Hvar er best að versla GPS

Sæll

1. Þú verslar ekki GPS. Þú kaupir það eða selur. [afsakaðu málnotkunarleiðréttinguna]

2. Ég mæli ekki með Aukarafi. Þar er dýrt að versla auk þess sem þeir eru með Magellan staðsetningartæki.

3. R. Sigmundsson eru með Garmin staðsetningartæki. veffang þeirra er http://www.rs.is. Ég mæli sterklega með Garmin-tækjunum. Þau eru mjög einföld í notkun og flestir eru með þannig tæki. Því ættu öll samskipti eins og punktaskipti að vera þægileg.

4. Ódýrasta leiðin til að kaupa staðsetningartæki er að gera það í Fríhöfninni.

Vonandi hef ég svarað spurningum þínum til fulls. Þó vil ég minna á að væntanlega munu ofstopamenn svara svari mínu og telja það bull. Þetta eru trúarbrögð eins og allt annað í þessu efnisheimi. Sem dæmi um Garmin vs. Magellan má nefna PC-tölvur vs. "Makki".

Í lokinn skaltu athuga að staðsetningartækið er eitt það mikilvægasta sem þú tekur með á fjöll og því skal val á því vandað.

kveðja, Björn O

Talaðu við Rikka hjá R. Sigmundssyni. Hann reddar öllu varðandi GPS.
Í mínum huga kemur ekkert til greina nema Garmin.
Er með Garmin GPSMAp 162 en mundi fá mér í dag Garmin GPSMap 182C.
Kveðja,
R-2170.

Ég er svosem sammála því að Garmin séu bestu tækin en hinnsvegar hefur verðið á þeim ekki verið miðað neitt við gengi dollara nema til að hækka verðið.

Dollarinn hefur hríðfallið í vetur (78kr í dag) en eitthvað hefur gengið rólega hjá fyrirtækjum sem eru að selja okkur vörur og búnað sem er fluttur inn frá USA að verðin séu í samræmi við gengið en allir eru fljótir að hækka þegar gengið fer upp.

Dekkjalagerinn er eina fyrirtækið sem ég man eftir sem selur vörur á "réttu" verði og selja víst vel.

Hlynur R2208

Sæll.
Ég er með Meridian Platinum með korti og kemur hann vel út .
Hann kostaði 59 900. kortið 14 900.
Þetta var næst dýsasta tækið ,Marine er dýrara en ætlað meira til notkunar á sjó. Meridian Color er ný komið og er hliðstæt Platinum en er í lit og kostar á tilboði 66 225.
Munur á Garmin og Magellan tæknilega séð er að ég held ekki mikill.
Ástæðan fyrir því að fleiri eru með Garmin er sú að hann er búin að vera lengur á markaðinum hér heima en Mangellan. Það var að vísu umboð til hérna en það var bara nafnið þanga til að Aukaraf tók við því og þeir gera það að því sem það er í dag.
R.Sigmundsson sinnti ekki Garmin vel fyrr en þeir fengu samkeppni og þeir áttuðu sig á því að það væri markaður fyrir þessi tæki hér.
Ég þekki R.Sigmundsson frá fornu fari frá því að maður var með siglingar og fiskileitar tæki frá þeim og fleiri tæki sem eru notuð til sjós og þurfti að hafa mikil samskipti við þá. Reinslan af þeim er frábær, vilja allt fyrir mann gera, sé það í þeirra valdi.
Ég hef átt samskipti við Aukaraf og hef sömu sögu að segja af þeim.
Þannig að hvað þjónustu snertir eru þessi fyrirtæki mjög sambærileg. Þetta er mín reinsla , hvað aðra snertir veit ég að sjálfsögu ekki.
Ræddu við báða aðila og berðu saman sambærileg tæki og farðu eftir því.
Með punta þá er hægt að færa þá á milli tegunda án vandræða. kv S B.

Hvernig verður það ef Bush fer að bomba Saddam Hussein – haldið þið að hann fari ekki að rugla GPS kerfið um leið ?

Þið munið væntanlega að GPS kerfið var haft ruglað þar til gamli Bush fór að reka Saddam úr Kúveit og komst að því að skortur var á GPS tækjum með afruglun. Til að bjarga málunum hættu þeir að rugla og allir fengu venjuleg Garmin og Magellan – og þeir sem kunnu á tækin rötuðu heim.

Er þetta ekki nóg ástæða til að f4x4 fari í mótmælaaðgerðir ?

Wolf