Húsnæði

sælir

Maður skítur ekki niður hugmyndir með því að ræða allar hliðar þess. Ég einfaldlega listaði upp hluti sem munu koma upp í svona verkefni. Mér fannst óþarfi að endurskrifa það jákvæða þar sem það var nú þegar skrifað. Enda byrjaði mitt komment á ,,góð hugmynd“ en ……

Við getum ekki rætt um svona verkefni nema skoða allar hliðar þess. Jákvæðar og hinar sem eru leiðinlegar.

nota bene við eigum bílskúrsplásss í Setrinu

kv Gunnar

Sælir

Það er á svona hugmyndum sem klúbburinn er til, ef menn hugsa neikvætt um hugmyndir manna þá væri klúbburinn ekki til, ekkert Setur, engar deildir og engir breittir bílar.
Menn eiga að ræða hluti á uppbyggilegan hátt en ekki neikvæðan. Það hrindir frá og engin nýliðun verður.
Varðandi landsbyggðina þá nýtist svona aðstaða vel ef eitthvað kemur fyrir hjá mönnum í borginni, þá geta menn leitað í aðstöðu sem þessa og félagsmenn á staðnum sem geta reddað manni.

Svo nafni, góð hugmynd hjá þér og mættu fleiri vera svona frjóir í hugmyndum. Þó þær næðu ekki brautargengi þá má alveg ræða þær á jákvæðan og uppbyggilegan hátt.

Baráttu kveðja Hjörtur A Óskarsson

@hjörtur_M wrote:

Setti inn þráð á jeppaspjallið til að sjá hvernig þetta leggst í menn sem eru mögulega utan klúbbsins, einnig er jeppaspjallið aðeins virkara þannig það kemur vonandi eitthvað feedback þar líka.
Vona það sé í lagi að taka svona mál á þá síðu.

Frábært framtak,
Það er um að gera að víkka sjóndeildarhringinn í svona málum.
Þú spurðir um það fyrr á þessum þræði (svo ég geri nú ekki eins og HHG)

„er f4x4 ekki bara orðin meiri ferðaklúbbur en jeppaklúbbur?“

Klúbburinn heitir jú FERÐA-klúbburinn 4×4.

En þess ber að geta að til þess að geta ferðast þurfa félagarnir að hafa fjórhjóladrifsbíl í lagi.
Hvort það sé vandamál klúbbsins er hins vegar álitamál.

Sæl.

Mér finnst menn gleyma einu í umræðunni það er fyrir hvað stendur Ferðaklúbburinn 4×4. Ef menn lesa lög félagsins þá stendur þar skýrum stöfum:
Lög Ferðaklúbbsins 4×4
I.
kafli
Nafn félagsins og tilgangur
1.
grein
Félagið heitir Ferðaklúbburinn 4×4 og hefur aðsetur í Reykjavík. Ferðaklúbburinn 4×4 er samtök um ábyrga ferðamennsku á hálendi Íslands og búnað fjórhjóladrifsbifreiða.

Ég er ekki að gera lítið úr hugmyndinni en þegar menn koma með hugmyndir þá hljóta menn að skilja að það eru ekki allir sammála. Við höfum alltaf gott af að hugmyndir séu ræddar því eins og við vitum þá eru alltaf tvær hliðar á öllum málum. Það hafa allir rétt á að segja sína skoðun á málinu. Mín skoðun er sú að Ferðaklúbburinn eigi að einbeyta sér að því að standa vörð um málefni jeppamanna og að við fáum að aka þessum breyttu bifreiðum.
Verkstæðisaðstaða er eitthvað sem hefur mörgum sinnum komið upp á yfirborðið og er ekki ný af nálinni. Það sem er vandamálið við viðgerðaraðstöðu sem klúbburinn ætti og myndi leigja félagsmönnum, skamma þá ef þeir ganga illa um, refsa þeim sem gera ekki rétt, finna út hver stal verkfærum og margt fl. er eitthvað sem félagið á ekki að vera með á sinni könnu.
Í dag hefur stjórn og nefndir félagsin í nó að snúast bara við að halda ökuleiðum og stórum hluta hálendisins opnum. Td. er nýlega búið að koma upp á yfirborðið umræða um að allir sem fari á hálendið þurfi að fara á námskeið og taka síðan próf sem gæfi þeim passa sem þeir myndu geta notað til að far inn á hálendið. Ferðalýsingu þyrfti að senda á Umhverfisstofnun sem síðan myndi fylgjast með ferðum viðkomandi á hálendinu í gegnum pósta em væru fyrirkomnir á ákveðnum stöðum og viðkomandi þyrfti að stinga kortinu í til að sýna hvar hann væri. Ef við hefðum ekki Ferðaklúbbinn og þá aðila sem gefa sér tíma til að vinna í þessum málum með stuðningi þeirra sem greiða félagsgjöld þá værum við í slæmum málum.
Ég held að spurning sé frekar að klúbburinn ræði við þann aðila sem er með fyrirtækið í Hafnarfirði og kanna hvort við fáum ekki einhver sérkjör á aðstöðu fyrir greidda félagsmenn. Athugið þetta erbara mín skoðun og hún er ekki endilega sú rétta. endilega gefið kommennt á þetta. Þetta er góð umræða og gaman að heyra hvað það er sem menn vilja að klúbburinn standi fyrir. Kanski er kominn tími til að stofna annan klúbb sem væri þá meira rekinn sem fyrirtæki, með starfmenn á fullum launum og fl. Persónulega held ég að ekki sé hægt að krefjast þess að þeir sem eru að vinna (frýtt) fyrir klúbbinn leggi meira á sig.

kveðja
Sveinbjörn

Það er gaman að sjá þessa frjóu umræðu hérna ini, „reminds me of the old times“. Mig langar að tæpa á nokkrum atriðum hér. Fyrst, þessi umræða með nýja félaga. Það er ekki langt síðan ég kom inn í klúbbinn, byrjaði á að sækja um félagsaðild og fá aðgang að heimasíðunni og fór að skrifa um hitt og þetta sem verið var að ræða á spjallinu. Fór svo að mæta á opin hús niðri í gömlu félagsaðstöðu í Mörkinni, hitti þar fyrir fullt af fólki sem ég hafði aldrei séð áður og fyrstu kallarnir sem ég tók tali þar voru Stebbi Baldvins og MHN, kallar sem mér fannst forvitnilegir og við nánari kynni hinir bestu félagar. Fór í stikuferð haustið 2007 og kynntist þar félögum sem ég held enn kynnum við. Þetta vatt síðan upp á sig, ég fór að taka fleiri tali, fór á aðalfund, kom mér í Umhverfisnefndina, var þar í eitt ár en fann mig ekki þar og kom mér inn í Skálanefndina þar sem ég er enn og hef enn gaman af því starfi. Í gegnum þetta starf allt saman hef ég síðan kynnst fullt af góðu og skemmtilegu fólki, staðið í uppbyggingu í Setrinu, tekið þátt í baráttunni gegn náttúruverndarlögunum og fullt af öðrum hlutum sem of langt yrði að telja upp hér. En grunnlínan sem ég er að reyna að koma að hér er þessi! Þú getur ætlast til þess að það sé tekið vel á móti þér þegar þú kemur á opin hús og átt alveg hiklaust rétt á því. En það er alveg klárt að þar eru fyrir menn sem jafnvel eru búnir að þekkjast lengi og spjalla lengi saman og þekkjast. Jafnvel ferðast saman um lengri eða skemmri tíma. Það er ekki víst að það sé öllum létt að koma inn í slíkan hóp en ef þú sest niður og ferð að spjalla við menn þá er ég viss um að þér verður vel tekið. Þú verður dálítið að leggja það á þig að brjóta ísinn sjálfur, þetta gerði ég á sínum tíma og þetta geta aðrir gert. Ég var sem sagt ekki mataður þegar ég lét sjá mig þarna í fyrsta skiftið, ég þurfti sjálfur að hafa fyrir því að ná mér í matinn og hér er ég í dag, tek þátt í innra starfi klúbbsins og er mjög sáttur með það og þekki orðið slatta af mönnum sem tilbúnir eru að ferðast með mér.
Ég minntist hér áðan á náttúruverndarlögin. Það hefur á undanförnum árum staðið yfir hörð barátta fyrir ferðafrelsi okkar Íslendinga. Þetta hefur verið meiri vinna en nokkur sá sem ekki hefur nálægt komið getur gert sér grein fyrir. Hámarkinu náði baráttan með baráttunni gegn náttúruverndarlögum Svandísar Svavarsdóttur þar sem allt var undir. Og við skulum gera okkur grein fyrir því að hefði sú barátta tapast illilega væri úti um jeppasportið okkar að miklu leyti. Klúbburinn lagði mikla fjármuni í þessa baráttu og þó svo að nú hafi aðeins dregið niður í baráttunni þá er henni langt frá því að vera lokið. Og ég tel víst að klúbburinn eigi eftir að þurfa að setja stóra peninga í þessa baráttu í framtíðinni. Ég borga glaður mín félagsgjöld, vitandi það að ekki aðeins fæ ég þau til baka í formi áfslátta heldur veit ég að þau fara líka í þessa baráttu klúbbsins. Þessu verða menn að gera sér grein fyrir. Það sem ég er að reyna að koma orðum að hérna er að allt innra starf klúbbsins hefur liðið fyrir þessa baráttu og það að taka á móti nýjum félögum hefur því miður setið á hakanum. Allir starfskraftar stjórnar og að stórum hluta nefndarmanna líka hafa farið í þessa baráttu. Þetta er virkilega leitt og klúbburinn líður fyrir þetta. Við verðum því að sýna þolinmæði og vona að þessari baráttu ljúki sem fyrst og á sem ásættanlegastan máta fyrir okkur alla. Að öðrum kosti er úti um okkar jeppasport.
Hér í upphafi þráðarins kom hugmynd frá félagsmanni um húsnæði. Mér hefur fundist menn óþarflega viðkvæmir þegar þeir tala um að skjóta niður nýjar humyndir. Það er svona eins og allt sé rifið niður sem nýtt kemur frá ungum mönnum. Mér finnst það ekki vera svo. Hér hefur verið bent á bæði jákvæðar og neikvæðar hliðar þessa máls. Mér persónulega finnst grunnhugmyndin góð. En eftir að hafa starfað á fimmta ár í umsýslu Setursins þá veit ég því miður neikvæðu hliðarnar á því hvernig menn ganga um húsnæði sem þeir eiga ekki sjálfir. Það verður að segjast eins og er að umgengnin er ekki alltaf til fyrirmyndar. Það er að minnsta kosti undarlegt þegar menn geta komið með varahluti með sér og gert við í Setrinu að þeir geti þá ekki tekið með sér ónýtu hlutina með sér í bæinn aftur. Það er einfaldlega ætlast til að Skálanefndin hirði þetta upp og fargi þessu. Það eru ófá kerruhlössin af drasli sem skilið hefur verið eftir við skálann sem við höfum fjarlægt á þeim tíma sem liðinn er frá því að við tókum við umsýslu skálans fyrir rúmlega fjórum árum. Þetta er ég hræddur um að yrði raunin með það húsnæði sem um hefur verið rætt hér og að það mundi kosta fastan eftirlitsmann að reka svona húsnæði. Því miður, allt of margir menn hafa bara ekki þroska til að umgangast svona húsnæði þó svo að aðrir hafi það. Ég man eftir viðgerðaraðstöðu sem komið var upp á einni sendibílastöð hér í bæ á sínum tíma. Þetta sannaðist rækileg þar og ég held því miður að það mundi gera það líka hér. Þannig að ég held að hversu góð sem þessi hugmynd er og já, hún er virkilega góðra gjalda verð, þá sé þetta því miður ekki framkvæmanlegt þrátt fyrir allt.
Ætla ekki að hafa þetta lengra að sinni. L.M.

Sæl.

Á fyrsta félagsfundi vetrarins gáfu nokkrir nýjir félagar sig fram til þess að taka að sér svokallaða Ungliðanefd klúbbsins, ástæða þessa nafns er ekki vegna þess að þar eigi bara að vera ungt fólk heldur aðilar sem eru nýjir í klúbbnum. ásýnum tíma tóku nokkir félagsmenn sig til og stofnuðu ungliðanefnd og að mig minnir var Bæring (varamaður í stjórn) einn af þeim aðilum. Nefndin stóð fyrir nokkrum hittingum og ferðum sem að sögn þeirra sem fóru, voru meiriháttar skemmtilegar. Að sjálfsögðu er stjórn klúbbsins tilbúin til að aðstoða og hjálpa til við alla uppbyggingu, spurning hvernig hún á að fara framm. Þessi hugmynd er í raun mjög góð og á alveg heima hér og í raun eigum við að skoða hana, því spurningin er bara hvernig er mögulegt að útfæra hana, þá er ég að meina hvernig getur klúbburinn hjálpað til. Sennilegast fæst ekki samþykki að klúbburinn kaupi aðstöðu sjálfur (ekki frekar en að klúbburinn hafnaði því að kaupa aðstöðu þar sem félagsmenn utan af landi gætu notað sem svefnaðstöðu þegar þeir kæmu í bæinn), en aðkoma hans eða aðstoð er eitthvað sem hægt er að skoða, spurning hvernig???? Hvernig væri að stofna nefnd eða fá einhverja góða aðila til að skoða þessi mál af alvöru og koma með einhverja góða hugmynd sem hægt væri að ræða?? Koma með útreikninga og hvernig ætti að útfæra hlutina.
Ég er alveg til í að tala við aðila og skoða með þeim einhverja möguleika varðandi leigu á húsnæði, en sá möguleiki væri á þá vegu að húsnæðið væri ekki á ábyrgð klúbbsins heldur einstaklinga. Ef rétt er þá gæti það verið möguleiki að menn skráðu sig fyrir húnæðinu. Bara hugmynd.

Kveðja
Sveinbjörn

Þetta er vel mælt hjá Bæring.
Ég þekki t.d. aðstöðu björgunarsveitanna á Austulandi nokkuð vel og hef gist í nokkrum þeirra vegna björgunaraðgerða, æfinga og funda.
Yfirleitt er gistingin ekki annað en dýnur sem er raðað á gólf fundarsalarins en það er alveg nóg fyrir samhentan hóp.

(sá sem hrýtur mekið var auðvetað annaðhvort settur inn á skrefstofu eða fram í anddyre!)