Hvar eru myndirnar?

Sæll Hlynur, ég held nú að þessi síða sé nú líka fyrir þá sem búa ekki í henni Reykjavík og einnig fyrir þá sem kanski bara hafa gaman af að skoða fallega bíla og fallegar myndir, nú eða vilja fylgjast með úr fjarlægð.
Auðvitað er mikil vinna að skrá og setja inn myndir á síðuna en allt í lagi að ýta smá er þaggi ?

kveðja
Jon

Ég hefði hér með viljað skora á ykkur að bjóða fram krafta ykkar í þágu félagsins, ekki hvað síst vegna þess hve ötulir og skeleggir þið eruð. Auk þess virðist snake vera kröftugur í heimasíðugerð og tölvuvinnslu!

Það kom fram hjá vefstjóra í ítarlegu spjalli hans á síðasta mánudagsfundi, að ýmsir vankantar eru á myndvinnslu síðunnar, ekki einungis það að það sé tímafrekt, heldur er vistun síðunnar og búnaður henni tengdur frekar í ódýrari kantinum o.fl.o.fl. tæknileg atriði sem ég vegna kunnáttuleysis míns kann ekki að nefna.

Sneke, þú segir: "Það að setja myndir inná netið er ekki svo mikil vinna eins og margir kanski halda. Vefstjóri sem er alltaf að setja eitthvað nýtt inná síðuna getur sett þær inná og fengið sér kaffibolla á meðan þær eru að "öpplóda" frá tölvunni hjá honum og inná netið."

Frábær athugasemd og e.t.v. að einhverju leyti rétt, en eins og ég sagði áðan, þá hvet ég ykkur til að leggja ykkar lóð á vogarskálarnar í þessu efni, enda er auðvelt að sitja alltaf bara á öðrum endanum og gagnrýna í "þiggjandahlutverkinu".

Með ferðakveðju,

BÞV

Sæll Jón Snæbjörnsson.

Jú jú, að sjálfsögðu er þetta frílans spjallrás og öll málefnanleg traffík af hinu góða. Ég játa það hins vegar fúslega og skammast mín sosum ekkert fyrir það, að það pirrar mig þegar menn, sem eru að njóta ávaxta vinnu annarra sem eru að gefa hana í þágu áhugamannafélags eins og okkar, finna sig í því að heimta meira og meira, án þess að vera þá tilbúnir til að leggja hönd á plóginn sjálfir (maður leggur þær á plóginn en ekki vogarskálarnar. Þangað fara lóðin…).

Sérstaklega rennur mér blóðið til skyldunnar þegar í hlut eiga félagar sem lagt hafa sig sérstaklega fram um að vinna félaginu gagn og gert það af miklum myndarskap.

Þess vegna segi ég og meina; þeir sem hafa skoðanir um framfarir í þágu félagsins okkar eiga að koma og leggja fram vinnu sína til að ná þeim fram á vetvangi félagsins. Ekki bara að "jaggast á spjallrásinni", því það skilar engu. Ef snake er fær og góður á tölvur, þá væri fengur af kröftum hans í þágu heimasíðunnnar, ég meina það í fúlustu alvöru.

Þið spjallararnir, sem ég veit að hafið nú sæmilega harðan skráp, eigið heldur ekki að taka því sem árásum þó einhver sé ykkur ekki sammála. Ef þið viljið fá að spjalla í friði án þess að einhver grípi fram í fyrir ykkur, þá er netspjall ekki rétti vetvangurinn til þess…

Snake, að sjálfsögðu verða orð þín ekki skilin öðruvísi en gagnrýni. Menn viðhafa ekki svona orðalag og halda því svo fram í næstu setningu að ekki sé verið að gagnrýna eitt eða neitt. Þá fer ekki saman hljóð og mynd…

Ekki meira í bili, en menn eiga alls ekki að skilja orð mín svo að umræða um félagsmálin og málefnanleg umræða og gagnrýni eigi ekki rétt á sér.

Með kveðju,

BÞV

Sæll!!

Ég var EKKI að gagnrýna VEFSTJÓRA og ef þú lest í gegnum skilaboðinn aftur þá sérðu það….Þetta var meira skot á þá sem tóku myndir í ferðinni. Ég veit það mjög vel að VEFSTJÓRI getur ekki sett inn myndir nema að hann fái sendar myndir….Og það að setja myndir inná netið er ekki svo mikil vinna nei…það er reyndar smá vinna að gera þær klárar til þess og aðalvinnan sem ég myndi sjá í því er að minnka myndirnar sem hann fær sendar það er reyndar alveg rétt að það sé vinna í kringum það. nú þekki ég reyndar ekki hvernig það er hvort að það sé einn maður sem hefur gert ALLA þessa síðu Ferðaklúbbsins og ef svo er þá á hann mikið hrós skilið vegna þess að gera svona síðu eins og þessa tekur ekki bara 2 tíma. Ég veit allt um það.

Og hvernig ætti ég að geta sakað vefstjóra um að "drulla" ekki myndum inná netið nema þá að það væri vegna þess að það hefði verið hann sem var myndatökumaðurinn í ferðinni. Ég meina ef svo hefði verið og ég vitað af því þá hefði ég stílað upphafskilaboðinn á hann. Og hefði gert sömu kröfur til sjálfs míns ef ég hefði verið myndatökumaðurinn.

Enn þar sem að það var hægt að sýna myndir á Mánudagsfundinum þá eru greinilega einhverjar myndir tilbúnar. Og þá hefði alveg verið hægt að koma þeim til Vefstjóra er það ekki??

Ég er viss um það að ef Vefstjóri fær myndir þá er hann snöggur að setja þær inn…hann myndi örugglega ekkert vera að slóra við það. Ég hef ekkert annað en gott að segja um vefstjóra þessarar síðu.

Og tel mig EKKI hafa verið að gagnrýna hann!

Kv
Snake

Ég held að það sé bara best að ég sleppi því að skrifa meira um þetta mál þannig að það verði ekki nein íllindi;)

En ég var ALDREI að gagnrýna vefstjóra….og ef menn skilja það þannig þá eru þeir að skilja hlutina allt öðruvísi en ég…það eru alveg hreinar línur.

Því að gagnrýna vefstjóra fyrir eitthvað svona smávægilegt það er ekki hægt…og ég myndi aldrei gera það…en aftur á móti myndi ég gangrýna vefstjóra ef hann væri búinn að gera síðuna þannig að hún á einhvern hátt myndi skemma eitthvað fyrir manni(þá meina ég tölvubúnað) Og þá get ég lofað þér því Þorri að það myndi HEYRAST í mér…

Ekki virðist sem Vefstjóri hafi tekið þessu sem gagnrýni í sinn garð þar sem að ég tel að hann hefði verið búinn að segja mér eitt og annað ef svo væri.

Og ég segji það ENN og aftur að þetta var EKKI gagnrýni á vefstjóra. Hann gerir allt fyrir Ferðaklúbbinn útávið. Ég meina ferðaklúbburinn væri ekki svona stór án þessarar heimasíðu.

Fyrir utan það að ef ég hef eitthvað að setja útá vefstjóra sendi ég honum mail…þar sem að það kemur engum við ef ég er eitthvað að gagnrýna hann. Og hana nú (sagði hænan)

Kv
Snake

PS eigðu góða helgi sjálfur….og ég er búinn að selja dekkinn;)