This topic contains 6 replies, has 1 voice, and was last updated by 
-
Topic
-
Jæja nú eru menn búnir að jarða ferðafrelsið. Hvað ætlum við að gera næst. Ég mæli með að við heimækjum ráðherra á kvöldin og minnum á okkur reglulega næstu vikur eða mánuði. Þorgerður Katrín tók sér ekki hlé fyrr en eftir að hafa verið heimsótt í nokkur skifti. Ég er ekki að tala um ofbeldi eða neitt slíkt, heldur að við mætum heima hjá henni Svandísi reglulega til þess að minna hana á það að við gefum ekki ferðafrelsið eftir baráttulaust. Það er kannski glannalegt að skrifa svona á netið en að mínu mati er engin ástæða lengur fyrir mig að vera á þessu skeri ef ég fæ ekki að ferðast um Ísland án þess að sækja um leyfi til þess. Að mínu mati er það nóg skreðing á ferðafresli að geta ekki ferðast erlendis lengur en ég verð endanlega galin ef að ég á heldur ekki að geta ferðast um mitt eigið land. Það er ekki lengur á færi allra á Íslandi að ferðast erlendis það tryggir okkar kæra króna. 500 þúsund króna mánaðarlaun sem þóttu ekki svo slæm eru sambærileg laun og fást greidd fyrir að vinna við skúringarvinnu erlendis. Það þýðir að venjulegur Jón fer ekki erlendis nema að hann vinni í lottó.
Mætum og mótmælum næstu vikur og mánuði fyrir utan hjá ráðherra vor sem ætlar að svipta okkur því seinasta sem við höfum hér í þessu landi, það er ferðafrelsi um eigið land.
Kveðja, Theodór Kristjánsson Kt 130468-5519
félagi í ferðaklúbbnum 4×4
-
Replies
-
Held að við ættum frekar að halda áfram að nota fjölmiðla og viðburði eins og þennan, áður en það er gert.
Allir sem hafa áhuga á útiveru og útivist vita af þessu í dag, og af hverju þetta var gert.
Flott að heyra frá skotveiðimönnum í fréttum útvarps, í dag, vegna viðburðarins. Skýrt og skorinort innlegg.
//BP
Góður dagur upp við Kistuöldu,
Ég er sammála Theodor með að láta vita af sér næstu mánuði og það sem oftast og friðsamlega. En ekki spyrja mig hvernig sé best að gera það.
En á hvað miðli var pistill frá Skotvís.
Kveðja Hjörtur og JAKINN.is
Skotvís maðurinn var í 11 eða 12 fréttatíma rás 1 og 2.
//BP
Þessi viðburður við Kistuöldu var einhver magnaðasta stund sem ég hef upplifað og engin spurning að þetta skilar sér í baráttunni fyrir okkar málstað. Ferðafrelsisnefndin og framkvæmdanefndin sem var í undirbúningi fyrir þetta verkefni er rétt að byrja og það eru mörg önnur verkefni framundan. Barátta sem unnin er á faglegan og markvissan hátt er til þess fallandi að að skila árangri og þessi barátta á eftir að vera löng og ströng. Við þurfum bara að passa okkur á að ganga ekki of langt og ég tel að umhverfisráðherra haf fengið mjög sterk skilaboð um stöðuna með athöfninni við Kistuöldu. Samút hefur skipað í tvær nefndir og önnur á að fara yfir vinnuferli vegna Vatnajökulsþjóðgarðs og hin nefndin á að setja upp tillögu að heildarskipulagi fyrir umferð og umgegni í Þjórsárverum. Framundan er því mikil vinna og áríðandi að halda áfram baráttunni og muna að persónugera hana ekki í einstaklingum. Við skulum ekki gleyma því, að það er eftir að taka endanlega ákvörðun um Vatnajökulsþjóðgarð. Aldrei að vita nema við náum fram okkar kröfum, allavega að einhverju leiti!! Þegar ákvörðunin kemur, þurfum við að setjast niður og endurskipuleggja okkur til framtíðarbaráttu.
Guðmundur G. Kristinsson
Litlunefnd, Ferðafrelsisnefnd og nefnd Samút um Vatnajökulsþjóðgarð.
Sæl öll og takk fyrir frábæran dag á Kistuöldu.
Eins og Guðmundur bendir réttilega á þá viljum við halda þessu á þeim nótum sem við höfum verið að gera, þ.e. að nota fjölmiðla og tákræn mótmæli. Við höfum haldið okkur frá öllu umtali um einstalklinga og viljum ekki persónugera mótmælin. Eins og er er verið að skoða málin og eftir fund með ráðherra lofaði hann okkur að hann myndi skoða málið mjög vel. Við skulum fara varlega í mótmælum og ekki gera einhvað sem kemur í bakið á okkur. Eftir síðasta fund með Svandísi Svavarsdóttur gáfu við henni loforð um að hún fengi vinnufrið. Það loforð munum við halda. Allt sem heitir mótmæli í nafni Ferðaklúbbsins þarf að samþykkja af stjórn klúbbsins, eins er góður undirbúningur fyrir mótmæli nauðsinlegur svo mótmælin hafi einhvað að segja. Allar hugmyndir að aðgerðum til mótmæla eru vel þegnar og verða skoðaðar. En þangað til skulum við vera róleg og vinna frekar að því að undirbúa okkur, það er nægt starf frammundan. Við verðum að standa vörð um ferðafrelsið og gera það friðsamlega.
Á fundinum á morgun (mánudagskvöld) verðum við með umræður um ferðafrelsið og hvað sé næst á dagskrá.Kveðja
Sveinbjörn Halldórsson
formaður.
Lýst vel á orð Sveinbjörns hér að ofan, sérstaklega þetta með að passa okkur að gera ekkert sem gæti komið í bakið á okkur seinna.
Freyr r-3671
You must be logged in to reply to this topic.