Hvar er miðjan

Ég er ekki alveg að kaupa þessa staðsetningu hjá vísindavefnum. Þær mælingar virðast ekki taka tillit til vestfjarða, heldur er mælt stiðsta leið í sjó, í hverja átt. Optimas forritið sem konan (Inga) notaði til að mæla miðjupunkt, tók vestfirði með í reikningin, en ekki neinar eyjar. Forritið setti út 1007 punkta, hringin í kringum landið og mældi miðjuna út frá þessum punktum. Agnar færði punktin á landakort og fékk hann ca í Miklafell, sem er ekki langt frá þeim stöðum sem ég hef heyrt talað um sem miðju landsins. (fyrir vestan Fjórðungsöldu) Ég held að maður verði að fá alvöru botn í þetta mál, en miðjuna vil ég ekki hafa í rotþró.

Hlynur

Það er nokkuð ljóst að punkturinn sem Inga kom með er ekki sá punktur þar sem lengst er til sjávar í allar áttir, sem og að punkturinn sem Vísindavefurinn kemur með er tekur ekki tillit til vestfjarða.

Spurningin er þá væntanlega hvernig skilgreinum við miðjuna. Ég er allavega ekki sammála Freysa um að það sé staðsetningin á þeirri rotþró sem lengst er frá sjó í allar áttir

ps. ef við reiknum massamiðjuna, notum við þá meðaltalsfjöru eða stórstraumsfjöru sem 0 punktin á Z-ásnum?

kv
Rúnar.

Það virðist vera bara ein niðurstaða í þessu, það er að miðja landsins fer eftir því hvernig hún er er skilgreind. Allar aðferðir hafa sína veikleika, það er auðvitað rétt að þessi aðferð með fjarlægð frá sjó tekur ekki tillit til Vestfjarða en ef ég skil aðferð Ingu rétt myndi ég segja að hún ofmeti áhrif útkjálka. Massamiðjan gerir það hins vegar ekki.
Mér finnst allavega athyglisvert að Setrið er allavega sá gististaður á landinu sem er lengst frá sjó og það verður ekki véfengt. Ef maður léttir á sér í klósettið á Setunni á dropin lengri leið fyrir höndum til sjávar en á nokkru öðru postulíni og það er nú allnokkuð.

Kv – Skúli

Við erum sem sagt komnir með þrjár miðjur.
1. Landfræðileg massamiðja þar hver m2 fær jafnt vægi (64 59,340N 18 35,328W).
2. Lengd frá sjó (Setrið)
3. Miðja út frá fjórum ystu punktum landsins (64 52,250 – 18 30,241)
Þessir þrír punktar raða sér í kringum Hofsjökul og því kannski ekki úr vegi að kynna til sögunnar fjórðu miðjuna en það er miðja þríhyrningsins sem þessir þrír punktar mynda, upp á miðjum Hofsjökli.
Hvað finnst ykkur um þetta útspil
kv
Agnar
p.s. flott síða sem þú fannst Guðmundur, var einmitt kominn með útlínur landsins í Ozi en átti eftir að finna leið til að koma þessu inn í AutoCAD

Ofangreindar "massamiðjur" eru náttúrulega bara pólitískar massamiðjur landsins (eða svona sirkabát).

Og getið nú, af hverju

Það er náttúrulega alveg víst að ég veð hér eigin villum miklum ….!

kv
Rúnar.

Jú auðvitað, var bara búinn að steingleyma þínu framlagi
Eyjarnar eru náttúrlega ekki inni í "massamiðjuútreikningunum" Rúnar ??

Varðandi þær kenningar að rotþróinn við Setrið sé miðja landsins, held ég að menn þurfi ekki annað en að lykta úr rörinu og kæmust þá að því að þetta er ekki naflinn heldur rassgatið!!!

Johny B Good

Þetta með massamiðjuna er skemmtileg pæling. En þetta er nú einum of geggjað, það þarf jú að gera ráð fyrir eðlisþyngd í hverjum punkti og hversu djúpt skal halda? Spuringin er, á að gera ráð fyrir að mælingin miði við jarðskorpuna eingöngu eða kviku og kjarna í jörðinni líka alveg innað miðju jarðar, en þar sem kvika er á hreyfingu færist miðjan líklega til og miðjan er líka einhversstaðar undir yfirborði jarðar.

Pælingarkveðjur
Elvar

Það er verið að reikna þetta nákvæmar. Eyjarnar eru hluti af Íslandi og þarf þess vegna að reikna þær með.

Kveðja
Elli.

P.S. Það mætti vera meira af sambærilegum þráðum sem þessum á okkar ágæta spjalli. Takk Ofsi.

Gaman að fá þetta staðfest. þarna er samt 290 metra skekkja Norður Suður á milli okkar nafnanna en ég ætla ekki eð gera athugasemdir við það og er sátur við hvorn punktinn sem verður valinn fyrir vörðuna góðu.
það er óþarfi að setja þetta aftur inn á kort því miðjan á Xinu á kortinu sem ég setti inn er stærra en skekkjan
Guðmundur Jónsson Kortagerðarmaður
og þarna er hún

[img:g9cuvx6o]http://www.mmedia.is/gjjarn/drasl/midja.jpg[/img:g9cuvx6o]