Hvað fynnst ykkur ?

Sæll Aron,
Ég tek undir með þér varðandi samstarf um að stemma stigu við gróðurskemmdum, af hvaða völdum, sem þær kunna að vera.

Það eru ljót för eftir mótorhjól á Hengilssvæðinu, upp grónar brekkur, langt upp í hlíðar. Eins má finna skemmdir eftir jeppa og hross á hálendinu. Það verður að koma þeirri hugsun að hjá einstaklingum, sem valda slíkum skemmdum, að þetta verði ekki liðið af ábyrgum aðilum, sem ekki vilja missa rétt sinn til að iðka þessi áhugamál vegna virðingaleysis fárra.

Barátta mótorhjólamanna, þá á ég við drullumallara, hlýtur þó ætíð að vera í skugga þess, að stór hópur þeirra, sem þetta sport stunda, gera það á óskráðum, og ótryggðum farartækjum. Á meðan sá skuggi hangir yfir hópnum, þá er erfitt að gera kröfu um að fá úthlutuðu landsvæði til afnota fyrir hópinn.

Ábyrgir einstaklingar í öllum þessum hópum þurfa að taka sig saman um að tilkynna um landspjöll, og jafnvel að bjóða fram aðstoð við lagfæringar, ef ekki næst í sökudólgana.

kk,
SIJ

Þetta lýst mér vel á.

Ég á einmitt bæði krosshjól og jeppa er að vísu ekki í 4×4 en það kemur að því von bráðar.

En þetta er eitthvað sem á að vera auðvelt að sameina, einmitt þegar að verið er að skjóta á bæði þessi sport mikið í þjóðfélaginu núna. Og væri vel til í að fara einhverjar ferðir og laga til skemmdir eftir annað hvort bíl eða hjól.

kv. Stefán.

Það væri gott mál ef þessi neikvæða umræða leiðir af sér þær jákvæðu afleiðingar að jeppa- og hjólamenn sameinast um að hamra enn betur á þessu með utanvegaaksturinn og taka sig til við að laga til skemmdir eftir vitleysingana, að svo miklu leiti sem það er hægt. Ég benti hérna í öðrum þræði á jákvæðan tón í umræðunni á [url=http://www.motocross.is:3kp6vcdz]motocross.is[/url:3kp6vcdz]
og nákvæmlega sama jákvæðni er þarna á [url=http://www.icemoto.com:3kp6vcdz]icemoto.com[/url:3kp6vcdz]. Nú þurfum við bara að láta kné fylgja kviði og gera eitthvað.

Annars er athyglisvert að skoða [url=http://frontpage.simnet.is/syslkef/aksturutanvega.htm:3kp6vcdz]myndasafnið hjá sýslumanninum[/url:3kp6vcdz], reyndar kunnuglegar þessar myndir af jeppunum úr máli sem var mikið til umræðu hér fyrir tveimur árum.

Kv – Skúli

Sælir, umræða um mál sem þessi er yfirleitt af hinu góða svo framarlega sem hún sé málefnaleg og leiði til þess að lausn sé fundin á málinu.

Svæðamál torfæruhjólamanna hafa árum saman mætt litlum skilningi og hafa verið í miklum ólestri þrátt fyrir 25 ára baráttu félagsins. Á þessum tíma hefur félaginu verið úthlutað fjölda bráðabirgðasvæða þar sem við höfum varið verulegum fjármunum og unnið í sjálfboðaliðastarfi í að byggja upp aðstöðu og misst síðan afnotaleyfin nánast jafnharðan.

Þarfir hjólamanna eru tvenns konar; annars vegar skipulögð keppnissvæði með skýrt afmörkuðum brautum þar sem keppt er í motocrossi og hins vegar í stærri svæðum þar sem menn geta keyrt stærri hringi náttúrulegu landslagi og stundað svokallað enduro, eða þolakstur.

Hvað snertir motocross brautir lítur svo út að í ár getum við horft fram á betri tíma þar sem félagið hefur yfir þremur motocrosssvæðum að ráða þar sem við getum beint hjólamönnum þegar svæðin verða tilbúin eða endanleg leyfi verða fengin. Í dag er þó ekkert þeirra opið en sem dæmi er Álfsnesið nánast mýri sem er mörgum vikum á eftir öðru svæðum að þorna, brautin við Grindavík er háð leyfisveitingu sýslumannsins í Keflavík sem á eftir að gefa grænt ljós á notkun hennar. Hvað snertir aðstöðu til enduroaksturs er ekkert leyfilegt svæði til og við höfum litlum skilningi mætt í þeim efnum enn sem komið er.

Í þessu liggur vandinn – í dag mega / geta hjólamenn hvergi hjólað á öllu suðvesturhorni landsins án þess að vera í trássi við yfirvöld eða aðra.

Það er fullur vilji okkar hjólamanna til að eiga góð samskipti við yfirvöld, jeppamenn, hestamenn, göngufólk og aðra hagsmunaaðila. Það er m.a.stefna stjórnar að vinna markvisst í umhverfismálum og við erum þessa dagana að setja á stofn sérstaka umhverfisnefnd, að fordæmi 4×4, sem hefur það að markmiði að reka áróður meðal hjólamanna um góða umgengni og ennfremur að laga svæði þar sem hjól hafa valdið tjóni o.m.fl.

Þessi vinna verður hins vegar mun auðveldara verk fái hjólamenn úthlutað leyfum til að vera ákveðnum afmörkuðum svæðum í samráði við yfirvöld og aðra hagsmunahópa. Þegar við getum beint mönnum á leyfileg svæði verður áróður fyrir bættri umgengni hjólamanna mun markvissari og þannig gætum raunverulega komið í veg fyrir utanvegaakstur.

Bestu kveðjur,

Hrafnkell Sigtryggsson
formaður Vélhjólaíþróttaklúbbsins

Hárrétt að þessi félög eiga ekki að níða skóinn hvert af öðru heldur standa saman og vinna að því að koma okkar málum í sem best horf. Það er nóg af öðrum í því að varpa fram sleggjudómum á báða bóga. Þó svo ýmislegt sé ólíkt þá eigum við margt sameiginlegt. Þess vegna ætla fulltrúar þessara félaga að hittast núna í vikunni og ræða málin, formenn beggja félaga ásamt umhverfisnefnd 4×4 og umhverfishóp VÍK. Fyrsta skrefið er að hittast og spjalla.

Kv – Skúli

Daginn,

Icemoto: Mér finnst nú erfitt að standa með krosshjólamönnum þegar maður les fréttir dag eftir dag um að löggan hafi verið að stoppa krosshjólamenn í akstri utanvega og að þá hafa þeir flest allir stungið af án þess að taka afleiðingunum eins og menn!

Þið getið alveg farið í sandgryfjurnar hérna á höfuðborgarsvæðinu og í kring og spurt gæjana sem vinna þar hvort þið megið ekki leika ykkur því ég veit það að þeir leyfa ykkur það ef þið spyrjið og talið við þá eins og menn!

kv, Geiri Gúrka