This topic contains 5 replies, has 1 voice, and was last updated by 
-
Topic
-
Anonymousfinnst engum öðrum en mér skrítið hvað 4x4klúbburinn hefur „hopað“ síðustu ár? hvað segja mennirnir sem komu klúbbnum á lappirnar og eru menn nr. R-1-10. þarf ekki að fara að gera eithvað, núverandi menn eru að gera eithvað skelfilega vitlaust, því að áhugi minnkar hjá þeim sem eru virkilega að ferðast! þetta er orðinn klúbbur fyrir lítið reynda menn sem reyna að kenna algerum byrjendum! mér finnst meira en lítið að þegar aðal gæjarnir eru hættir að láta heyra í sér?! er það ekki? mennirnir sem stofnuðu þennann klúbb? ég giska á að ca 75-85% af þeim sem sækja klúbbin og hans uppákomur séu nýliðar(hafa ferðast á fjöllum að vetrarlagi í 1-2 ár mest). er þetta ekki skref í vitlausa átt? hvar eru allir þeir sem fóru á Hvannadaldhnjúk? hvar eru þeir sem virkilega eru að ferðast? (ekki bara þeir sem setja flestar myndir inn á vefinn) hvað er að gerast? er ég einn eftir hér?
-
Replies
-
Anonymous- Umræður: 0
- Svör: 16404
Siggi, ef félagsnúmerið þitt væri lægra myndi ég draga þá ályktun að þú værir að stjórnanst of mikið af nostalgíu og þyrftir að sætta þig við að hlutirnir þróuðust. En það er náttúrulega alltaf gott að stoppa og spyrja hvort við séum á réttri leið.
Klúbbstarfið hefur örugglega breyst heilmikið frá þeim tíma þegar félagafjöldinn var talinn í örfáum hundruðum, aðal bílarnir voru amerískir og mixaðir og gamli Hilux á 35? rétt að koma fram. Félagsmönnum hefur fjölgað mikið síðan og þeim á örugglega enn eftir að fjölga og (eðlilega) er fjölgunin að stórum hluta nýliðar eða menn sem hafa stutta reynslu af vetrarferðum. Er það ekki bara hið besta mál? Það gerir nýliðastarfið kannski svolítið meira áberandi, en það þýðir ekki að ekkert annað sé að gerast í klúbbnum. Að vísu fór veðráttan frekar illa með 4. ferða helgina hjá okkur síðast (og svosem allan veturinn ef út í það er farið). En að því slepptu er heilmargt að gerast. Kannski kominn tími á nýja stórbaslferð a la Krapi 2000 (eða 100 bíla ferðin yfir Sprengisand svo við tökum samanburð frá upphafsárum)
Hvað varðar stofnfélagana, þá veit ég af allavega nokkrum sem eru virkir í starfi klúbbsins eða mæta reglulega á félagsfundi, meðan aðrir hafa dregið sig í hlé. Engu að síður er fullt af fólki virkt innan klúbbsins sem ferðast mikið og er með langa reynslu í sportinu.
Kv – Skúli
Ég tek undir það með Skúla að það er kominn tími á aðra stórferð, enda passlega langt síðan "krapi 2000" var farin og flestir trúlega búnir að jafna sig eftir hana.
Ekki er ég á því að starfið innan 4×4 sé eitthvað minna eða verra en það hefur verið undanfarin ár, en sumarið hefur nú altaf verið rólegasti tímin í starfinu.
Hlynur
ég tek líka undir með Skúla hér að ofan, en er ekki viss um að þau ár sem ég hef ferðast á "jeppa" um hálendið mest á sumrin þó sé rétt að kalla "sport", er þetta ekki frekar "líffstíll" eða "ferðamáti" einn af mörgum möguleikum, held að "sportferðamenska" sé ekki rétt að nota eða hvað ?
kveðja
Jon
Anonymous- Umræður: 0
- Svör: 16404
Já það má vera rétt hjá þér Jón að ?sport? sé ekki rétta orðið, stundum að vísu talað um jeppasport, fjallasport, sumir halda því fram að þetta sé jafnvel mótorsport, en auðvitað alveg rétt að þetta er lífsstíll.
Kv – Skúli
Ágætu félagar
Auðvitað er eðlilegt að ýmislegt breytist í tímanna rás, einnig hlýtur svo að vera með félagsskap eins og Ferðaklúbbinn 4×4.
á sínum tíma var Ferðaklúbburinn stofnaður sem hagsmunasamtök þeirra, sem stunduðu ferðalög um hálendið á eigin vegum.
Öflug barátta félaga Ferðaklúbbsins á sínum tíma fyrir að fá leyfi fyrir breytingum á jeppum til að þeir hentuðu til ferðalaga bar þann árangur, sem sjá má á bílum í dag og er grundvöllur þess að menn hafa leyfi til að aka á breyttum bílum í dag.
Þessi barátta var ekki fyrirhafnarlaus en skilaði gífurlegum árangri.Að sjálfsögðu hafa margir frumkvöðlar Ferðaklúbbsins breytt lífsmunstri sínu og hætt ferðalögum, en því miður er það svo, að stór hópur þeirra, sem en stundar ferðalög finnur sig ekki lengur í þessum félagsskap, sem virðist því miður leggja mikla áherslu á að sinna þeim, sem nýrri eru í félaginu, en sinnir minna þeim, sem eldri eru í félaginu, en halda þó tryggð við það með greiðslu félagsgjalda.
Skora ég hér með, ásamt félögum mínum, á nýja stjórn ferðaklúbbsins 4×4 að halda a.m.k. 1 eða 2 fundi í vetur, þar sem eldri félagar gætu fundið eitthvað við sitt hæfi
Félagskveðjur
Ólafur Ólafsson
R-199
You must be logged in to reply to this topic.