This topic contains 6 replies, has 1 voice, and was last updated by 
-
Topic
-
Sælir félagar.
Mig langar til að starta smá umræðu um það hvað við Reykvíkingar ættum að gera varðandi stóra (fjölmenna) ferð í vetur. Í ljósi þess hve vel hefur til tekist sl. ár, eru flestir á því að við ættum að halda áfram að skipuleggja sambærilega ferð í vetur. Þá er bara spurningin hvert á að fara, hvernig og hvenær (ath. flestar fjöldatakmarkanir skapast af gistiplássi á fjöllum).
Nú liggur fyrir að norðanmenn og austfirðingar ætla að koma suður Sprengisand (100 bíla ferð) fyrstu helgina í mars, gista í Nýjadal á leiðinni og halda knall (sameiginlegur kvöldmatur og kvöldvaka) í Mörkinni í stóra sal FÍ á laugardagskvöldinu. Reiknað er með að pláss verði fyrir 20-30 bíla að sunnan í þann túr.
Nú hefur þeirri hugmynd verið varpað fram, hvort við hér fyrir sunnan eigum að taka okkur til og bæta við bílum í þennan túr og búa til sannkallaða STÓRFERÐ í bæinn á laugardeginum með því að fara með allt að 150 bíla úr bænum á föstudeginum og stefna þeim á Hveravelli, í Kerlingarfjöll og í Setrið. Fara síðan snemma af stað á Laugardeginum, austur yfir Þjórsá á Sóleyjarhöfða og hitta norðanmenn á Kvíslaveituveginum og sameina hópana þaðan til Reykjavíkur (hugsanlega allt að 250 bíla samtals).
Hvað finnst mönnum? Er þetta of vitlaust til að skoða það í alvöru? Eigum við kannski að hafa „3ja ferða helgi“ eins og í fyrra, þá hugsanlega tveimur helgum eftir Sprengisandstúrinn?
Gaman væri að heyra hvað mönnum finnst.
Með ferðakveðju,
BÞV
-
Replies
-
Mjög góð hugmynd. Aðalmálið er að þeir sem fari séu á vel útbúnum bílum og geri sér grein fyrir að þeir sem ferðast á fjöllum þurfa að vera svolítið sjálfbjarga. 1-2 klst festa eru bara hressandi fyrir líkama og sál.
Anonymous- Umræður: 0
- Svör: 16404
Hugmyndin er ekki slæm. Þetta myndi enda sem stórferð (þ.e. m.v. bílafjölda) en er samt bara "nett" helgarferð (ekki 3ja daga). Persónulega ætla ég að taka þátt í ferð þessa helgi, hvort það verður uppá fjöll frá akureyri eða reykjavík. Mín tillaga er sú að taka þátt í ferð norðanmanna (svo framarlega að það sé velkomið) og síðan skipuleggja stórferð reykjavíkurklúbbsins og bjóða norðanmönnum að taka þátt í þeirri ferð.
Svo er bara að vona að þessari ótíð fari að ljúka og það bresti á með snjókomu.
kv.
Anonymous- Umræður: 0
- Svör: 16404
Sælir félagar
Nú þarf bara kvótalausa báta til að fara um hálendið.
Hvað um 235 bíla ferð á Snæfellsjökul. Skoða þennan
frábæra þjóðgarð undir stjón Siv Frið.
Björn Þorri býður henni farþegasætið og lóðsar okkur um.Ertu ekki til í þetta Björn ??
arny
Sæll arny og takk fyrir þessa uppástungu.
Að sjálfsögðu er ég til í að fara hvert sem er með jafn frambærilegan kóara og Sif. Ef Sif er til í jeppatúr, þá er ég til! Svo veit ég líka að þar sem hún hefur hellings vit á jeppum, þá þýðir ekkert að bjóða henni upp á annað en TOYOTA, enda spilar hún af skynsemi og stefnir sér og sínum málum ekki í óþarfa áhættu…
Annars bendi ég þér á fróðlegt erindi Einars Kjartans frá umhverfisnefnd á síðasta mánudagsfundi, þar sem hann tjáði okkur að þjóðgarðsvörðurinn í Snæfellsjökulsþjóðgarði sé ekkert að skipta sér af umferð fjórhjóladrifsbíla um jökulinn, enda ekki þótt hætta á að það yrði annarri umferð til trafala. Umhverfisnefndin er annars að hefja viðræður við hlutaðeigandi stjórnvöld um framtíðarskipan þessara mála ef og þegar aðrir jöklar verða gerðir að þjóðgörðum, enda telja jeppamenn fráleitt að styðjast í þeim efnum við þá reglusmíð sem gildir á Snæfellsjökli.
Annars stefnir nú allt í að staðið verði fyrir "fjögurra ferða helgi 15-17 mars og þá stefnt á ferðir á Grímsfjall, Hveravelli, Setrið og Árbúðum bætt við frá því sem var í fyrra, fyrir þá sem ekki nenna endilega í mjög sverann jeppatúr, en vilja komast á fallegt og áhugavert fjallasvæði.
Bið annars að heilsa Datsuninum!
BÞV
Ef það er verið að tala um stórferð verður að endurtaka eitthvað í líkingu Krapa 2000 sem var alveg gargandi snild og einn allra besti túr sem ég hef farið. Það fer bara að verða erfitt að finna leið sem er nægjanlega krefjandi fyrir svona alvöru túra ef skálapláss á að vera fyrir alla sem taka þátt. Hinnsvegar eru þessar 3-4 ferða ferðir ágætar en ég held að klúbburinn ætti að fara að athuga með að setja á eina stóra ferð sem væri svipuð Sprengisands eða Aldamótatúrnum svona á komandi árum. Það mætti svo alltaf bjóða Sif með ef svona ferð verður að veruleika aftur og skal ég glaður bjóða henni sæti í Datsun því annað jeppadót er nú ekki Ráðherra sæmandi…..
Með von um að allt verði komið á kaf þann 25/1…(þá meina ég snjó en ekki vatni)
Hlynur
Heill og sæll Hlynur.
Ég tek undir það að Krapi 2000 var með betri og eftirmynnilegri túrum sem ég hef farið. Reyndar held ég að þegar frá leið hafi flestir verið sammála um að þetta var frábær ferð, þrátt fyrir blendnar tilfinningar þarna fyrst á eftir, enda var þá mörgum ennþá illt í buddunni vegna smátjóna sem alltaf má gera ráð fyrir í svona sverum túrum.
Annars er "101 Reykjavík" þeirra norðan- og austanmanna sem verður fyrstu helgina í mars sannkölluð stórferð, jafnvel þótt stefnt sé að því að klára hana á tveimur dögum ef áætlanir standast. Ég veit að margir okkar sunnanmanna munu "skreppa í Setrið" og hitta þá á Kvíslaveituveginum þegar þeir koma.
Annars hef ég verið að velta því fyrir mér af hverju félagsmenn eru ekki duglegri við að skipuleggja 20-30 manna ferðir (12-15 bílar) á eigin vegum í marga mjög góða skála sem ég veit að margir hafa ekki komið í. Þar á ég t.d. við Þverbrekknamúla, Álkuskála, Skiptabakkaskála, Réttartorfu, Þeystareyki og Sultarfit. Heyrðu! hvernig væri annars að skreppa svona hring á 4-5 dögum og bæta þá Gæsavatnaskála inní á suðurleið???
Þetta yrði "alvörutúr", kannski með "Þjóðverjaóveðri" eins og þið Simmi fenguð sl. vetur á Vatnajökli(annars nenni ég engu olíuleysi…)… Hvenær viltu flauta þetta á???
Bara svona í restina; ef Sif kemur einhverntíma með okkur í náttúruskoðun, þá þarfur ekki að láta þig dreyma um að hún skælist upp í svona Datsun. Til þess er hún of mikil smekk manneskja!
Baráttukveðjur til Daddans!
BÞV
You must be logged in to reply to this topic.