Hugmyndabanki vegna nýrra heimasíðu

Við erum hér tveir félagar að ræða nýju heimasíðu 4X4, sem á að fara að smíða og fannst alveg tilvalið að setja í gang þráð, þar sem félagsmenn sem og aðrir gætu komið með hugmyndir um hvernig svona síða gæti litið út, hvað hún ætti að innihalda og þá möguleika sem hún gæti boðið upp á.

Til að setja þetta í gang eru hér fá einar hugmyndir:

Deildir sem staðsettar eru á landsbyggðinni hafa aðeins kvartað yfir því að lítið sé gert fyrir þær og að öll starfsemin sé í Reykjavík.

Það má bæta aðeins úr því með, Vefmyndavél, sem notuð yrði meðal annars að sýna beint frá mánudagsfundum klúbbsins s.s. að félagsmenn sem og aðrir gætu fylgst með þessum fundum á heimasíðunni þegar þeir eru í gangi.

Félagaskrá eða skrá yfir þá sem eru að skrifa og/eða setja myndir á vefinn. Þar kæmi aðeins fram, nafn, nickname og kannski félagsnúmer. Þessi hugmynd er sprottin af þeim vandræðum þegar maður þarf að leita að myndum eða skrifum einhvers aðila. Hverjum dytti í hug að Benidikt Magnússon hefði ?nickname-ið? hmm svo ég tali nú ekki um ditto. Þetta mundi auðvelda manni leit að því góða efni sem á vefnum okkar er. Þessi skrá gæti verið lokuð öðrum en félagsmönnum.

Tæknisíður ! Hérna á vefnum er mýgrútur af mjög fræðandi efni, tækniupplýsingum sem og ráðleggingum. Fyrir mig, Pajero mann, gæti verið gott að getað flett í gegnum Pajero-upplýsingar án þess að vera að veltast um Pjatrollu og Togaogíta þræði, með fullri virðingu fyrir þeim. Þegar einhver er að skrifa inn tækniupplýsingar t.d. Pajero þá merkja þeir við ?Konungur jeppana? eða skrifað er um Patrol merkja þeir við ?Pjatrollur? nei nei bara smá grín. Með þessu væri hægt að einangra efni við einhverja ákveðna bílategund.

Leitarvél sem hægt væri að nota til að leita að einöngruðu efni t.d. ?Pajero, 3tommu, púst? þráðum þar sem engöngu þetta efni er að finna.

Það eiga örugglega eftir að koma fleiri hugmyndir sem gætu nýst við þessa vinnu, kannski verður þetta algjört bull en það er þá bara allt í lagi.

Kv. vals og ditto