This topic contains 4 replies, has 1 voice, and was last updated by 
-
Topic
-
https://old.f4x4.is/new/photoalbum/default.aspx?file=breytingar/5386/41770
En hvernig er með svona lið, um leið og hann er örlítið farinn að slitna þá hlýtur að heyrast mikill hávaði í honum þegar hann skellur fram og til baka??? Að vísu er á honum smurkoppur en það hlýtur samt að myndast slag frekar hratt eða hvað???
Freyr
-
Replies
-
Svona liðir eru oft kallaðir rótendar og er að mínumati algjör snilld. Þetta er nátturlega alveg sérstaklega lipurt og eins og þú sagðir Freysi, "smyrjanlegt". Ég held að þessir liðir fáist hjá Vélum & þjónustu í öllum stærðum og gerðum.
Kv.
Krossdal
Á góðri ísl-amerísku…
Ég er með svona að framan hjá mér í hliðarstífunni í öðrum endanum síðan er ég með gúmmí í hinum. Virkar mjög vel. ekkert slag komið eftir 2 ár, bara smyrja þettta.
kv
GunnarVenjulega koma þeir með mjög stóru gati í miðjunni, en ég líkt og aðrir sem nota þetta fá einhvern til að renna öxul með boltastærðinni sem maður ætlar að nota.
Rod end er enska og þýðir einfaldlega stangar-endi þessi íslenskun rótendi aða roddendi alveg óþörf held ég og líkleg til að valda misskilningi enda er rótar endi bara endi á rót til dæmis gulrót. Þessi ákveðni endi heitir því sennilega GE stangarendi en þar er vísað í leguna sem passar í þetta húsi GE spherical bearing. Leguna sjálfa er svo hægt að fá í mismunandi útfærslum GE GEE GES og mismunandi þéttingum og bæði smyrjanlega og ósmyrjanlega.
mummi málfræðingur
Hehe, fínt innlegg mummi
Þessir endar eru magir hverjir með kúlu sem er ó-umskiptanleg, þ.e. þrykktir saman líkt og spindilkúlur. Ég tel sennilegt að hraustir stýrisendar séu í mörgum tilfellum heppilegri kostur. Þeir eru í fyrsta lagi gæðaprófaðir fyrir notkun í þessu umhverfi og fyrir álag sem er mjög svipað og þverstífur verða fyrir, í öðru lagi er alveg pottþétt hægt að nálgast nýjan stýrisenda af þekktum uppruna þegar sá gamli er orðinn þreyttur, og síðast en ekki síst, þá er gúmmíþétting á þeim þannig að maður þarf ekki að vera eins duglegur að smyrja.
Eina sem þarf að gera er að þrykkja kón í þykka stalplötu, sem er svo soðin við hásingu sem stífufesting. Getur verið ansi nett lausn þegar vandræði eru með pláss.
Eins og ýjað var að hér að ofan, þá er ráðlegt að hafa gúmmí í annan endann, til að einangra hávaða úr hjólabúnaði frá grind, samsetningin verður líka mun sterkari ef hún leyfir smá eftirgjöf við högg, frekar en að hafa allt járn-í-járn.
kv
Grímur
You must be logged in to reply to this topic.