Hráolía lækkar í verði

Viðskipti | AFP | 25.3.2010 | 07:14
Hráolía lækkar í verði

Verð á hráolíu lækkaði í rafrænum viðskiptum í Asíu í nótt og morgun en í gær var greint frá því að hráolíubirgðir höfðu aukist mun meira í Bandaríkjunum heldur spáð hafði verið. Höfðu þær aukist um 7,2 milljónir tunna en sérfræðingar höfðu spáð því að aukningin næmi 1,7 milljónum tunna.

Verð á hráolíu til afhendingar í maí lækkaði um 1,30 dali tunnan í gærkvöldi á Nymex markaðnum í New York og í morgun hefur hún lækkað um 20 sent og er 80,41 dalur tunnan.

Í Lundúnum hefur verð á Brent Norðursjávarolíu lækkað um 24 sent og er 79,38 dalir tunnan.

Tekið af mbl.is