á að láta fé af hendi rakna.

Ríkið hefur styrkt starfsemina frekar lítið en þáði þó þegar ég síðast vissi þungaskatt af björgunartækjum, hvort sem um æfingar eða útköll var að ræða.

Vinnuveitendur þeirra sem standa upp og hlaupa út af vinnustaðnum þegar á þarf að halda vita oftast af áhugamáli starfsmanna sinna og eiga a.m.k. þrjá kosti:
1. Greiða starfsmönnum laun þegar þeir eru í útkalli á vinnutíma og slá sjálfum sér á brjóst fyrir að leggja sitt af mörkum til þjóðfélagsins.
2. Draga tíma sem menn missa úr vinnu af mánaðarlaunum starfsmannana.
3. Ráða fólk eins og Sjóðinn sem sífellt er að kvarta og væla yfir öllum sköpuðum hlutum sem það hefur enga þekkingu á.
En einhvern veginn er það nú að langflest útköll eiga sér stað um helgar þannig að margir vinnuveitendur verða ekki mikið varir við fjarvistir.

Kveðja Aðalsteinn.

Innilega sammála 66Bronco,flýgur í huga manns að sjóðurinn sé að hafa að flimtingum starf björgunarsveita, til að skapa umræðu ,ef svo er er það gjörsemlega misheppnað.

Kv Siggi