Hvað finnst mönnum um þessar breytingar?

en þrátt fyrir að margt sé jú ágætlega málað og bónað þarna og reyndar furðuvel mv. það sem yfirleitt sést á þh. vögnum verð ég að gera nokkrar athugasemdir. Röðin segir til um hvað mér þykir mikilvægast að breyta.

1. Gormarnir á afturhásingu sýnist mér vera innan við stuðpúðana. Mér finnst það einfaldlega asnalegt og til þess gert að takmarka möguleika fjöðrunarinnar. Best er að hafa þá sem næst gormunum og jafnvel innan í þeim en allavega alls ekki utan við.

2. "Brakketið" fyrir stífuna á framhásingu uppí grind er alltof framarlega, þe. augað. "Ultimate" staðsetning á auganu er sem næst rörinu, fyrir miðju, og í "fútti" við stýrisstöngina. Svona staðsett er jafnvíst að álag verði óþarflega mikið á stífugúmmí, ef ekki fleira.

3. Gormar settir undir en ekki loftpúðar, ….synd!

4. Afturstífurnar hugsanlega hafðar óþarflega stuttar. Hálfgerð "einföldun" að segja bara "..eins og á orginal". Mv. metnað í ýmsu þarna hefði vel mátt lengja í þeim og ná meiru út úr fjöðruninni (að því gefnu að lið 1 sé breitt!). Metnaðarleysi.

5. Hefði leitast við að staðsetja neðri augu dempara á afturhásingu ofar á rörið til að fyrirbyggja að "brakketið" og demparinn yrði fyrir hnjaski eða trafala í ófærð.

6. Að endingu verð ég að nefna að felgurnar fyrir 44" sýnist mér vera 16" (kann að vera rangt) og það auðvitað takmarkandi, auk þess verða spokemiðjurnar sennilega veikasti búnaðurinn í hjólabúnaðinum, original-miðjur væri mun heppilegra!

M.ö.o. held þessi bíll geti orðið hálfleiðinlegur í stýri, slíti gúmíum óþarflega mikið, fjaðri ekki rasskat, og drífi minna en menn hérna almennt virðast búast við.

Burtséð frá því, "go for it" strákar, eruð að gera margt gott þarna.

Það er mikilvægt að samsláttarpúðar séu sem næst hjóli. Það eru tvær ástæður fyrir þessu, í fyrsta lagi gefur það betri nýtingu á fjöðrunarsviðinu og plássi í hjólskjálum, þar sem það dregur áhrifum af staðsetningu hins hjólsins innan fjöðrunarsviðs. Í öðrulagi minnkar það álag á hásinguna þegar fjöðrunin slær saman. Vægið á hásinguna er í hlutfalli við fjarlægð frá púða að miðju hjóls.
Staðsetning gorms skiptir aftur á móti litlu máli, sérstaklega ef notaðar eru balansstangir.

-Einar

myndir af hásingum:) piff allar eins !!!

…en eik, þar sem ég hef líka gaman af að rífa kjaft.

Hvað varðar fyrri fullyrðinguna þina að samsláttapúðar verða að vera sem næst hjóli og rökin að það gefi betri nýtingu fjöðrunarsviðis.
Bull.
Rök: Stuðpúðar eru akkúrat þess valdandi að fjöðrunarsvið heftist, það er m.ö.o. hreinlega stöðvað á einhverjum punkti til að eitthvað annað skemmist ekki eða aflagist. Þess vegna setur maður stuðpúða bara nákvæmlega þar sem þarf en lætur þá hafa sem minnst áhrif á hreyfingu hásingar. Yfirleitt er þessi staður sem næst fjaðrabúnaði en örugglega ekki utan við hann nema kannski ef þú ert með s.k. sjálfstæða fjöðrun eða eitthvað álíka rusl sem má helst ekki hreyfast. Þú talar um að það "dregur [úr] áhrifum af staðsetningu hins hjólsins innan fjöðrunarsviðs". Þetta verðurðu að skýra betur því ef eitthvað er þá dregur stuðpúði utan á fjöðrunarkerfi úr möguleikum hins hjólsins til að nálgast jörðu…..er það slæmt sem sagt?

Hvað varðar þá seinni að það minnki álag á hásinguna!
Rétt.
EN, hásing er akkúrat sá hlutur í venjulegum bíl ásamt grind sem á að taka álagið. Ef þú ert með alvöru hásingu, eins og vinir okkar sem settu myndirnar á vefinn völdu, þá þolir hún stuðpúðann nánast hvar sem er á rörinu, allavega undir þetta léttum bíl. Þessi rök skipta því akkúrat engu máli í þessu verkefni.

En hefur einginn neitt að segja um athugasemd nr. 2 hjá mér, sem mér sýnist geta valdið jafnvel meiri leiðindum?

Síðan bara eins og fleiri hafa sagt, hvet ég menn til að sýna sig meira hér (á við um mig líka), virðingarvert, og vona að smiðirnir græði á þessu röfli um sitt.

Ég er sammála Rúnari um samsláttinn, TLC 80 er ekki léttur bíll, sérstaklega að aftan og plássið í hjólskálunum nýtist best þegar samsláttarpúðarnir er eins utarlega og kostur er.

Varðandi lið 2, þá skil ég ekki alveg hversvegna festingin fyrir þverstífuna á framhásingunni er sett svona framarlega, en ég sé ekki að þetta komi að sök. Aðalatriðið er að hallinn á togstönginni úr stýrisvélinni, og þverstífunni, sé sá sami.

Það er rétt hjá Rúnari að sviðið sem gefið er upp fyrir algengustu loftpúðana er 23 og 25 sm. En með loftpúðum þá nýtist fjöðrunarsviðið miklu betur, sérstaklega að aftan, þar sem ekki þarf að nota verulegan hluta þess til taka upp áhrif af breytilegri hleðslu.

Ég þekki engin dæmi þess að bílar hafi verið eyðilagðir með "loftpúðaklúðri" en mörg dæmi þess að óþarflega stífir gormar takmarki verulega yfirferð í skemmtilegu færi á jökli. Ég veit ekki hvort það á við í þessu tilfelli, en það virðist vera algengt að settir séu stífari gormar þegar bílum er breytt, ég veit ekki hversvegna en helst dettur mér í hug peningaplokk, það er dýrara að framleiða mjúkan gorm sem þolir sama burð og stífur. Þessar myndir sýna fjöðrunarsviðið með 23 sm loftpúðasviði og samsláttarpúðann út við hjól:
[img:39urr39c]http://klaki.net/gutti/vatnaj_03b/t/2003_0530_220542.jpg[/img:39urr39c] [img:39urr39c]http://klaki.net/gutti/vatnaj_03b/t/2003_0530_230236.jpg[/img:39urr39c] Fleiri myndir eru [url=http://klaki.net/gutti/vj03b.html:39urr39c]hér[/url:39urr39c]

-Einar

Eru gömlu myndirnar týndar?

-Einar

Það er eitthvað að klikka með albúmið. Ef ég fer í upplýsingar um Birdie í gegnum þennan þráð, þá sé ég gömlu albúmin, en ef ég fer í nýjustu myndirnar sé ég bara nýja albúmið sem hann var að búa til

kv.
Eiki

p.s. Annars er þetta held ég ein flottasta breytingamyndasaga sem maður hefur séð. Frábært framtak.

Ég er að vinna með einum roveraðdáenda sem heldur því fram að gæði fjöðrunar í bíl felist í að bíllin geti snúið sér að fjöðrum 360° eins og einhver lidstýrð búkolla. þessvegna hef ég heyrt alla þessa vitleysu sem að roverinn er að halda fram. að sjálfsögðu þurfa samsláttarpúðarnir að vera eins utarlega á hásingunni og hægt er til að hafa bílinn eins lágann og mögulegt er, nota hjólaskálarnar og hafa fjöðrunarsviðið sundurfjöðrun. það er í alla staði bæði óhentugt og ljótt að hafa bílinn eins og hann standi á stultum. þessvegna get ég ekki betur séð enn hér sé í smíðum gullfallegt ofurtæki og vel smíðað, sem gaman verður að sjá á fjöllum. keep up the good work.

ér búinn að bíða eftir þér í allt kvöld með komment á athugasemdina mína, ræðum þetta í vinnunni á morgun, ekki vera að skemma annars gott spjall með svona vitleysu.
hilsen siggias

Sælir félagar

Var að setja inn myndir. Hef ekki getað sett inn myndir núna lengi, var sjálfur stattur í Túnis (handbolti) og pabbi gamli fór á skíði í Austurríki. Lítið hefur verið unnið í bílnum núna nýlega en samt eitthvað. Allt loft og sem við kemur því er komið í bílinn og erum við byrjaðir á rafmagninu núna.
Mun vera duglegur að setja inn myndir við tækifæri.

Kv. Vilhjálmur Halldórsson "Birdie"

p.s. Þakka Bílabúð Benna fyrir flotta sýningu um þar síðustu helgi.