This topic contains 5 replies, has 1 voice, and was last updated by 
-
Topic
-
Þannig er mál með vexti að ég er að taka í gegn 99′ árg. af Patrol og hefur mér vantað ýmislegt smálegt í hann. Ef ég því þurft að kom stundum við í Ingvari Helgasyni. Þaðan hef ég hins vegar alltaf komið út frekar dapur og miklu fátækari. Sem dæmi vantaði mig hægra aftur hornið á hann í febrúar, það átti að kosta 22.000 og fannst mér það annskoti dýrt. Ákvað ég því að fara á stúfana hérlendis ef vera skildi að einhver ætti notað. Sú leit bar engan árángur. Ætlaði ég því heldur dapur að panta nýtt horn hjá IH nú í maí. En viti menn nú var hornið komið upp í 32.000 hækkað um 10.000 á þrem mánuðum á meðan krónan gerði ekkert annað en styrkjast.Litli plast ramminn utan um ljósið átti síðan að kosta 5000 síðan á eftir að sprauta draslið,verður þetta sennilega komið í 50.000 komið á bílinn. Hvað finnst mönnum um þetta ? Hafa fleiri einhverjar reynslusögur af verðlagningu hjá IH.
-
Replies
-
Það sem ég hef heyrt af IH er það að ef svo ólíklega vill til að þeir eiga varahlutinn sem þig vantar þá er verðlagningin svo gróf að það jaðri við þjófnað. Það þarf að sérpanta alveg ótrúlega algenga hluti og getur það tekið margar vikur. Ég hef heyrt að menn sú að gefast upp á því að eiga Patrol vegna engrar/lélegrar/rándýrrar varahlutaþjónustu. Miðað við þær sögur sem ég hef heyrt af umboðinu þá kaupi ég mér aldrei bíl frá þeim.
R-2170.
Ég pantaði bretti hjá þeim (auðvitað ekki til a lager)
átti að taka 4vikur tók 3. mánuði..
skýringarnar voru að þeir sofnuðu í gám úti
og tækju hann svo heim þegar hann væri fullur.
þannig að það fer allt eftir því hvernig þú hittir á hjá þeimsvo pantaði ég ljós 10 febrúar ég er enn að bíða eftir símtali frá þeim.. reyndar komnir rúmir 3 mánuðir þannig að þeir hljóta að fara að hringja…eða hvað…
Svona er nú þjónustann hjá I.H
það er alveg örugglega hægt að panta þetta annarstaðar frá á betra verði.hins vegar vil ég benda á eitt,
þar sem þetta voru varahlutir í sænskan eðalvagn
af bestu gerð. kannaði ég verðið á öllum þessum hlutum beint frá SAAB verksmiðjunum. ÞEIR VORU DÝRARI ÚTI
mér bauðst frír flutningur heim með kunningja á þessum hlutum, enn það kom betur út að panta þá í gegnum I.H
fyrir utan Tímann sem það tók…..kk
pæjinn
Sælir félagar
Ég verð að segja fyrir mina parta að þetta umboð er að standa sig sæmilega og er batnandi. Nokkrum sinnum höfum við hjá Mountain Taxi þurft að fá hjá þeim varahluti, sem hafa ekki verið til á lager og hefur það einungis tekið 3 daga með hraðsendingaþjónustu.
Aftur á móti mætti lagerinn oft vera betri en ég vil benda á það kostar óhemju mikla peninga að halda stóran lager hjá bílaumboði sem þessu.
Förum varlega í að alhæfa um kosti og galla hjá fyrirtækjum út í bæ, sérstaklega ef menn eru að segja; "ég hef heyrt að…" Maður dæmir ekki eftir því !Svona í framhjáhlaupi, Langiskafl er í þokkalegu standi, en það styttist í að sprungur fari að opnast, svo fyrir alla muni farið varlega
Kveðja Steinmar
Sammála síðasta ræðumanni.
Alþekkt er að bílaumboðin eru þó oft með heldur dýrari vöru en sérvörubúðirnar. Á það ekkert frekar við um IH en aðra. Ýmsar skýringar geta verið á því. Keypti þó höfuðlegur í framdrifið á Patrol í vetur, voru þær langódýrastar hjá umboðinu og var nærri þrefalt verð hjá Fálkanum. Hvet ég menn til að kanna verð áður en hlutir eru keyptir. Nokkur símtöl eru fljót að borga sig.
Verum bara virkir í verðsamanburði og forðumst sleggjudóma. Munum að álagning er frjáls, en það þvingar enginn neinn til verslunar hjá sér og þegar upp er staðið erum það við, neyendurnir, sem höfum síðasta orðið og ef okkur sýnist svo verðum "neitendur"!
Sem bílaflokksformaður í björgunarsveit hef ég átt dágóð viðskipti við nokkur bílaumboð. Varahlutaþjónustan hjá Toyota hefur alltaf verið í heimsklasa. Ef hluturinn var ekki til þá var hann aldrei meira en 3 daga á leiðinni (nema í einu undantekningartilfelli þegar birgðaraðilinn í Hollandi hafði klikkað, og panta þurfti beint frá Japan). Aldrei rukkuð króna fyrir neinn flutning. Sama gildir um Ræsi.
Nú erum við með Nissan bíla og verð ég því miður að viðurkenna að þjónustan hjá IH er engan vegin sambærileg við þá hina. Verðlagningin er hærri, sendingartímar eru miklu lengri og það er rukkað fyrir DHL flutninga. Þá virðist það oft klikka hjá þeim að láta mann vita þegar hluturinn er kominn.Af alþjóðlegum póstlistum á netinu að dæma virðist Nissan almennt ekki standa sig jafn vel og Toyota í þessum málum. Þannig mætti ætla að möguleikar umboðanna hérna heima til að standa sig vel gætu verið misjafnir.
Gott er þó að heyra að þeir eru að taka sig á, enda batnandi mönnum best að lifa.
Sólarkveðja
Rúnar.
You must be logged in to reply to this topic.