hross og utanvegaakstur

Þetta er orðið að stóru vandamáli að umgangast hestamenn svo þeim líki . Hef heyrt ljótar sögur af frekju og yfirgangi hestamanna , sérstaklega gegn hjólafólki .
Sem meðlimur í mörgum akstursíþróttafélögum og klúbbum og fyrrverandi hestamaður get ég metið stöðuna út frá því .
‘A Akureyri til að mynda er bæjarstjórn búin að velta á undan sér að úthluta svæði til að stunda akstursíþróttir að einhverju viti í meira en 20 ár .
‘A þeim, tíma hefur átt sér stað gríðarleg uppbygging í aðstöðu hestamanna og ber að nefna reiðstíga mælt í tugum kílómetra á svæðinu , myndarlega hesthúsaaðstöðu, nú er að rísa stór reiðhöll , hagar og hólf út um allt .
Þessir sömu hestamenn og eru að fá þvílíka bómullarmeðferð hjá bæjar apparatinu eru núna með mótmæli við akstursíþróttasvæði sem átti að rísa í hlíðunum neðarlega í Hlíðarfjalli , fjarri aðstöðu hestamanna .
Samt telja þeir að þetta svæði trufli ástundun hestamennsku og telja jafnvel öryggi þeirra ógnað .
Þetta þýðir að allt er stopp núna á meðan hestamenn eru að rýna í hlutina , gera nákvæmar hávaðamælingar osfrv. og eru í leiðinni að tefja fyrir mjög þörfu málefni í þágu bæði ökukennslu og ástundunar akstursíþrótta .
Þetta heitir á ‘islensku , ofstopa frekja og yfirgangur .
Landsspjöll eru víða um landið eftir rekstur stóða . Má nefna ljótt traðk á stóru svæði á landmannaleið , á Fjallabaki nyrðra , í Nýjadal , við Þeystareyki ,og svo má lengi telja .
‘Eg get ekki heldur séð neina fegurð stafa frá þessum ósnertanlegu reiðvegum sem þræða sig um landið .
‘I minni sveit voru hestarnir vandir við venjuleg umhverfishljóð og það haft sem hluti af tamningunni .
‘I dag , má ekki heyrast í nokkru tæki nálægt þessum taugaveikluðu ofvermduðu borgarbykkjum , þá telja hestamenn öryggi sínu ógnað .
Svona hestar fóru beint í "tunnuna" og lokið fest vel á hér í denn .
Eitt verð ég að nefna að lokum sem lýsir hestamönnum nútímans .
Tveir vélhjólamenn voru á ferð og voru að mæta stóðrekstri við ristahlið .
Að sjálfsögðu sýndu hjólamennirnir tillitsemi og stöðvuðu vélarnar á meðan reksturinn fór hjá .
En viti menn . Þetta dugði ekki hestamönnunum , Nú skyldu hjólin vera dreigin út fyrir veiginn , fram af háum kanti til að borgarbykkjurnar sæju þau ekki og fældust ekki við hjólin sem var búið að drepa á .
Er þarna ekki of langt gengið ?
Það verður að stöðva þennan óþolandi yfirgang hestamanna og blása til sóknar .
Það eru svo ótal mörg tilvik sem heyrst hafa um þetta hestafólk og þeirra yfirgang að varla er ástæða til að rekja það frekar .
Ef menn vita um fleiri dæmi , endilega skrifa grein .
Kveðja, Brjóturinn.

ég verð því miður að taka undir þetta, ég segi því miður því þetta þarf ekki að vera svona. En þetta er alveg rétt það er mjög erfitt að gera mörgum hestamönnum til geðs hvað þetta varðar, sem betur fer er það þó ekki öllum. Ég þvælist mikið á hálendis vegum t.d. Kili og Kaldadal og hef alloft lent á eftir stóðrekstri. Að sjálfsögðu sýnir maður tillitsemi og bíður rólegur meðan stóðið er rekið af veginum, já af akveginum sem er fyrir bíla en ekki hesta eftir því sem ég best veit. Sumir eru fljótir að bregðast við og færa sig strax eða gefa merki um að aka megi meðfram stóðinu. En öðrum stendur nokkuð á sama um akandi umferð á veginum og finnst hún bara geta beðið. Ég lenti á eftir rekstri á Kaldadal um daginn og eftir drjúga stund spurði ég aftasta mann hvort mér væri óhætt að læðast meðfram stóðinu, viðbrögðin: "hva ertu að flýta þér eitthvað". nei nei ég var svosem ekkert að flýta mér en var þó í vinnu og með tímaplan þurfti nokkurn vegin að standa, "þú getur bara verið rólegur við höfum fullan rétt á að vera hérna, andskotans frekja alltaf í ykkur". Mér var skapi næst að röra tíkina framúr öllu saman en vildi ekki búa til vandræði sérstaklega þar sem þarna voru börn ríðandi með stóðinu. Það liðu ca 10 mín þangað til ég komst framúr og sá sem fór fremstur fyrir stóðinu stoppaði mig og þakkaði tillitsemina, jákvætt en mér fannst samt frekjan liggja annarstaðar en hjá mér í þessu tilfelli þar sem þetta er jú akvegur. fólk er eins misjafnt og það er margt bæði hestamenn og aðrir….
Góða helgi.

Eitt innskot við skrif Valgeirs.
Einn félagi minn sem lifir á því að temja hesta, hefu þá reglu, að ALLA hesta sem hann temur, hvort sem er í styttri eða lengri tíma, "teymir" hann hrossin á fjórhjóli nokkra Km til þess að venja þau við vélhjólahávaða.
Þeta er auðvitað snilldin ein og eykur öryggi eigenda hesta töluvert, sérstaklega þar sem "hávaða"-farartækjum hefur fjölgað til muna síðustu ár ss. hippar og sport-bíla og enduróhjól .

Annars þarf nú ekki meira en reiðhjól til þess að fæla mörg "borgarhrossin"

Þar sem ég bý í skagafirði er mikið um hestamenn og það sem ég hef séð til þeirra eru þeir flest allrir tilitsamir. Það er alltaf einn og einn sem sýnir ekki tilitsemi en ef heildinn er skoðuð þá eru þetta ágætis menn og sýna mikla tilitsemi.