This topic contains 21 replies, has 1 voice, and was last updated by 
-
Topic
-
Það hefur svolítið verið rætt um talstöðvar og standbylgju (SWR) undanfarið hérna á þessum vef, og sýnist mér
að það sé ekki vanþörf á að setja saman smá fróðleik um þetta, þar sem margir virðast halda að allt standi eða
falli með standbylgjunni.Hvað er þá þessi standbylgja. Í stuttu máli sagt, þá er það hlutfallið milli útsendrar orku frá sendi og þess sem
endurkastast til baka frá loftneti til sendis. Þetta endurkast verður vegna þess að sendirinn, sem er gerður til að
sjá 50 Ohm álag, er að sjá eitthvað annað en 50 Ohm, oftast vegna þess að loftnetið er ekki af réttri lengd fyrir þá
tíðni sem við viljum nota. Það skal tekið fram að það er mjög erfitt að ná Standbylgju 1:1 og eiginlega engin ástæða
til að reyna það. En hámarks afl flutningur verður þegar sendir (50 Ohm) sér 50 Ohm álag, þ.e. bæði í kapli og loftneti.SWR 1:1 gefur 100% flutning afls frá talstöð til loftnets.
SWR 2:1 gefur 89% flutning afls frá talstöð til loftnets.
SWR 3:1 gefur 75.1% flutning afls frá talstöð til loftnets.
SWR 4:1 gefur 64% flutning afls frá talstöð til loftnets.Þegar menn eru að bera saman sendiorku mismunandi stöðva, er gott að hafa í huga að lágmarks aflaukning sem
er heyranleg, er tvöföldun. Sem sagt, það er engin leið að greina á milli stöðva sem senda út 25w eða 45w.
Það er fyrst hægt að greina mun þegar sú aflmeiri er með tvöfalda orku á við hina.Á þessu sést að það hefst lítið uppúr því að vera að reyna að lækka SWR, meðan hún er ekki hærri en 2.5:1.
Það sem mestu máli skiptir er að
1. kapallinn sé í lagi, þ.e. að ekki hafi komist vatn eða raki í hann og tenglar séu í lagi.
2. Jarðsamband loftnets við bretti, eða bílþak sé í lagi.Varðandi bandbreidd loftneta, er held ég, nokkuð ljóst að því sverari sem leiðandi hluti loftnetsins er, því bandbreiðara
er loftnetið.Þessi pistill er bara hugsaður sem smákynning á SWR og stiklað mjög á stóru, en vonandi að einhverjir hafi gagn af þessu.
Kv GísliÓ
-
Replies
-
Eitthvern vegin er það nú þannig að þótt Gísli sé sennilega búinn að gleyma meiru um fjarskipti og talstöðvar en ég hef nokkurn tíman lært,þá er ég ekki að sammþykkja þetta með standbylgjuna á cb,því trekk í trekk hef ég lent í því að hún er að angra menn,Ég mæli reglulega cb netið hjá mér og hef gert allar götur síðan 78 er ég eignaðist mína fyrstu talstöð.
Ég hef á einum stað í Keflavík upplifað það að það var ekki mælanleg standbylja á netinu hjá mér,nálin á mælirnum hreyfðist einfaldlega ekki og hef ég aldrei haft eins gott samband og skippaði út um allann heim.
Standbylgja á cb skiptir máli og undir það geta allir alfa-tango meðlimir um allann heim tekið undir.
Hún skiptir minna máli á vhf og ennþá minna máli á nmt og hef ég ekki verið neitt að mæla hana á vhf né nmt.
Það er engin spurning að frágangur kapla og nets er það sem skiptir höfuðmáli,en lengdarstilling á stáltoppum eins og mest eru notaðir í dag fyrir 40 rása cb skiptir jafn miklu máli og það er þar sem standbylgja kemur fram ef lengd á topp er ekki rétt,ég segi þetta vegna þess að standbylgja hefur eiðilagt margar stöðvar og orsakað lélega sendingu í alltof mörgum tilvikum til að hægt sé að horfa fram hjá því.Staðsettning á bíl getur orsakað stefnuvirkni og er helst að losna við hana með því að setja netið á miðjan topp allar aðrar staðsetningar hafa stefnuvirkandi áhrif,mismunandi þó og ekki að mínu mati að hafa áhyggjur af ef frágangur er góður að öðru leiti.En standbylgja á cb sem sendir út á 2,5-5w verður að vera í lágmarki ef vel á að ganga að nota cb.
Ég er einn af þeim sem tel cb stöð eiga að vera staðalbúnað í öllum jeppum og lágmarkskrafa í fjarskiptum,bæði er um ódýrar stöðvar að ræða eins eru þær með 40 opnar rásir gjaldfríar og þess vegna ákjósanlegar til samskipta milli bíla í hóp,en til þess þurfa þær að vera rétt frá gengnar, og um það snýst málið.
Vhf er öryggistæki sem menn ættu að koma sér upp um leið og þeir geta,það er einfaldlega besti kosturinn í talstöðvarmálum.
Kv Klakinn
You must be logged in to reply to this topic.