Hvar eru göngumennirnir?

Sælt veri fólkið!

Undirritaður fór við annann jeppa á Langjökul í gær. Bongóblíða var og gott færi. Ekið var í Húsafell og þaðan á jökul en stefnan var tekinn á íshellana við Flosaskarð. „Það verður reyndar að vara við hellunum þar sem ber á hruni og heyra má töluverðan vatnsnið í þeim“!

Í lósi umræðna um ágang jeppamanna í garð göngumann í fjölmiðlum höfðum við sérstaklega varan á okkur til þess að aka ekki of nærri göngumönnum og planið var að ef við sæum þá í tíma gætum við jafnvel reynt að fela okkur á bak við rifsafl!

Frá hellinum var stefna tekinn á 1330 metra bungu en viti menn… það var ENGINN gögnumaður á leið okkar. Já þar sem við töldum jafvel að við myndum sleppa við að valda meðbræðrum okkar á óbærulegu ónæði,stefndum við því kokhraustir á 1316 metra bungu og þaðan í Þursaborg.

Já og enginn göngumaður!…. EKKI einu sinni kúlutjald sem yrði til þess að við þyrftum að leggja hlykk á leið okkar.

Jæja adam var í paradís og við fengum okkur að borða við Þursaborgir en á meðan við borðum…logandi hrædd um að vera FYRIR göngumönnum, kom ENGINN ekki einu sinni annar jeppabróðir.

En Adam var ekki lengi í paradís… þar sem hár niður heyrðist niður til okkar ofan úr skýunum og sjá mátti greinilega Macdoglas eitthvað í 25þ fetum með tilheyrandi ónæði (sjón og hljóðmengun). Það er alveg spurning hvort við ættum ekki að fá göngumenn í lið með okkur um að banna allt flug yfir hálendi Íslands.

Er þetta ekki óþolandi yfirgangur!?

P.s. eftir að hafa farið tölvert um hálendið Íslands á jeppa er það afar sjaldgæft að á mínum vegi hafi verið göngumenn (gönguskíða, fjallgöngu eða..) svo sjaldgæft að að ég get líklega talið á fingrum annarar handar ..jæja kanski einn eða tveir puttar á hinni líka. Mér er þó mjög mynnistætt þegar við ókum að gönguskíða hóp á leið okkar í Jökulheima fyrir um það bil 15 árum. Mikið voru þeir fegnir og þakklátir farinu! En þá voru tjöld rifinn og skíðabyndingar brottnar.. og svo framvegis.

kv,

Viðar