Hugmynd að GPS gagnabanka.

Þetta er ljómandi góð hugmynd – ég á allavega fullt af gögnum sem ég myndi glaður deila með hverjum sem vill.

Það er hins vegar spurning hvort að þeir sem hafa verið að selja þessi gögn á tölvutæku og prentuðu formi yrðu kátir með svona gagnabanka – en svo lengi sem að ekki er verið að setja gögn þeirra inn án leyfis þá ætti það varla að vera vandamál.

Kveðja
Benedikt

Já svona svipað, en þó meira líkt myndaalbúminu. Það er, skráin fer beint á netið, að uppfylltum skilyrðum.

ÓE

Fyrir 4 árum (eða jafnvel fyrr) var sett upp hér á f4x4.is síða undir GPS-punkta. Til að starta síðunni var boðið upp á nokkrar leiðir í upphafi og til stóð að félagsmenn sendu inn sína GPS punkta í stórum stíl.

Reyndin varð hins vegar sú að engir punktar hafa borist fyrir utan þá sem startað var með. Nokkur áróður var rekinn á sínum tíma fyrir því að félagsmenn sendu inn punkta í gagnagrunninn, nú síðast á félagsfundi vorið 2003 – en allt án árangurs.

Slóðin inn á undirsíðuna er þessi: {https://old.f4x4.is/gps/}
Slóðin á innsndingu punkta er: {https://old.f4x4.is/tengsl/sendagps.html}

Ég fagna þessum nýkomna áhuga og hvet ykkur og alla aðra notendur síðunnar til að senda inn GPS-punkta!

Kveðjur,
Vefstjóri

Smelltu á GPS hér á stikunni í hausnum og svo GPS grunnur þar til hægri. Þá sérðu það sem þarna er til sem er svosem ekki mikið að vöxtum en eitthvað þó.

Annars hefur umhverfisnefndin staðið fyrir mikilli söfnun á ferlum sem þó hefur miðaðst alfarið við ferla sem fylgja slóðum. Það hefur verið rætt um að gera þetta ferlasafn aðgengilegt á vefnum, en eitthvað eftir að vinna í því. Þessi ferlun hefur þó skilað þeim ávinningi að mikið af slóðum eru nú komnar á kort (hálendiskort M&M).

Kv – Skúli

Kæri vefstjóri. Varðandi að senda inn gögn á GPS vef 4×4, þá er ekki tekið við gögnum úr OZI sem þó er vísað í á GPS síðunni sjálfri, ekki er heldur tekið við gögnum úr Mapsource.
Til að svona banki geti öðlast vinsældir held ég að viðmótið verði að vera á þann mátann að allir geti séð skrárnar um leið og þær hafa verið settar inn og ekki væri verra að vísað væri í nýjustu skrárnar á forsíðunni.
Það er ekki hægt að ætlast til að ábyrgðarmenn síðunnar séu að vinna til snið á skrám eða fikta við þær á annan hátt því það kostar of mikla vinnu og eykur ábyrgð þeirra á innihaldinu.
Þó að ekki nema brot af þeim leiðum, punktum og ferlum sem til eru í fórum íslenskra jeppamanna yrðu aðgengilegar á einum stað (þá er ég ekki bara að tala um hálendið)myndi það auka ánægju og öryggi okkar allra.

Skúli, er hægt að komast í þessi gögn sem þú ert að tala um?

Kveðja Aðalsteinn.

Ég er þér sammála Óskar. Ég breytti örlitlu á síðu sem ég held úti í fikti um daginn til að geta gert þetta.
Það mætti jafnvel breyta kóða til að gera það forrit sem ég er með þar þannig úr garði að það vinni með þessi gögn eingöngu. Og til að hugsa upphátt þá er örugglega til eitthvað sem hentar enn betur. Það sem er mér hindrun er fávísi mín þegar kemur að gagnagrunnum eins og mysql.

Aðalsteinn.
Linkur á [url=http://that.is/jeppaklubbur:yigtry4r]Stormsveitina[/url:yigtry4r].
Skoðið nýjar myndir og GPS.

Sælir allir saman,

Ég fagna og þakka skyndilega áhuga á GPS-vef síðunnar!

Fyrst GPS-skráin (í 4ár) hefur nú borist og verið sett upp. Meira af slíku framtaki!

GPS-síðan er að sjálfsögðu barn síns tíma. Var verulega gott framtak á sínum tíma en hefur ekki þróast í tímans rás þar sem áhugi félagsmanna á að senda inn GPS-skrár var akkúrat enginn, þrátt fyrir að innsending skráa væri höfð eins auðveld og hægt væri.

Ég ítreka það sennilega aldrei nógu oft að f4x4.is síðan byggist algjörlega á virkri þátttöku þeirra sem fara inn á síðuna. Gott dæmi um virka þátttöku er vefspjallið, myndaalbúmið og auglýsingar. Til að GPS-síðan geti staðið undir nafni þá þarf álíka áhugi að vera til staðar.

Það er afar auðvelt að byggja núverandi gagnagrunn áfram og taka tillit til þeirra breytinga sem orðið hafa síðan þá (t.d. Ozi-Explorer og Mapsource skrár). Eins er auðvelt að bæta við fleiri upplýsingum.

Við sem sjáum um síðuna vorum og erum mjög áfram um að þróa áfram GPS-gagnagrunninn hér á síðunni. En aðalatriðið er að þið, góðir félagsmenn, sendið inn ykkar GPS skrár til birtingar í GPS-gagnagrunninum. Það dugar ekki að nöldra í sífellu og krefjast alls af öðrum ? þið verðið að standa ykkur sjálfir og senda inn skrár.

Semsagt: Til að við getum þróað GPS-punktasafn hér á síðunni þá þarf eftirfarandi:

-> Sendið okkur GPS-punkta með skýringartexta ? slóðin er: https://old.f4x4.is/tengsl/sendagps.html.

-> Haldið áfram að ræða hér á þessum þræði um hvað þið munduð vilja sjá á GPS-grunninn. Við viljum endilega fá fram ykkar óskir og hugmyndir þannig að síðan verði sem aðgengilegust á allan hátt og svari óskum sem flestra.

Með baráttukveðju!
Vefstjóri

Frábært framtak Aðalsteinn og vönduð vinnubrögð. Nú er um að gera fyrir fólk að setja öll þau GPS gögn sem það vill deila með okkur hinum þarna inn.

Þetta ætti jafnframt að vera hvatning Vefstjóra að dusta rykið af GPS síðunni okkar bretta upp ermar og reyna að koma meira lífi í tuskurnar. Svona gagnvirkt gagnasafn á tvímælalaust heima á f4x4 síðunni.

ÓE