Hvað er það sem skiptir máli í vali á jeppa spyr nýliði

Sælir,

Lestu þennan þráð út í gegn og þá ættirðu að vita allt sem þú þarft til að geta valið þér snjójeppabíl. Hann fjallar um allt frá dekkjum og yfir í lása og ýmislegt annað tengt jeppum og breytingum á þeim.

http://www.mmedia.is/gjjarn/sjeppar/index.htm

38" bíll má ekki vera meira en 2000 kg(tómur) til að geta drifið eitthvað að viti, helst í kringum 1600-1800 kg þá ertu með bíl sem fer allt. Í þann flokk fara flestir pickup japanskir bílar, cherokee og nokkrir aðrir.

44" bílar mega helst ekki fara yfir 2.5 tonn til að vera hæfir.

kv
Gunnar.

Flott samantekt hjá þér. Það er hinsvegar eitt sem þú gerir ekki ráð fyrir í töflunni, það er þyngdin á jeppunum eftir breitingar.

Sem dæmi er minn ’97 Cherokee skráður 1530 kg. frá framleiðanda.
-Meiri þyngd vegna breytinga:
-38" dekk og 13" stálfelgur
-Dráttarbiti að framan
-Ford 9" afturhásing
-Lítil grind að framan fyrir kastara
-Aukaljós

-Minni þyngd vegna breytinga:
-Varadekk og festingar úr
-Jafnvægisstangir fr. + aft. úr
-Rúðupisskútur úr (á eftir að finna annann í staðinn sem kemst fyrir)
-Upphalarar í afturhurðum úr
-Rúðuþurrkubúnaður í afturhlera úr
-Hvarfakútur úr

Fyrir breytingaskoðun fór hann á vigt og var þá 1780 kg. með um 50 l. af bensíni á tanknum og örlítið af dóti í sér, s.s. u.þ.b. 1720 kg. galtómur. Af þessu má sjá að 38" breyting á jeppa kostar a.m.k. 200 kg. þyngingu nema farið sé í heilmiklar breytingar til að létta hann meira (meira en ég gerði).

Freyr

Trooper, eru þekktir fyrir lélegar vélar en góðar drifrásir. Díselvélin er víst alveg ferlegur bilanagæji. Bensínvélin er skárri en eyðir alveg helling.

Terrano, eru þekktir fyrir máttlausar vélar og lélega fjöðrun. Mágur minn átti svona 2.7 dísel, algjörlega máttlaus bíll og hann var á 35" dekkjum. Fjöðruninn er eins og í traktor… googlaðu þessa bíla í breskum bílablöðum og þar fær hann dóma að menn vldu frekar keyra um á massey ferguson heldur en þessum bíl.

leitaðu betur.

kv
Gunnar

Held að það sé fullmikil einföldun að setja upp einhverja töflu, og finna það út að bíll yfir 2 sé ónothæfur í snjó…… þó það búi eflaust einhver hugsun á bakvið þetta, en fullmikil einföldun.

Ef þetta væri svona einfalt, ja þá veit ég ekki hvað.

Eflaust alltílagi að hafa svona apparat sér við hlið til gamans þegar skoða er verið jeppa.

Kv, Kristján

Stór vél, bensín og hestöfl og mikið af því er það sem virkar.

sælir
þetta eru ágætar og skemmtilega framsettar pælingar hjá þér, man þegar ég var að leita að mínum fyrsta bíl og þá var maður mikið að spá í þessum hlutum eins og þú. Eftir talsverðan tíma og pælingar þá komst ég að því að það var bara þrennt sem sem ég fókusaði á og það var fjöðrun, dekkjastærð vs. þyngd og peningar (sem ég átti ekki mikið af).

Ég set spurningamerki við sumt í töflunni sem segir manni að maður eigi réttilega aðeins að nota hana sem viðmið en ekki sem endapunkt við drifgetu. Ef ég tala út frá minni reynslu þá er td hægt að komast alveg heilan helling (þó alls ekki allt) á gömlum ólæstum 38" 2.8 lítra Patrol en hann fær 2.1 í stuðul þarna (mat á þyngd eftir breytingar er nokkuð rétt). Á svoleiðis bíl getur þú vel ferðast með 46" Ford/Dodge og hef ég gert það heilmikið en ég set stórt spurningamerki við stuðulinn 1.7 hjá þeim á 44".

Það er einfaldlega svo margt fleira en þyngd og dekkjstærð sem hefur áhrif á drifgetu, góð fjöðrun skiptir miklu máli, ökumaðurinn sjálfur, færið innan dagsins getur verið breytilegt, sumar dekkjategundir virka betur en önnur í mismunandi færi, stundum virkar ekkert fyrr en í ákkúrat réttum loftþrýsting, stundum er betra að vera á slitnum dekkjum, stundum er betra að vera á grófum osfrv osfrv.

Þú ert aðeins að ofmeta kraftfaktorinn í drifgetu, vissulega skiptir hann máli í ferðahraða í þokkalegu færi og bröttum brekkum/hengjum en kraftlausir bílar komast vel áfram og enda á sama áfangastað og villidýrin (bara korteri seinna 😉 Þetta doldið meira spurning um funfactorinn og hvað menn vilja fá út úr þessu.

Læsingar, lolo, aukatankar og leitarljós eru allt aukahlutir og skulu bara teknir sem slíkir, ef þú átt peninga þá er fínt að hafa þetta en hafðu ekki of miklar áhyggjur af því til að byrja með, betra að fá sér solid bíl sem er í lagi, virkar á fjöllum og lágmark 38" …. það er mín skoðun. Eitt af því fyrsta sem ég keypti mér voru góðir kastarar framan á bílinn, mæli með því ef þú ætlar að stunda helgarferðir en ekki bara dagsferðir.

Prófaðu bara nógu andskoti marga bíla, það er svo misjafnt hvað menn fíla, sumir vilja power og mikinn léttleika, aðrir bara góða ferðabíla sem eru sjö manna en þyngri og kraftminni osfrv osfrv, hugsaðu bara um að finna gott eintak af þeirri tegund sem þú fílar með sem mestum aukahlutum fyrir þann pening sem þú vilt leggja í þetta.

kv/Agnar

´Svo er þetta líka stór spurning, hvað ætlarðu að gera??

Ætlarðu að fara á fjöll til að ;

hafa gaman,, bensín power drifgeta og skemmtilegur bíll Tacoma 😉
bara ferðast,,, Tacoma ;), hilux, patrol, musso
eða bæði hafa gaman og ferðast,, Tacoma 😉

Þarna fellur Tacoma í alla flokkana, bara sem dæmi, en það gerir patrol, musso eða hilux ekki………

Annars er mikið til í þessu hjá Agnari, ekkert annað en að fara og prófa. Maður sér mjög fljótlega þegar maður er að prófa bíl hvort þetta sé að höfða til manns eða ekki…..

Að finna bíl með sem mestum aukahlutum og bíl sem er í góðu lagi og eitthvað sem maður er sáttur með skiptir mestu máli held ég. Annars verður grasið alltaf grænna hinum megin og verður maður að prófa það líka

Kv, Kristján
Sem bítur ekki gras

Það er alveg rétt að það er eitt að rúlla á malbiki og annað að torfærast, en maður finnur engu að síður hvort þetta sé að heilla mann eða sé ómögulegt.

Maður er ekkert að snúa í sundur þó það sé kraftur í bílnum, þetta er bara gamaldags hugsanaháttur.

Auðvitað er ekki kraftur allt, það skiptir allt máli i svona dóti. En þeir sem segja að kraftur skipti litlu máli eru þeir sem ekki hafa prófað það eða eiga musso pg patrol og fleirra sambærilegt og eru að réttlæta þetta fyrir sjálfum sér. Drifmikill bíll drífur miklu meira ef það er kraftur í honum.

Fjöðrun er náttúrulega alveg kapituli útaf fyrir sig. þar kemur af því hvernig bíll þetta er.

Málið er nefnilega, ég hef rosalega gaman af því að fara á fjöll, en það er ennþá skemmtilegra að fara á fjöll og getað haft gaman. Það verður rosalega fljótt þreytt að vera á hilux eða patrol eða álíka, það er gaman fyrst tala nú ekki um ef maður er að byrja í þessu, en svo verður það þreytt, nema þú sért bara í þessu til að ferðast, þá geturðu alveg verið á túrbólausum hilux og þarft ekkert að spá í þetta meira, léttur, hægt að smíða fínt fjöðrunarsystem undir hann og málið dautt og gott fyrir budduna.

Kv, Kristján