This topic contains 10 replies, has 1 voice, and was last updated by 
-
Topic
-
sælir félagar, nú er maður í smá klípu, eitthvað er að Datsuninum en ekkert finnst að og mér langar að spyrja ykkur snillingana um álit og kannski líka hvað er helst að brotna í þessum bílum. Málið er að það smellur af og til í framhásingunni (mér finnst hljóðið berast þaðan) og myndast greinileg þvingun að mér finnst þegar hljóðið kemur, ég athugaði fyrst driflokurnar en báðar virtust vera heilar, ég er með manual lokur ekki þessar auto, þannig að þá var að tékka á drifinu og ég reyndar er ekki búinn að rífa köggulinn úr en ég tappaði olíunni af drifinu og ekkert brot kom niður og ég þreifaði kambinn allann hringinn og ekkert að finna af honum svo náði ég líka að þreifa um það bil hálft mismunadrifið og ekkert fann ég að því heldur, ekkert svarf í olíunni eða neitt, núna á ég eftir að skoða millikassann en ég hef takmarkaða trú á því að hann sé málið vegna þess að ég finn höggið ekki upp í drifstöngina í bílnum, krossarnir og dragliðurinn eru í lagi í skaftinu og og og ……. jæja ég held að allar upplýsingar séu komnar um þetta undarlega mál en endilega ekki liggja á skoðunum ykkar, þetta þarf að laga og helst í gær…. þoli ekki að vera á biluðum bíl…
kv. Axel Sig…
-
Replies
-
Gæti þetta nokkuð verið í hjöruliðunum úti við hjól
Ef þú ert með Superwinch driflokur skaltu skoða þær betur – hjólið sem læsir þeim springur gjarnan og þá fara þær að höggva svona en það er ekki víst að þetta sjáist nema að skoða þetta vel. Hef reynslu af þessu drasli – þarf að fara að fá mér sterkari lokur.
Anonymous- Umræður: 0
- Svör: 16404
sæll muffin
Ég lenti í svipuð um daginn. það komu smellir við átök en ekki í venjulegum akstri(í 4×4),mér var sagt að þetta væri ónýt loka, tók hana í sundur og fanst ekkert vera að henni, en allt kom fyrir ekki þetta hélt áfram, keypti nýja lokur og allt var komið í fína lag. skoðaði lokuna síðan betur þá var smá slit á fillunum fremst og virðist það hafa verið nóg til þess að orsaka þessa smelli. þú ættir að skoða þetta vel áður en annað er gert.
kv gretar
já mig grunaði helvítis lokurnar að þær væru að svíkja og var búinn að heyra af svipuðum hlutum en þá varpa ég fram annari spurningu.. Ég hef heyrt af því að menn hafi látið smíða svokallaðar bjargir, þ.e. fasta hringi sem eru skrúfaðir á í staðinn fyrir lokurnar þannig að bíllinn sé stöðugt í "lokunum" … hver smíðar svona hringi … vitiði það ???
Ég myndi tala við Magga felgubreikkara á höfðanum. Annars er líka hægt að kaupa heavy duty lokur og ættu þær að halda betur – ég er allavega í þeim hugleiðingum.
Anonymous- Umræður: 0
- Svör: 16404
Sæll.
Það er pottþétt farinn öxulliður hjá þér!
Ég er ekki í 4×4 klúbbnum en gef samt ráð á þessum ágæta fría vef.
Spurning hvort þú takir bara mark á félagsmönnum.
En þér er alveg óhætt að rífa öxlana úr og athuga hvor er þvingaður því kúlugjörðin springur.
Kveðja Jón
Þetta eru lokurnar sem eru að svíkja þig ekki spurning. Ég er búinn að lenda í þessu sjálfur og taldi jafnvel að millikassi væri að fara hjá mér því ég sá lítið sem ekki neitt á lokonum þegar ég reif þær í spað en höggin voru all rosaleg. Ég skipti um lokur fyrir rest og seldi bílinn en eftir mánuð var þetta byrjað aftur og núverandi eigandi sauð þær bara fastar og síðan hafa þessi högg ekki komið aftur.
Ég er búinn að vera að tala við renniverkstæði Ægis á Tunguhálsi og þeir hafa smiðað þessa föstu flangsa og hef ég huxað mér að splæsa í eitt sett þegar þeir verða tilbúnir hjá þeim.
Hlynur R2208
Anonymous- Umræður: 0
- Svör: 16404
Þetta eru lokurnar. Með tímanum slitna þær í áframátaki og hlaupa yfir á tönn .Taktu hægri lokuna og settu hana vinstramegin og öfugt, þá fer lokan að hlaupa yfir í aftur á bak átaki. Með þessu geturðu gengið úr skugga um hvort lokan er að svíkja.
vorum að slást við svona hljóð í patról ekki fyrir laungu driflokur hjöruliðir fram drif alt þetta var grandskoðað hljóðið reyndist vera keðjan í millikassanum sem var orðin slök og hljóp á tönnum ótrúlega lúmskt hljóð fengum keðju á ljónsstöðum fyrir mjög sanngjarnan prís og nú er allt í himnalagi.
kveðja agnar
takk strákar, ég skoða lokurnar betur og reyndar ætla ég að tala við þá í ægi með bjargirnar í staðinn fyrir lokurnar, ég get grandskoðað framdrifið fljótlega þegar ég set læsinguna í þannig að ég get tékkað á því, einnig gaman að heyra þetta með keðjuna í millikassanum… nú hlýt ég að finna hvað er að….
kv. Axel Sig…
You must be logged in to reply to this topic.