Hvað finnst ykkur um þetta??

Sumir Þroskast Aldrei Það er Nokkuð Ljóst.

Það er nú lágmark líka að bílasalar stafsetji bílana rétt í söluskrá. Eins og t.d. [url=http://bilasolur.is/Main.asp?SHOW=CAR&BILASALA=27&BILAR_ID=112867&FRAMLEIDANDI=JEEP&GERD=CEROKEE%20LTD&ARGERD_FRA=1999&ARGERD_TIL=2001&VERD_FRA=2000&VERD_TIL=2600&EXCLUDE_BILAR_ID=112867:2s9h10z2]Cherokee[/url:2s9h10z2].

Sæll Ásgeir a.k.a. gurkan!

Í fyrsta lagi borgar sig ekki að ráðast á menn án þess að vita hvað þeir eru að tala um. Ég greiði félagsgjald í þennan klúbb og hef gert síðan ég varð félagi.

Og að sjálfsögðu veit ég nákvæmlega hvernig jeppa ég á, ekki þar með sagt að ég sé skyldugur til að útlista nákvæmlega öllu um hann. Síðast þegar ég gerði það lenti ég í því að brotist var inn í hann og allur búnaður hreinsaður úr honum og er það lífsreynsla sem ég óska engum manni. Er það eiginlega ástæðan fyrir því að ekki séu meiri upplýsingar um mína bíla.

Borgar sig ekki að vera með skítkast og leiðindi útí náungann nema að hafa fyrir því rök og vita um hvað maður er að tala.

Finnst megnið af þessum þræði vitleysa frá upphafi til enda. Væri mun skemmtilegra að lesa málefnalega þræði en ekki einungis fullyrðingar og skítkast í garð annarra.

Ég er sammála mörgu af því sem sagt er um bílasala og eru því miður alltof margir í þessari stétt sem ættu alls ekki að koma nálægt þessu og meira að segja sumir hverjir henni tengdir sem ættu varla að ganga lausir.

Þætti mér reyndar gaman ef einhver á þessum ágæta vef gæti bent mér á stétt þar sem ekki einn einasti er engan veginn hæfur til starfa í þeim geira sem hann vinnur í.

Kveðja

Sáttur bílasali

Er þetta þá ekki bara búið eigum við að tala um hesta eða Nospin læsingar.

Ætli það sé rétt, sem brutal gaf í skyn hér að ofan, að það sé algengt að menn fái 70-80% afslátt af sölulaunum bílasala?

-Einar

Kvöldið félagar ..það er ótrúlegt hvaða myndir sumir þræðir taka á sig hér , þó eru þetta yfir höfuð fróðlegir þræðir og skemmtilegt efni til lestrar .En það eru menn eins og Toyletti sem mér finnst að þurfi að losna við af þessum vef , menn sem eru endalaust með skítkast á aðra og dónalegt tal .Renndi að gamni í gegnum skrif Toyletta og fannst þar allt vera frekar neikvætt og lýsa mikilli reiði í garð annara félagsmanna , menn eru að óska eftir ráðum við bilunum og menn haga sér eins og kjánar !Vitaskuld er Toyletti eflaust ungur að árum og gleymst hefur að kenna þessum dreng að bera virðingu fyrir öðru fólki .Einnig skil ég ekki athugasemdir Súkkurules varðandi þessa auglýsingu , veit ekki betur en hann hafi oft og iðulega verið að hampa því fyrirtæki sem hann vinnur hjá ****** , talandi um heiðarleika starfsstétta þá mun ég allavega aldrei aftur versla við þá varðandi filmuísetningar og allavega 2 aðrir sem ég veit um .Menn eru misjafnir í öllum stéttum þjóðfélagsins eins og hefur sýnt sig …………..en kasti sá er syndlaus er fyrsta steininum .mbk Pési

Vegna þessara umræðna hér eru nokkur atriði sem mig langar til að nefna.

Smáauglýsingarnar á síðunni eru hugsaðar fyrir einstaklinga, félagsmenn sem aðra, til að auglýsa til sölu hluti sem tengjast áhugamáli okkar sem er jeppar, ferðalög á jeppum og hálendið. Hugmyndin á bak við þetta er ekki auglýsingar sem tengjast atvinnurekstri, enda væri þá eðlilegt að það komi einhver greiðsla til klúbbsins fyrir birtingu á slíkri auglýsingu. Það hefur þó ekki verið farið út í að taka út auglýsingar í atvinnuskyni, en ekki óhugsandi að það verði skoðað ef mikil brögð yrðu að þessu. Með þessu er ég þó ekkert að fullyrða um hvort þetta tiltekna dæmi fellur þarna undir eða ekki.

Það hefur stundum komið upp að ráðist hefur verið að einstökum fyrirtækjum hér á vefspjallinu, ?hraunað yfir þau? eins og granigamli orðar það. Stundum hefur verið þar um að ræða fyrirtæki sem styrkja klúbbinn eða eru að veita okkur umtalsverða afslætti, þó það skipti ekki máli í þessu samhengi. Það skiptir ekki máli hvert fyrirtækið er, það sem skiptir máli er að menn gagnrýni á málefnalegan hátt og fari ekki út í atvinnuróg eða svívirðingar heldur haldi sig við staðreyndir (athugasemdin hans Benna í upphafi þessa þráðar er kannski einmitt dæmi um hvernig á að gera þetta). Auðvitað er málfrelsi ríkjandi en í lögum eru ákveðnar takmarkanir á málfrelsi sem gefur þeim sem árásin beinist gegn möguleika á verja sig með málshöfðun og slíkt gæti orðið dýrt spaug. Vefspjallið er fjölmiðill og hljóta sömu lög að gildi um það og aðra fjölmiðla.

Sá ritstíll að ausa svívirðingum á viðmælendur eða uppnefna þá er afskaplega leiðinlegur aflestrar, þó það segi auðvitað mest um þann sem því beitir. Það hins vegar er klúbbnum ekki til sóma að slíkt sjáist á spjallsíðum á heimasíðu hans, þannig að þó ekki sé nema bara klúbbsins vegna, notið ritstíl sem lætur allavega líta út fyrir að hér fari fram óskaplega vitræn umræða. Takið það til sín sem eiga það.

Það má bæta við að skv. hugmyndum um nýja vefsíðu er gert ráð fyrir að til þess að fá lykilorð þurfi að gefa upp fullt nafn og kennitölu. Það birtist hins vegar ekki á vefnum en vefstjóri getur flett upp notendum ef á þarf að halda. Dæmi um það gæti verið ef einhver lögsækir klúbbinn fyrir eitthvað sem einhver hefur sagt.

Kv – Skúli