This topic contains 50 replies, has 1 voice, and was last updated by 
-
Topic
-
Sælir.
Hvað er í gangi varðandi heimasíðuna.
Þetta er einhver þyngsta síða í opnun sem ég farið inn á.Að jafnaði er ég að opna ca: 20 heimaíður á dag og hef engin vandamál við það. Síðan á föstudag sl. hef ég þurft að nota proxy aðgang að hýsingaraðila til að komast inn á síðuna.
Ef til vill eru einhverjir með Proxy „innkomu“ stillingu hjá sér og komast þess vegna inn á síðuna, en almennt tefur hún fyrir.
Sem félagi í Ferðaklúbbnum 4×4 fer ég fram á síðan verði lagfærð í það horf að við megi una.
Bendi mönnum á að bera saman uppflettitíma á vef
f4x4.is og t.d hiclone.is
hiclone.is.Til að hafa gaman að því að fara inn á síðuna okkar og sjá hvað menn eru að pæla og spjalla, rífast og skjalla þá er algjört frumskilyrði að síðan poppist upp samstundis.
Með von um úrbætur hið snarasta.
Elli.
-
Replies
-
Anonymous- Umræður: 0
- Svör: 16404
Einar hefur reyndar ekki legið á skoðunum sínum við okkur í stjórn svo það komi skýrt fram og stakk strax í upphafi upp á þeirri leið sem hann nefnir hér. Það er í sjálfu sér bara gott mál að hann og aðrir tjái sig um þessi mál eins og þeim listir. Það var hins vegar tekin ákvörðun um að fara ekki þá leið að nota freeware búnað eins og Einar leggur til að vandlega athuguðu máli. Öllum frjálst að gagnrýna þá ákvörðun og lýsa skoðunum sínum á því, enda jafn skiptar skoðanir um þetta eins og mismunandi fjöðrunarbúnað undir jeppa. Ég læt vera að diskutera það hér. Það var hins vegar óþarfi að grafa undan vinnunni með því að birta slóðina hérna. Ástæðan fyrir því er að við þessa vinnu er sett upp ákveðið vinnuferli sem gerir ekki ráð fyrir því að nokkur þúsund notenda séu inn á svæðinu Á ÞESSU STIGI þó vel megi vera að kerfið standi undir því. Við getum einfaldlega litið á þetta sem vöruþróunarferli þar sem hvert skref er skilgreint; þarfagreining, mótun, framleiðsla, prófun og svo sett á ?markað? til reynslu og að ákveðnum tíma liðnum eftir það eru verklok eftir aðlögun. Klassískt ferli við vöruþróun og hérna hljóta að gilda sömu lögmál. Vefnefnd ásamt ?framleiðendum? vörunnar þurfa að fá að stýra þessu eftir því sem best þykir henta. Það er bara ekki komið að prófun á markaði. Og þó svo það megi geta sér til um slóðina ef mönnum finnst ástæða til að leggja sig eftir því er það ekki sama og auglýsa hana hér á spjallinu. Rétt eins og þó svo auðvelt sé að hakka einhverja síðu er ekki þar með sagt að maður eigi að gera það. Eða …. ja best að sleppa frekari samlíkingum.
Kv – Skúli
Anonymous- Umræður: 0
- Svör: 16404
Þetta má vera réttmæt gagnrýni Erlingur, en sama má segja um u.þ.b. allt sem peningar klúbbsins fara í. Eða hefur þú skoðað kostnaðaráætlanir fyrir t.d. VHF kerfið, viðhald skála, húsnæðismál, útgáfu bæklinga hjá umhverfisnefnd, uppsetningu skilta gegn utanvegaakstri, útgáfu Setursins, sýninguna um daginn, rekstur skrifstofunnar, mánudagsfundi, hinar ýmsu ferðir sem klúbburinn stendur fyrir, árshátíð, Þorrablót, vorhátíð, kynningar og þátttaka á ferðasýningum o.fl. o.fl. Sumt af þessu stendur undir sér, annað ekki, en sumt af þessu kostar klúbbinn mun meira en þessi vefsíðugerð. Á aðalfundi eru reikningar lagðir fram í frekar grófum dráttum. Hugsanlega væri eðlilegra að hvert einstakt uppátæki væri samþykkt af félagsmönnum skv. framlagðri kostnaðaráætlun, en líklega væri starfið frekar gelt ef við byggðum upp slíkt burokratí.
Kv – Skúli
Málið er að ef þeir sem eru að undirbúa þetta (stjórn/vefnefnd/kastor) telja ekki ennþá tímabært að opinbera nýju síðuna, þá verður bara að virða það. Kommentin munu koma þegar síðan fer í loftið, og auðvitað verður hún ekki óbreytanleg eftir það.
Það er nú bara þannig í hugbúnaðargerð að þá skilgreina menn áfánga (milestone). Það er augljóslega ekki komið að opinberun að mati þeirra sem um þetta sjá. Er svona erfitt að skilja það?
Ég held reyndar að menn skiptist í tvo hópa, flestir eru spenntir/óþolinmóðir, hinir eru pirraðir besservisserar sem þola ekki hluti sem eru ekki gerðir eftir þeirra höfði.
-haffi
Sælir
Ég hef samt enn ekki fengið svar við því hvers vegna það er slæmt að margir skoði nýja vefinn…
En þegar vara er þróuð er það oft gert af fáum mönnum. En ef "neytendur" eru ekki hrifnir af vörunni þá selst hún ekki. Þá vinnur samkeppnisaðilinn.
Sem er reyndar engin í þessu tilviki og þess vegna mun þetta sennilega ganga upp hjá framleiðanda.En fyrst möguleikinn er fyrir hendi að láta "neytendur" ákveða hvernig varan á að vera og neytendur eru að borga fyrir þróunn á vörunni þá er finnst mér eðlilegt að þeir fái að hjálpa til við að þróa viðkomandi vöru.
Með þessu er ég ekki að gagnrýna þessa nýju síðu, tel allar líkur á því að hún verði mjög góð. Finnst sú gamla mjög góð
En hún verður enn betri ef að aðferðin sem ég minntist á hérna fyrr verður notuð.Kveðja
Izeman
Sennilega erum við að verða sammála, okkur deilir bara á um hvenær "rétti" tíminn er
-haffi
Sælir
Eitt sem fer samt í taugarnar á mér við núverandi vef er að ef maður er að skrifa grein sem maður vill aðeins spá í áður en maður birtir hana og tekur sinn tíma (kanski 30 min) þá kemur upp einhver villa þegar maður ýtir á send og maður þarf að skrá sig inn aftur, en það virkar ekki og endar með því að textinn hverfur.
Þetta sem ég skrifaði áðan var svar við því sem SkuliH skrifaði undir fyrirsögnini "Vöruþróunnarvinna".Jæja næsta svar:
Sæll dagaffiÉg fylgist nokkuð vel með hérna, en ég sá það hvergi koma fram að þeir sem eru að undirbúa þessa síðu vildu ekki að nýja síðan yrði skoðuð, fyrr en eik birti slóðina hér.
Hvers vegna er verið að skamma hann fyrir að birta slóðina hér? Ég hefði sennilega birt hana stuttu síðar (var einmitt farin að velta því fyrir mér hvort hægt væri að sjá hana hér einhversstaðar) og ekki hefði mig grunað að það væri ekki æskilegt að birta slóðina og auðvelt hefði nú verið að finna hana…
Ef að þú hefur séð það sem ég hef verið að skrifa varðandi þróunn á nýju síðunni þá veistu að ég hef verið (og er) mjög þolinmóður í alla staði og einungis hvatt menn til að vera rólega.
Kveðja
Izeman
Sæll dagaffi
Enn og aftur er ég að senda greinar án þess að lesa þær nýjustu
Þetta er sennilega alveg að hafast hjá okkur með skoðanaskiptin.Nú ætla ég að hægja aðeins á mér og sjá hvernig viðbrögð verða.
Kveðja
Izeman
Þetta er ekki bara grín með þessa síðu. Ef hún verður í drasli mjög lengi hætta menn að nenna að skoða hana, ég veit um nokkra sem eru búnir að skipta henni út sem upphafssíðu og er það slæmt. Hefði náttúrulega átt að klára nýja síðu alveg áður en hún var sett í lftið. Hins vegar sé ég eeki nema gott eitt um það að skoða nýju síðuna á vinnuferlinu, bara ekki gefa aðgang inn á spjall og fleira.
En um nýju síðuna, þá er hún hjá mér allavega alveg jafn slow og sú gamla. Er með örbylgju sem er yfirleitt hraðari en ADSL. Svo er síðan að mínu mati hræðilega ljót. Look frá öndverðri síðustu öld, og uppsetningin eitthvað dularfull. Einmitt allt skemmtilega dótið falið neðst. "Hrikaleg mistök"
Er samt bara jákvæður þessa stundina, þó ég sé ekki á fjöllum þessa helgina…(
kveðja
Pétur B Gíslason
Anonymous- Umræður: 0
- Svör: 16404
Sælir notendur
Ég er svolítið hissa á þessari vefsíðu og þá sérstaklega á þeirri nýju. Ef nýja skyldi kalla, þarna er um einhverjar útlitsbreytingar og smáræðis hagræðingar að ræða, sýnist mér.
Hér finnst mér menn vera að reyna að finna upp hjólið og púsla saman einhverju gömlu dóti, í stað þess að færa vefinn yfir í þau flottu vefforrit sem til eru í dag og kosta lítið, jafnvel ekkert.
Sjálfur rek ég vefsíðu með um 1000 meðlimum, spjallkerfi og myndagallerí með yfir 3000 myndir og umsagnakerfi.
Ég þykist því aðeins þekkja svona samfélagsvefi, og mér sýnist á öllu að þessi sé á rangri leið.
En ég óska ykkur samt alls hins besta.
Það er eitthvað skrýtið að gerast með DNS-mál fyrir síðuna.
Það virðist vera að breytast dns fyrir f4x4.is úr 157.157.138.44
í
82.221.55.134sem virkar alls ekki fyrir síðuna!!
Sú fyrri er hjá simnet.is, og hún virðist virka núna, en sú seinni er hjá skrín á Akureyri, en sú tala virkar alls ekki eins og er allavega.
Ég er hjá hive og varð var við það fyrr í kvöld, að annar nafnaþjónninn þeirra var með réttu töluna, en hinn með ranga, en núna um miðnætti virtist þetta breytast í að báðir voru með ranga tölu. Ég kíkti á fleiri nafnaþjóna hér innanlands og þeir virðast allir vera búnir að læra ranga tölu, þannig að væntanlega komast fáir inn í augnablikinu (vonandi sér samt þetta einhver sem hefur með málið að gera !)
Arnór
You must be logged in to reply to this topic.