Hurðalæsingar í Pajero ’05

Sælir,

það gekk ágætlega að taka þetta í sundur. Nokkuð ljóst þegar maður byrjar. Tappar neðst, tvær skrúfur aftast á klæðningunni (er aftari hurð hægra megin). Svo er umgjörðinni í kringum hurðaopnarann smellt af, fyrst af ofanverðu þar sem hann er stærri (eða með spöng) að neðanverðu. Einnig er ‘armpúðanum’ (púðinn þar sem maður leggur höndina á fyrir aftan handfangið) einnig smellt af og er þar skrúfa.

En þegar ég var búinn að rífa þetta og taka mótorinn úr, þá varð ég hissa. Þetta kvikindi blasti við mér:

[attachment=1:3eckq4tb]120_3593_saman.JPG[/attachment:3eckq4tb]

Engar voru skrúfurnar til að taka þetta í sundur, armurinn fastur og þrátt fyrir að hafa reynt að þvinga þetta ‘léttilega’ í sundur með skrúfjárni þá ákvað ég að bíða til morguns og ath hvað þetta ‘einnota’ dót kostar, varla getur það verið mikið.

Ég hringdi í Stillingu sem sagði mér að ég fengi þetta bara nýtt í umboðinu, og það komu svitaperlur á ennið við þessi tíðindi.

Hringdi í Heklu, jú þetta er til. Það þarf að kaupa alla læsinguna með! "Og hvað kostar það?" spyr maður. "ja, þetta gera 64454".

Ekki er ég nú alveg til í að borga 65 þús kall fyrir svona einnota dót. Þannig að hringt var í partasölur, einhver átti þetta og var verðið 50% af verði umboðs eins og oft tíðkast. Einn var með 10 þús ef þetta passaði úr gömlum montero.
´
Ég ákvað að opna þetta. Skellti á þetta hitabyssu og hitaði samskeytin nokkuð vel, tók svo léttan hamar og nett skrúfjárn og lamdi létt á milli samskeytanna og náði að opna dósina (sem greinilega er vel límd saman). Þá blasti þetta við:

[attachment=0:3eckq4tb]120_3598_sundur.JPG[/attachment:3eckq4tb]

Ég tók mótorinn úr, hreinsaði af honum mesta ryðið og losaði um öxulinn. Lét wd40 vaða í gegnum hann á meðan ég lét hann snúast fram og tilbaka (tengdi við samlæsinguna) og sá hann verða hreinan og hljóðlausan.

Þegar allt var búið að snúast vel og lengi og leit vel út, þá makaði ég vel af vaselíni yfir allan mótorinn þreif hjólin og smurði. Setti svo ‘dash’ af grettistaki á annan flötinn og skellti þessu svo saman. Setti þvingur á þetta í góðan tíma og skrúfaði svo dótið í.

Er búinn að opna/loka svona 100 sinnum síðan og allt heldur ennþá. Það verður gaman að sjá hvað þessi ‘viðgerð’ endist lengi.

Vonandi getur einhver nýtt sér þessar upplýsingar.

kv, Bjarni