Hvar eru myndirnar?

Mikið tek ég undir það að albúmið er ekki skemmtilegt. Það er óþolandi leiðinlegt að fara inn á það maður er hættur að nenna því. Einnig hefur maður ekki lengur þann kost að geta fylgst með mönnum í skúrabrasinu því myndirnar koma ekki upp eins og á gamla vefnum. Ég er búinn að vera diggur félagsmaður frá upphafi klúbbsins en er komin að því að hætta ásamt mörgum öðrum.kveðja trölli

Ég er mjög ósáttur við þessa síðu eins og greinilega margir aðrir og hef gefist upp á að setja inn myndir eins og sjá má í þessum þræði https://old.f4x4.is/index.php?option=com … =6&t=15460 þarna byrjaði ég en gafst upp á seinagangi síðunnar mér finnst að með nýjum vef ættum við að stíga skref uppá við með notendavænni vef sem samt heldur í það sem lukkaðist vel á gamla vefnum þetta finnst mér ekki hafa tekist með þessum vef og óska ég eftir svörum frá stjórn um hvort eitthvað eigi að gera til að breyta þesssu eða á aðeins að verja þessa ómynd af vef og reyna að telja okkur trú um að þetta sé það eina sem hægt er að gera? ég veit að sú vinna sem unnin er við vefinn er í sjálfboðavinnu og eiga þeir einstaklingar miklar þakkir skilið fyrir að nenna því en það breytir samt ekki þeirri staðreind að það er megn óánægja með síðuna eins og hún er í dag.
með vinsemd og virðingu
Gísli Þór
R3337

Ég prófaði aftur núna, og þá virkaði það. Annahvort hef ég ekki hakað við Resize möguleikana, eða þá að viðbótin sem ég þurfti að dánlóda í gær hefur ekki virkað fyrr en eftir endurræsingu á tölvunni.

Ég held að þetta sé margfalt fljótlegri leið til að setja inn myndir en á gamla vefnum, en gaman væri ef maður fengi alltaf beint nýjustu myndir þegar maður smellir á Myndaflipann. Myndir úr ferðum eru sennilega skemmtilegasti hlutinn af f4x4.is og það væri mikil synd ef ferðaglatt jeppafólk hætti að setja inn myndir. Það tekur smá stund að setja sig inn í þetta, en síðan virðist þetta vera nokkuð fljótleg leið til að setja inn myndir.

Ég veit alveg hvers vegna ég hætti að heimsækja vef 4×4 á tímabil og það hefur ekkert með síðuna sjálfa að gera heldur fólk. Á tímabili fóru flestir þræðir út í skítkast, leiðindi og persónulegan níð og þar sem ég hef takmarkaðan áhuga á að lesa svoleiðis hætti ég að nenna að opna vefinn og mig grunar að svo sé um fleiri. Þó að þetta virðist hafa lagast þá er of mikið af þessum ósóma í gangi ennþá og ég held að mikið af tryggum lesendum vefsins séu einfaldlega farnir og komi ekkert endilega aftur í bráð.
Hvað varðar vefinn þá held ég að það hafi verið hárrétt ákvörðun að hverfa frá notkun gamla kerfisins vegna þess að í félagskap eins og þessum þar sem vinnan byggist á sjálfboðaliðum og menn koma og fara er nánast vonlaust að halda uppi þekkingu til að halda í gangi sérsniðnu kerfi eins og gamla vefnum.
Kerfin þrjú sem þessi nýji vefur er saumaður saman úr (Vefurinn sjálfur=[b:3gfv4uc8]Joomla[/b:3gfv4uc8], spjallkerfið=[b:3gfv4uc8]phpBB[/b:3gfv4uc8] og myndaalbúmin=[b:3gfv4uc8]Gallery2[/b:3gfv4uc8]) eru hins meðal vegar vinsælustu og mest notuðu kerfi í heiminum hvert á sínu sviði og miklu auðveldara að finna fólk sem getur haldið þessu gangandi og á vefnum í gegnum leitarvélar má finna endalausan fróðleik og ráð við vandamálum. Einnig eru þau öll mjög sveigjanleg hvað varðar útlit og uppsetningu.
Hvað útlitið og uppsetninguna varðar þá er endalaust hægt að deila, persónulega finnst mér þetta frekar ljótur vefur og myndi vilja breyta því, og það sem menn þurfa að skilja er að breyting á útliti og uppsetning á vef sem er byggður upp eins og þessi er einfaldlega eins og að skipta um föt. Ef aðalfundur myndi t.d. ákveða að það ætti að skipta um útlit þá er bara að "sauma fötin" (fullt til af fólki sem kann það) og þegar þau eru tilbúinn kemur vefurinn upp með gerbreyttu útliti eftir nokkra músarsmelli án þess að það þurfi neitt að eiga við innihaldið. Það væri jafnvel hægt að hafa í gangi nokkur mismunandi afbrigði af útlitinu í gangi og menn gætu valið hvernig þeir vilja sjá vefinn ef vilji væri fyrir hendi.

Sælt veri fólkið. Ég verð að taka undir með Hlyn að mér gengur illa að tjónka við myndaalbúmið. Ég reyndi nýlega að setja inn nokkrar myndir úr fjallferðinni í haust. Myndirnar fóru inn en eins og hver þeirra færi í sér möppu öfugt við það sem ég ætlaði. Það er sagt að leiðbeiningarnar séu góðar,en þeim sem kunna þetta allt uppá 10 finnst stundum svo auðvelt að gera það sem þeir kunna vel. Ég sá hér um daginn tvö ágæt myndasöfn úr ferðinni um Hungurfit en á þær myndir voru linkar. Það væri gott ef einhver vildi skoða þessar fjallferðamyndir mínar og dæma um hvort þær séu ekki hver í sínu albúminu. Með kveðju Olgeir

Olgeir er bara lang flottastur. Ég held ég sé búinn að skoða allar ferðamyndir á síðunni hans mörgum sinnum. Svo á hann mörg ómetanleg innleg hér á spjallinu, því hann er endalaus uppspretta fróðleiks um landið að Fjallabaki og efalaust víðar.

Varðandi myndaalbúmið, þá er hægt að segja bæði góða og slæma hluti um það. Mér hefur gengið vel að setja inn myndir, bæði úr Picasa og beint. Hins vegar vantar alveg þann fídus sem var á gömlu síðunni, að nýjar myndir birtist jafnóðum á aðgengilegum stað. Jafnvel þó farið sé og valið "nýjast", þá koma bara nýjustu albúmin, en ekki ef bætt hefur verið nýjum myndum í eldra albúm. Spjallið er heldur ekki nógu aðgengilegt, nýjustu þræðir sem sjást of fáir og of lítið gert úr þeim á síðunni. Ég fer talsvert á síðu sem heitir http://www.supercub.org, forljót síða, en virkar bara. Þar birtast 30 nýjustu þræðir neðst á síðunni, en á bakvið það er sama spjallkerfið og notað er hér. Ekkert fancy eða flott, virkar bara, svona svipað og margir amerískir bílar.

Kv.
E.

Hlynur hefur aldrei getað höndlað manuala.

Mér finnst alveg jafn gaman að skoða myndirnar í þessu albúmi, alveg eins og áður. Hinsvegar geri ég það mikið sjaldnar, aðalega vegna þess að það er ekki lengur svona random mynd á forsíðunni. Einnig sakna ég þess að almbúmið sé ekki default raðað með nýjast efst. Væri betra þannig.

Rúnar.

Með random myndina á forsíðu – að hana vanti núna : Við settum þetta inn á tímabili, á nýja vefinn, en það dró mikið úr hraða vefsins. Of þung uppfletting í hvert sinn við opnun vefsins. Það er á verkefnalistanum að laga þetta.
//BP

Sammála Hilmari, hvet menn til að prófa ´Slide show´ fídusinn þegar þeir skoða myndaalbúmið, mun skemmtilegri leið til að skoða myndir.