This topic contains 21 replies, has 1 voice, and was last updated by 
-
Topic
-
Það hefur svolítið verið rætt um talstöðvar og standbylgju (SWR) undanfarið hérna á þessum vef, og sýnist mér
að það sé ekki vanþörf á að setja saman smá fróðleik um þetta, þar sem margir virðast halda að allt standi eða
falli með standbylgjunni.Hvað er þá þessi standbylgja. Í stuttu máli sagt, þá er það hlutfallið milli útsendrar orku frá sendi og þess sem
endurkastast til baka frá loftneti til sendis. Þetta endurkast verður vegna þess að sendirinn, sem er gerður til að
sjá 50 Ohm álag, er að sjá eitthvað annað en 50 Ohm, oftast vegna þess að loftnetið er ekki af réttri lengd fyrir þá
tíðni sem við viljum nota. Það skal tekið fram að það er mjög erfitt að ná Standbylgju 1:1 og eiginlega engin ástæða
til að reyna það. En hámarks afl flutningur verður þegar sendir (50 Ohm) sér 50 Ohm álag, þ.e. bæði í kapli og loftneti.SWR 1:1 gefur 100% flutning afls frá talstöð til loftnets.
SWR 2:1 gefur 89% flutning afls frá talstöð til loftnets.
SWR 3:1 gefur 75.1% flutning afls frá talstöð til loftnets.
SWR 4:1 gefur 64% flutning afls frá talstöð til loftnets.Þegar menn eru að bera saman sendiorku mismunandi stöðva, er gott að hafa í huga að lágmarks aflaukning sem
er heyranleg, er tvöföldun. Sem sagt, það er engin leið að greina á milli stöðva sem senda út 25w eða 45w.
Það er fyrst hægt að greina mun þegar sú aflmeiri er með tvöfalda orku á við hina.Á þessu sést að það hefst lítið uppúr því að vera að reyna að lækka SWR, meðan hún er ekki hærri en 2.5:1.
Það sem mestu máli skiptir er að
1. kapallinn sé í lagi, þ.e. að ekki hafi komist vatn eða raki í hann og tenglar séu í lagi.
2. Jarðsamband loftnets við bretti, eða bílþak sé í lagi.Varðandi bandbreidd loftneta, er held ég, nokkuð ljóst að því sverari sem leiðandi hluti loftnetsins er, því bandbreiðara
er loftnetið.Þessi pistill er bara hugsaður sem smákynning á SWR og stiklað mjög á stóru, en vonandi að einhverjir hafi gagn af þessu.
Kv GísliÓ
-
Replies
-
fyrir þessa punkta, GísliÓ. Nú vaknar sú spurning, hvort hægt er að stofna til "banka" hér á vefnum, þar sem þetta yrði aðgengilegt í einum "link" ásamt því sem kann að bætast við í þennan sjóð, sem og náttúrulega því sem kann að hafa komið inn á hina ýmsu spjallþræði í tengslum við spjall um talstöðvar eða eitthvað annað sem leitt hefur hugann að fjarskiptum. Hvernig slær þessi hugmynd fólk almennt?
þar er eilítið safn af fróðleik að finna og án efa er f4x4 heimilt að flytja þann vísidóm á góðan stað – nú eða einfaldlega linka sig þangað
Vefslóðin er [url=http://litladeildin.a47.net/index.php?topic=hagnytt:x9cppr31]http://litladeildin.a47.net[/url:x9cppr31]
kv. Siggi
fluttu þetta inn á litludeildarsíðuna Siggi, ef þér finnst þetta verðugt.
Kv GísliÓ
Varðandi bandbreidd loftneta, er held ég, nokkuð ljóst að því sverari sem leiðandi hluti loftnetsins er, því bandbreiðara.
Ég er nú orðinn nokkuð riðgaður í nákvæmlega þessu. en ég held samt að þetta sé ekki alveg rétt. Og er ekki alveg stemdur til að leita að upplýsingum um þetta.
En eins og ég skil þessa setningu hjá þér þá er betra að vera með sverari loftnet heldur en mjó.
Sem er alveg kolrangt. Loftnet eru svoldið flókinn hlutur, og er bandbreiddin meiri því lengri sem þau eru. Í BASIC
En !!!
loftnetin í gamla daga voru rosalega löng og til að þau brotni ekki voru þau sver, t.d. gamla gufan. En nýrri loftnetin eru öll búin spólum og stundum þéttum í botninum til að þau þurfi ekki að vera 8-9 m. það sem gerist er að með því að setja spólu á loftnetin (líta út eins og flotholt oftast á miðju loftneti) er hægt að stitta loftnetið.
gerir það þá sama gagn 1,2-2m og gamla gufunesloftnetið. En neðst á gufunes loftnetunum er sver hólkur sem er spóla sem gerir það að verkum að það virkar jafn vel og mun lengri loftnet.
ath gufan er ekki á sömu bandbreidd og vhf.En svo eru til sver hvít loftnet, sem við sjáum oftast á bátum. Þessi loftnet eru svona sver til þess
að þau geti virkað við erfiðar aðstæður. er t.d. mjög erfitt að koma þeim fyrir á bátum þar sem að sjaldan er stór sléttur flötur til að festa þau á. og oftast úr plasti
Ég myndi halda að þessi loftnet væru óþörf á jeppum þar sem oftast er nóg pláss á þakinu sem er úr járni og myndar þessvegna mun betri spegil heldur en fæst á báti. Ég man ekki formúluna um þetta en mig minnir að hún snúist um hæð loftnets stærð spólu og stærð slétta flatarins.En þetta getur vel verið að sé bölvuð vitleysa hjá mér og tóm þvæla, því eins og ég sagði þá er ég mjög riðgaður í þessu, Og fynst mér best að fara bara út í búð og segja hvað ég ætla að nota loftnetið. Og kaupa svo dýrari típuna.
En ef þið viljið fara út í einhverjar pælingar þá er hérna smá lesning um kóax kapla sem ætti að gefa ykkur smá hugmynd.
[url=http://ira.is/namsefni/coaxkaplar.html:38l826vw][b:38l826vw]smá lesning um kóaxkapla og fl.[/b:38l826vw][/url:38l826vw]Kveðja Bæring
Sem er alveg kolrangt. Loftnet eru svoldið flókinn hlutur, og er bandbreiddin meiri því lengri sem þau eru.
Ertu með öðrum orðum að segja að langbylgjuloftnet séu sem sagt bandbreiðari
en UHF loftnet.Þú veist bersýnilega ekkert hvað bandbreidd er.
Kv GísliÓ
loftnet
[url=http://net.raf.is/haukur/RS/Loftnet/Loftnet1.html:28pyn389][b:28pyn389]loftnet[/b:28pyn389][/url:28pyn389]
meira
[url=http://ira.is/namsefni/loftnet_jpol.html:28pyn389][b:28pyn389]loftnet 2[/b:28pyn389][/url:28pyn389]
þið verðið að lesa þetta
[url=http://ira.is/namsefni/desibel.html:28pyn389][b:28pyn389]desibel þið græðið mest á þessu[/b:28pyn389][/url:28pyn389]gott að lesa þetta líka
[url=http://ira.is/namsefni/fjarskiptareglur_vidskipti.html:28pyn389][b:28pyn389]fjarksiftareglur[/b:28pyn389][/url:28pyn389]
lesiði þetta bara [url=http://http://net.raf.is/haukur/RS/Utvarpsb/Utvarpsb1.html:tcrsack7][b:tcrsack7]útbreiðsla útvarpsbylgja[/b:tcrsack7][/url:tcrsack7]
svo er bara allt milli himins og jarðar
[url=http://ira.is/namsefni/namsefni.html:tcrsack7][b:tcrsack7]knock your self out[/b:tcrsack7][/url:tcrsack7]
mjög þroskað af þér eins og ég sagði er ég mjög riðgaður í þessu og er að gefa ykkur fullt af upplýsingum hérna sem þið getið fundið útúr þessu sjálfir.
Hvað meinaru með leiðnandi hlutur? þetta er illa skrifað hjá þér
glassfiber loftneta er vírinn í miðjunni.
Glassfiber er ekki leiðandi og er bara til að halda þessum granna leiðara uppi.
Loftnetsstengur úr ryðríu stáli eru bandbreiðari en fiberstangir. En að það sé praktískur munur þar á, það efast ég um. Ég var bara að leiðrétta missskilning.
Það er hægt að finna dæmi um að grennri leiðarar séu bandbreiðari en sverari, en það á bara við um High Impedance loftnet.
Þau loftnet sem allir venjulegir notendur eru að kaupa og nota eru Low impedance.
Kv GíslÓ
de TF3US
þetta hljómar miklu betur.
Það er bara alltof mikill miskilningur í gangi í sambandi við loftnet og fjarskifti. Enda er það ekkert skrítið því að þetta er ekkert einfaldur hlutur.
Og eru menn oft að rugla saman símum, vhf, og cb sem er ekki alveg sama blaðsíðan.
En þetta er gott framtak hjá þér og væri gott ef fleiri myndu gefa sér tíma til að útskíra þessa hluti betur.
Hvernig er með VHF. Er einhver standbylgja sem þarf að stilla fyrir svoleiðis stöð? Eða er er nóg fyrir mig að kaupa stöðina, lagnaefni, loftnetsfót og loftnet í hæfilegri lengd sem rsh að mér skilst sníður til m.v. 4×4 rásir og setja þetta í sjálfur til að spara smá aur?
-haffi
Eins og ég benti á, þá skiptir standbylgja ekki miklu máli meðan hún er undir 2,5 – 3 :1.
Þér er óhætt að setja þetta á bílinn þinn og ef jarðsamband milli bíls og loftnets er
gott þá ert þú í góðum málum. Aðal atriðin eru að raki eða vatn komist ekki í tengla
eða kapal. Silikon kítti er best til að koma í veg fyrir það. Ekki stytta kapalinn sem
þú færð með vhf loftnetinu.Ef þetta er í lagi þá er standbylgjan hreinlega aukaatriði sem má fínstilla seinna, því
mörg VHF loftnet eru með stillanlegum toppum..Kv GísliÓ
Þetta gastu!!.
En mikið væri það nú flott Gísli ef þú gerðir okkur í Litlunefnd þann greiða að taka svona fróðleik saman og senda okkur svo við getum sett þetta inn á síðuna,gott að hafa svona fróðleik tiltækann á síðunni og geta vísað mönnum á hann,
1 spurning ef sendiorka er 5w standb er 0,3-5 eftir sveiflu loftnets(stáltopps)og mæld á rás 20 á rás 40 1,1 en rás 1 0,2
Og 2 ef standbylgja skiptir svo litlu máli varðandi sendingu,Hvers vegna verður sending ójafnari og óskírari ef stanb er há og kapall,tengingar,staðsettningar og annað er í lagi.það bar mikið á þessu þegar maður var að skippa í den og þrátt fyrir ítrekaðar mælingar á lögn var það alltaf standb sem virtist vera orsakavaldurinn, ef hún var leiðrétt virkaði dæmið flott,miðað við stöðugan sendikraft ýmist á 5w og upp í 200w eftir því hvert var verið að tala.
Klakinn
Ég er í öllum tilvikum að tala um cb
Nú eru margir bílar með öll sín loftnet á toppgrindum og þá sér í lagi björgunarsveitabílar. Hvernig fá þeir jörð við þakið??
Er sama hvernig plötu loftnetsfæturnir eru festi í. T.d ef einhver setur þessar týpísku skíðafestingar á toppinn, setur plötu á þá og skrúfar öll loftnetin þar á ofan. Þarf að jarðtengja plötuna við toppinn og hvaða efni er best að nota í plötuna???
Svo má einnig bæta við hvaða loftnet mega standa saman og hversu langt á að vera á milli þeirra…..
Kæri klaki
Mundu að standbylgja fer ekki niður fyrir 1:1 Þú ert að tala um bandbreidd loftneta.
Líttu á þetta þannig að ef þú ert með 2 loftnet af mismunandi sverleika , og bæði eru í resónans
á ákveðinni tíðni.. Ef þau eru bæði skorin niður um 10% í lengd, þ.e. sama breyting á resónans
tíðni, þá sýnir sverara loftnetið minni SWR breytingu en það mjóa. Ergo, sverir leiðarar eru
bandbreiðari en mjóir.Standbylgja hefur engin áhrif á það hvort sending sé ójöfn eða óskír. Hún hefur bara áhrif á styrk.
Kv. GísliÓ
Er það s.s. 100% standbylgja 0:1 sem rústar talstöðvum þegar maður reynir að kalla með ekkert loftnet í loftnetsfætinum? það er að segja, ekkert af sendiorkuni nýtist þá til að senda út í loftið heldur fer öll bylgjan aftur til tækisins og eyðileggur sendinn??
eða hvað?
kveðja,
ringlaði resonans-hálfbylgjuleiðarinn…..
100% standbylgja getur aldrei orðið. Það er vegna þess að það eru alltaf töp á leiðinni frá sendi til loftnets, og svo aftur til baka til sendis. Annars köllum við það óendanlegt SWR, ekki 100%. Allir sendar í dag eru varðir fyrir of mikilli standbylgju með AVC (automatic voltage control), sem minnkar
sjálfvirkt sendistyrk ef SWR fer yfir einhver ákveðin mörk.Kv GísliÓ
Standbylgja……….en hvað um það sem ég spurði um hérna áðan. Er ekki mikilvægt að hafa þetta með í pakkanum. þ.e hvaða loftnet mega standa með öðrum, fjarlægð á milli þeirra og hvort platan á toppbogunum þurfi að vera jarðtengd???
Einn að spögulera.
Öll bílloftnet verða að vera með gott jarðsamband.
Mig minnir að það þurfi að vera að lágmarki 1/4 úr bylgjulengd á milli loftneta, til að þau fari ekki að hafa áhrif á hvert annað.
En að það hafi nokkra praktíska þýðingu að vera að hugsa um slíkt, sérstaklega á bílþaki eða brettum, það efast ég um.
1/4 bylgjulengdar á CB er ca. 2.72 metrar og á VHF er það ca. 48 cm.
miðað við f CB = 27.5 MHz og f VHF = 155 MHz.Þetta er hreinlega ekki það sem mestu máli skiptir. Fræðilega séð er hugsanlegt að loftnet sýni smá stefnuvirkni vegna nálægra málmhluta (loftneta).
Kv. GísliÓ
You must be logged in to reply to this topic.