Hústrukkanefnd stofnuð

Góðan dag

Þetta er áhugaverð hugmynd að stofna stjórnskipaða nefnd um ákveðna gerð af bílum. Maður hlýtur að ætla að nefndin sé sett á fót með fyrirvara um samþykki aðalfundar. Í 9. grein í lögum klúbbsins kemur skýrt fram hvaða nefndir eru á vegum klúbbsins og í 10. grein er stjórn gefin kostur á að skipa stjórnskipaðar nefndir "til ákveðins tíma til að vinna að verkefni eða verkefnum er tengjast starfsemi félagsins."

Ekki get ég séð að verkefni nefndar um ferðalög "hústrukka" og eigenda þeirra sé tímabundið og varla heldur að það sé verkefni sem tengist starfsemi klúbbsins, eða amk er það á gráu svæði.

Nú vill ég ekki reyna að vera leiðinlegi gaurinn … en það gilda lög um klúbbinn og rétt að reyna að fara eftir þeim, eða leggja fram breytingartillögu á aðalfundi.

Einnig má benda á að eigendur annarra tegunda jeppa/bíla hafa fundið farvegi fyrir sinn áhuga án þess að formleg nefnd sé stofnuð um það á vegum stjórnar.

Besta kveðja,
Óli

Takk fyrir hlýleg orð í okkar garð Ofsi.
Við munum að sjálfsögðu starfa í anda klúbbsins og reyna að laða nýja félaga sem munu efla klúbbinn með bros á vör.

Nú þegar eru margir nýir félagar að bætast við svo við skulum ekki hrekja þá í burtu með einhverju neikvæðu spjalli sem hefur því miður verið of algengt hér.
Enda eru þetta félagsmenn sem munu auka breidd í félagsstarfinu sem er af hinu góða.
Ég vil þakka stjórn 4×4 að taka svona vel á þessu.

Kveðja Trausti Kári Hansson

Sælir félagsmenn.

Mig langar að koma með stutta greiningu á hlutverki nefnda félagsins. Það er kannski að bera í bakkafullan lækinn að þylja þetta upp fyrir ykkur en hér kemur það nú samt. Í fastanefndarstörfum fellst að fara með helstu málefni tengd starfsemi klúbbsins. Ég les úr 9. greininni að starf fastanefnda sé að fara með helstu málefni tengd innri starfsemi félagsins. Þar á ég við þá starfsemi sem heldur félaginu saman og viðheldur eigum þess.

9. grein.
Innan félagsins og undir handleiðslu stjórnar starfa eftirfarandi fastanefndir sem fara með helstu málefni tengd starfsemi félagsins.
Fastanefndir eru: Fjarskiptanefnd, Hjálparsveit Ferðaklúbbsins 4×4, Litlanefndin, Vef og uppýsinganefnd, Skálanefnd, Tækninefnd og Umhverfisnefnd.

Stjórnskipaðar nefndir hafa sama hlutverki að gegna. Að auki verða þær að hafa fyrirfram ákveðinn tíma til að ljúka verkefni eða verkefnum sem tengjast starfsemi félagsins. Stjórn getur hvenær sem er lagt niður stjórnskipaða nefnd. Þetta þarf ekki að útskýra frekar.

10. grein.
Stjórn félagsins hefur heimild til að skipa stjórnskipaða nefndir til ákveðins tíma til að vinna að verkefni eða verkefnum er tengjast starfsemi félagsins. Skal stjórn skrifa sérstakt skipunarbréf þar sem fram kemur tilgangur nefndarinnar, nöfn nefndarmanna og hver starfstími nefndarinnar er. Stjórn getur hvenær sem er lagt niður stjórnskipaða nefnd.

Stjórnskipaðar nefndir eru: Ferðafrelsisnefnd, Ferlaráð, Húsnæðisnefnd, Ritnefnd og Skemmtinefnd.

Hér að ofan eru stjórnskipaðar nefndir sem eru búnar að lifa mis lengi. Engin þeirra hefur að mér sýnist fastmótaðan tíma til að klára sitt verkefni. Þessar nefndir eru eins og sjá má ekki samkvæmt lögum félagsins. Einhver verður því að bera fram breitingu á lögum um að gera allar eða sumar stjórnskipaðar nefndir að fastanefndum og leggja hinar niður eða endurnýja. Þessar nefndir eru ekki til þess fallnar að vera tímabundið verkefni.

Þá er það ákvörðun stjórnar að stofna nýja nefnd sem yrði stjórnskipuð nefnd. “Hústrukkanefnd.” Hér er hópur félagsmanna með sitt ákveðna áhugamál. Ég sé ekki að sér áhugamál nokkurra félagsmanna falli undir lög um nefndir.

Sú hugmynd hefur verið rædd innan vefnefndar í langan tíma að stofna “flokk” sem svipar til möguleika nefnda og deilda, að eiga samskipti í myndum og máli. Fyrsta hugmynd var hjá okkur að kalla flokkinn “Hópar.” Hústrukkar gæti orðið fyrsti hópurinn þar inn. Síðan kæmu fleirri hópar með önnur áhugaefni.

Það er mikilvægt fyrir félagið að hafa allt innra skipulag í föstu formi og nákvæmlega eftir lögum þess. Ef það er ekki gert en öllu hrært saman fer allt kerfið að ryðlast og upp koma ósætti milli manna. Með nýrri og endurbættri vefsíðu er þetta léttur leikur og verður vonandi öllum til ánægju.
Ég tel það ábyrgðarhluti sem vefnefndarmanni að taka þátt í orðnum gjörningi og kem ekki til að koma nálægt neinu sem varðar þessa svo kölluðu stjórnskipuðu Hústrukkanefnd.

Kv. SBS.

Allar starfandi nefndir hafa gilt skipunarbréf bæði fastanefndir og stjórnskipaðar. Allar fastanefndir fá ný skipunarbréf fljótlega eftir aðalfund sem og stjórnskipaðar nefndir. Skipunarbréfin gilda venjulega starfsárið. Í skipunarbréfinu geta nefndarmenn lesið t.d. hvert hlutverk nefndarinnar er.
Í annari grein laga klúbbsins sem fjallar um markmið klúbbsins stendur meðal annars „að ná til sem flestra sem áhuga hafa á ferðalögum um landið á fjórhjóladrifsbifreiðum“ og engin frekari greining á því hvort þeir séu litlir eða stórir. Þessi nýja nefnd fjallatrukka fellur því mjög vel að þessu markmiði klúbbsins.

ÓE, ritari stjórnar

Í tíundu greininni er stjórn heimilað að skipa nefnd um hvaðeina sem hún telur að verði starfsemi félagsins til framdráttar. Hvergi er tíundað í greininni hvað það er og skilgreinir stjórn það því augljóslega sjálf. Telji hún að skipun nefndar til að vinna að málefnum hústrukka sé félaginu til eflingar er ekkert því til fyrirstöðu í lögum félagsins að gera svo. Vilji einhver hnekkja þessari ákvörðun stjórnar er þá hægurinn á að bera fram vantraust á hana á aðalfundi sem haldinn verður innan skamms. En rétturinn er ljóslega hennar.

Sæll Óskar.
Mér þykir dapurt að standa í þessum leiðindar stælum. Ef opna á fyrir að geta stofnað nefnd fyrir einstaka áhugamál einstaklinga í klúbbnum þá sæki ég hér með um að fá að stofna Ljósmyndaáhugamannanefnd og líka Chevynefnd. Ég vil fá svar hjá stjórn hér á þessu spjalli um það mál.
Síðan koma allir hinir með sínar bíltegundir, einka áhugamál og svo allar ferðafélaganefndirnar. Það er ekki með nokkru mót hægt að neita þessum félagsmönnum um að stofna nefnd. Hvað verður þá um fastanefndir? Líklega hverfa þær í aragrúa nefnda og verða marklausar. Þessar ákvörðun eru illa ígrunduð og gera klúbbinn að elliheimili.

Kv.SBS.

Djöfulsins tuðara er hér á ferð. Talandi um að klúbburinn verði að elliheimili. Miða við skrifinn hér að ofan þá hljóm þau alveg eins og á öllum elliheimilum. Tuð og bögg.
Þessi klúbbur fer ekki með kjarna vopn eða önnur hættuleg efni, við eru flest áhuga fólk um ferða mensku hélt ég. En annað hefur komið á daginn. VIÐ ERUM ÁHUGA FÓLK UM TUÐ OG BÖGG.

Kv Eyþór R 397.

Um þetta má hef ég ekki meira að segja. menn geta mokað flórinn yfir mig mér er sama og vanur.
En þetta er óþolandi umræða yfir flottu framtaki Fjallatrukkanefnd.

Við ættum klárlega að fagna því að það er búið að stofna nefnd sem horfir meira á sumarferðir og ferðir fjórhjóladrifna húsbíla. Þetta er nefninlega nefnd um [b:dbv31xji]ferðamáta[/b:dbv31xji] en ekki ákveðnar tegundir af bílum, ferðamáti sem hefur sumpart verið misskilinn og sumir í þjóðfélaginu líta hornauga á.
Eitthvað sem félagsmenn 4×4 ættu nú heldur betur að kannast við!

Ástæðan fyrir stjórnskipun á svona nefnd er einföld, við gefum henni "séns". Ef vel gefst til á næstu misserum verður hún væntanlega gerð að fastanefnd á þarnæsta aðalfundi.

Kannski eitthvað af fyrrum (og núverandi!) félögum 4×4 snúi aftur til starfa í klúbbnum á nýju áhugasviði, því ég veit vel að eitthvað af fyrrum jeppaeigendum eiga núna fjórhjóladrifs húsbíla og ferðast um á þeim, mest í sumarferðum, en sumir þó í vetraferðum, á sínum 44" econoline eða Astro eða hvaða önnur tegund sem fellur að þessari skilgreiningu um "hústrukk".

Nú veit ég ekki hversu margir muna eftir stofnun litlunefndar á sínum tíma, en hún var hálfgerð þrautaganga, og einhvernveginn er alltaf hægt að gera nýjar nefndir (og gamlar reyndar líka) að einhverju þrætuepli.
Hugmyndin er ekki að vera með fastskipað stjórnsýslukerfi þar sem allt hefur sinn sérstaka tilgang og hlutverk, óháð því hvort náist að sinna upprunalegu hlutverki, heldur einmitt að hugmyndir fái að blómstra óháð því hvort þær falli alveg að regluverki hvers tíma, lög og reglur eru ágætar þegar þær sinna hlutverki sínu en þegar þær eru farnar að hamla breytingum og framþróun, þá er eitthvað að reglunum!

Það er kannski ekkert skrítið að menn haldi annars staðar til á vefnum til að tjá sig um jeppa, enda virðast flestir þræðir, því miður, þurfa að breytast í einhverskonar rökræður um tilvistarleyfi. Mig langar stundum að pósta inn vandamálum sem ég lendi í, en ég nenni því ekki. Ég nenni ekki að þurfa endalaust að verja afhverju ég stofnaði þráðinn, afhverju það eru stafsetningarvillur eða jafnvel "leyndar auglýsingar" í póstinum.

Reynum nú að vera glöð, fögnum tilkomu nýrrar nefndar sem horfir á ákveðinn ferðamáta og reynum að halda klúbbnum frá því að breytast í einhverskonar skrifræðisskrýmsli, við erum nefninlega vel fær um það!

Klárlega lögmæt athugasemd af þinni hálfu.
Persónulega hef ég aldrei spáð of mikið í þessu, en mögulega þarf að breyta lögum klúbbsins til að ýmsar nefndir, þar á meðal húsnefnd, skemmtinefnd og fleiri stjórnskipaðar nefndir geti starfað samkvæmt lögunum. Tæplega vilja menn leggja þær niður bara til þess að samræmast lögum klúbbsins.

Þetta þarf að skoða, og ég get vel hugsað mér að bera fram eða taka þátt í að bera fram lagabreytingartillögu á þarnæsta aðalfundi klúbbsins þar sem einmitt þessi mál verða leyst.

Getum við breytt nafninu í Hústrukkaráð sbr. stjórnlagaráð er þetta þá löglegt??

Hlakka til að sjá sem flesta í Þórsmörk um nk. hvítasunnu á hinum ýmsu gerðum af "hústrukkum"

kv. Jónas