Hremmingar fjallamanna

Sælir

Pungaprófið kostar hjá mér 70.000 og það er ekkert þar sem nýtist á fjöllum að undanskyldu notkun áttavita og korta (engin skyndihjálp, vélfræði né notkun gps á þessu námskeiði sem ég er á)

Ég skal taka undir það að það kemur ekkert námskeið eða einhverskonar lesning í staðinn fyrir reynslu. En maður er margfalt fljótari að öðlast reynslu ef maður hefur þekkingu á hlutunum.

En ég get hiklaust fullyrt að það væru færri alvarleg slys á hálendinu ef svona upplýsingar lægju fyrir handa byrjendum. Einskonar skyldulesning áður en farið er á fjöll í fyrsta sinn.

Þetta félag er aðallega hagsmunasamtök jeppafólks og ég sé enga mikilvægari hagsmuni en að koma heil heim eftir ferð á hálendið.

Siggias þetta er rétt hjá þér að maður á að sýna sjálfsbjargarviðleitni varðandi það að afla sér upplýsinga. Það er nákvæmlega það sem er í gangi hérna, mig vantar upplýsingar og er að reyna að afla þeirra. Ef þessar upplýsingar liggja fyrir á góðum stað þá má endilega benda mér á það.

Þótt maður sé kominn með einhverja reynslu af fjallaferðum þá veit ég að það er gríðarmargt sem maður á ólært. Þótt ég sé mjög gjarn á að læra bara af eigin mistökum þá er ágætt að eiga möguleikan á hinu 😉

Þetta lítur vel út hjá litludeildini, þessar upplýsingar sem komnar eru þar. Endilega, allir sem luma á fræðsluefni sem nýtist, að senda til litludeildar.

Kveðja
Arnór

Innlent | mbl.is | 21.4.2006 | 19:44
Jeppaferðalangar heilir á húfi
Að sögn lögreglu hefur náðst samband við mennina sem voru á jeppaferðalagi á Vatnajökli. Allt var í góðu lagi hjá þeim og hefur aðgerðum því verið hætt. Mennirnir voru á ferð frá Jökulheimum við Vatnajökul og ætluðu að Grímsfjöllum en urðu að snúa frá á miðri leið vegna veðurs og færðar. Ættingjar þeirra höfðu samband við lögreglu á Hvolsvelli sem leitaði liðsinnis Slysavarnafélagsins Landsbjargar.

voru víst einbíla á leiðinni upp en voru í sambandi við einhverja sem eru á fjallinu

"Betra af stað farið en heima setið" var það víst!!
eða það fynnst mér..
kv:Kalli ekkialltafmeðalltáhreinu

þetta með það að sett verði höft eða kröfur, því hefur verið varpað fram áður. Og datt mönnum þá í hug t.d að menn fengju ekki að fara inn á hálendið ( til skylgreint ) að vetrarlagi, nema að vera með einhver X réttindi og útbúnað. að sumu leiti er þetta ekkert út úr kortinu. T.d ætti enginn að fara á jökul nema vera með fjarskiptaútbúnar og siglingartæki, svona í það minnsta.

Það er ekki nóg að hafa tækin í bílnum… það þarf að kunna á þau. Margoft hef ég lent í því að spyrja menn hvort þeir séu með VHF í bílnum, svarið já, og kanntu á hana? já já. ok ég heyri þá bara í þér á eftir á endurvarpa, við sennilega náum ekki á milli á beinni rás…. Endurvarpi … bein rás… bíddu … Menn hafa ekki hugmynd um hvað þetta allt er og kunna ekkert að nota tækin. Sömu sögu er að segja um GPS, langfæstir kunna að færa á milli staðsetningu úr GPS yfir á landakort… lengdar og breiddargráða… bíddu geri ég ekki bara trackback eða eitthvað ef ég ætla að komast tilbaka?? og hvað ef svo minnið er fullt í tækin og tækið byrjar að stroka út elsta hlutann af leiðinni ??? hvað þá … Það eru bara allt of fáir sem kunna á tækin í bílnum sínum, því miður… höfum réttindi á fjöll en gefum mönnum ekki réttindi fyrr en þeir hafa staðist GPS próf og fjarskiptapróf…

vona að menn taki ekki of illa í þessi skrif.

Kv. Axel Sig…