This topic contains 13 replies, has 1 voice, and was last updated by 
-
Topic
-
Hraðamælirinn hjá mér sýnir of mikið fyrir komandi breytingaskoðun og því þarf að bregðast við. Þetta er toy hilux ’91 með barkamæli. Ég á líka varahlutahræ sem er með rafmagnsmæli þannig að ég get notað hvort sem er, bara eftir því hvort er þægilegra. Nota menn gírdrif beint á úttakið og þá skiptir væntanlega engu máli hvort það er barkamælir eða rafmagnsmælir, eða eru til einhverjar einfaldar stilliapparöt sem sett eru á þráðinn í rafmagnsmælinum? Hver er ca kostnaðurinn við þetta og hvar fást þessi apparöt?
Núna sýnir mælirinn 16% of mikið á 33″ með 4:88 hlutföll, en bíllinn er samt á leiðinni á 35″Fyrirfram þakkir, Elli
-
Replies
-
þetta er til í Arctic trucks og kostar ekki mikið ! en ef þú ætlar að nota rafmagnið þá kosta hraðamælabreytinn eitthvern 20þús.
Samrás á líka til hraðamælabreyta fyrir rafstýrðan skynjara.
Svo fæst hitt hjá ökumælum minnir mig, AT og sjálfsagt einhverjum fleiri.
kkv, Úlfr
Ég hringdi í samrás og þeir eiga til græju fyrir rafmagnsmæli á 13 þúsund + vsk.
Ég hringdi líka í ökumæla og þeir eiga gírdrifið á einhvern 26 þúsund kall minnir mig, mér fannst það svo mikið að ég hálfpartinn hætti að hlusta á kallinn….
Ökumælakarlinn sagði líka að það væri ekki hægt að skipta úr barkamæli og í rafmagnsmæli nema að skipta um millikassann líka, ég einhvernveignn sló því föstu að það væri hægt að taka bara barkaflánsinn af og setja rafmagnsskynjarann í staðinn, hvernig er það? Bíllinn sem þetta fer í er með barka í dag en ég á annað hræ með rafmagnsmæli sem ég gæti skipt. Ágætis tímakaup held ég miðað við kostnað á breytum. Hafa menn skipt úr barka og í rafmagn og notað sama millikassa?
Ef mig misminnir ekki, þá áttu að geta skipt á milli. Ég man amk ekki betur en að til hafi verið spes "kit" til að breyta barka mæli yfir í rafmagns og öfugt.
Ef þú gerir það þarftu hinsvegar að skipta út mælaborðinu…
Einfaldara væri sjálfsagt að beygja sig og kaupa barkadótið. En, tja, við erum Íslendingar, erum við ekki meistarar í að fara fjallabaksleiðir í öllu 😀
kkv, Úlfr
Ég kvíði ekki nokkru við að skrúfa nokkrar skrúfur í mælaborðinu, ég kom saab kílómetramæli í corollu eitt sinn og þetta mælaborð er með snúingshraðamæli úr dísel landcruiser 70. Þetta er meira að segja vel framkvæmanlegt svo sama kílómetratala verði áfram, og smá snúruvinna er heldur ekki vandamál. Ég tel bara aurana
Það er líka fáránlegt ef til þess er hugsað hjá toyotaköllunum, að hafa sitthvorn millikassann hvort sem það er barki eða vír, þetta hlýtur bara að vera eins!
Röfl er þetta í manni
Anonymous- Umræður: 0
- Svör: 16404
Einn auka-fídus við Samrásarlausnina er að þú getur stillt inn tvær stærðir af dekkjum og svissað á milli með einum takka. Ég setti svona í Galloper-fjósið mitt, sem er reyndar með rafmagnsmæli original, og það var ekkert mál að tengja.
Ég geri ráð fyrir að þú þurfir í mesta lagi að rífa öftustu sneiðina af millikassanum til að skipta gírnum út fyrir rafmagns-pikkupp (púlsateljara). [b:1bdqsrqr]ATH: Þessi tilgáta er þó sett fram án þess að ég hafi átt við akkúrat þessa breytingu sjálfur ![/b:1bdqsrqr]
Ef það heppnast ertu með miklu skemmtilegri lausn en barkadótið.Skoðaðu bara rafmagns-vædda millikassann vel áður en þú verslar breytinn af Gulla…það er líka ekki útilokað að hann viti hvort það er mikið mál að græja þessa breytingu.
kkv
Grímur
Sæll Elli
Ég er með kassa úr bíl með rafmagnsmæli sem að ég setti í bíl með barkamæli, og ákvað ég að halda barka systeminu. það eina sem að ég þurfti að gera var að skrúfa hraðamælisdrifið úr barkakassanum í rafmagnskassan, passaði á milli án vandræða.
Þannig að ég myndi halda að það ætti að duga skrúfa rafmagnshraðamæladrifið í barkakassan og skipta svo um mælaborð.
kv Hilmar
Ég þakka góð svör
Þá þarf ég bara að smella þessu í bílinn hjá mér og bruna svo til Reykjavíks og ná mér í svona græju.Kv. Elli
Það er nú hægt að breyta þessu með tippex penna. Ekkert vandamál bara að taka gps tækið með sér einn rúnt og sjá hvar tölurnar eiga að vera.
En til að fá að nota þráðinn aðeins veit einhver hvort er mikill munur á milli bílaframleiðanda hve marga púlsa rafmagns hraðaskynjarinn gefur út af sér. Er með hilux kassa sem er með barka núna en væri hægt að skipta yfir í rafmagns sendi úr toyotu. En vandamálið er mælaborðið það er úr 97 árgerð af chevy blazer sem er með rafmagns mæli.
Svo spurningin er sú hvort þetta gæti mögulega einhvernveginn gengið saman?Kveðja Finnnur
Efast um að skoðunarmenn sætti sig við að breyta þessu bara með tippex penna, kílómetrateljarinn telur vitlaust eftir sem áður, auk þess sem baklýsingin fer í vitleysu.
En með mixið hjá þér, þá veit ég ekki hvort það gangi upp. Ef maður flettir truspeed á td ebay, þá sér maður að það eru til 3 gerðir. Gerð 1 er fyrir toyota og gerð 3 er fyrir gmc/chevy. Þegar ég setti saab mótor í corollu um árið þá fékk ég ekkert vit í það hraðamælamix, það endaði með því að ég mixaði saab mælinn í mælaborðið á corollunni.
En ég þekki þetta ekki nóg til að segja af eða á.
Hvað má muna mörgum prósentum til eða frá í breytingaskoðun?
Ég var að skrúfa 35" undir og nú sýnir mælirinn bara uþb 8% of mikið en var uþb 16% á 33". Mig grunaði ekki að það væri svona mikill munur…
Ég er búinn að finna út hvernig þetta verður mixað ekkert voðalegt mál en með tippexpennan þá er ég búinn að láta reyna á það og það var allt í góðu. Það eina sem skiptir máli er að hraðamælirinn sé réttur en auðvitað telur km mælirinn ekki rétt á eftir en mér var nú alveg sama um það. Það má geta þess að áður var skekkjan 40 %.
[quote="ElliOfur":23krgwyz]Hvað má muna mörgum prósentum til eða frá í breytingaskoðun?
Ég var að skrúfa 35" undir og nú sýnir mælirinn bara uþb 8% of mikið en var uþb 16% á 33". Mig grunaði ekki að það væri svona mikill munur…[/quote:23krgwyz]Skekkjan má vera 10% yfir og 4% undir réttum hraða
You must be logged in to reply to this topic.