Hólaskógur 20 mars 2004

Sælir félagar

Ég náði í kóarann minn úr sundferðinni Gísla Ófeigsson, en hann er á Patról 35" og er frúin með og sonurinn sem einnig var með á sundnámskeiðinu og fékk hann bestu einkun.

Hópurinn hittist á Esso á höfðanum í morgun og lagt var af stað kl. 9:00.

Fóru frá Fossnesti á Selfossi kl. 10:00.

Núna er hópurinn okkar í Árnesi að tanka upp, þegar er einn Patrol dottin út, var skilinn eftir á Litlu Kaffistofunni enn fólkið fór yfir í næsta bíl, ekki verið að gefast upp.

Þeir hittu vini okkar úr "stóru deildinni" gelgjurnar í Árnesi og voru þeir að fara í Setrið, þar mátti sjá Einar Sólons og fl. góða menn sendum við þeim kveðjur okkar.
Farið varlega í ám og vötnum :-0.

meira síðar Guðmundur (gundur)

Sælir félagar

Var í sambandi við Gísla Ófeigsson enn hann er síðasti bíll í hópnum okkar, þeir eru einir þrír fjórir með VHF og eru það fyrstu þveir og svo Gísli síðastur, hann safnar upp.

Þeir komu í Hólaskóg kl. 11:30 og síðan var haldið áfram línuveginn, framhjá Sigöldu á leið inn í Landmannalaugar, veðrið var frábært sól og heiður himinn, enn frostlaust sem getur verið slæmt upp á krapann.

Þegar ég talaði við hann þá var Jepp Ranglerinn hans Andra orðinn framdrifslaus alla vegna átti hann í erfiðleikum með að koma honum í drifið. Það er nógur snjór enn krapi inn á milli enn þeir geta ennþá kræt fyrir hann.

meira síðar

gundur

Sælir félagar

Ég var að fá fréttir af hópnum okkar, allt hefur gengið vel, það er mikill snjór þau náðu öll inn í Landmannalaugar enn fóru ekki Dómadalinn eins og skipulagt var vegna krapa. Þau fóru efrileiðina eins og áður hefur komið fram.

Hópurinn hafði dreyft enn þegar síðast fréttist voru 5 bílar komnir í Hólaskóg og var von á hinum fljótlega.

kveðja gundur

Sælir félagar

Núna er verið að grilla í Hólaskógi, allt hefur gengið vel og allir mjög ánægðir með ferðina sem af er.
Allir eru komnir í hús eftir förina í dag í Landmannalaugar enn það var um -3 gráður þarna um kl. 19:00 þannig að færi hefur verið hið besta.

Verið var að undirbúa gítarinn þannig að söngur og gleði á eftir að hljóma í Hólaskógi hjá "Litludeildinni" okkar fram á nótt.

gundur

Sæll Tryggvi

Ég er jafnt og þú í bænum og var að enda við að borða Kentucky, ég skoðaði myndirnar af sumarhúsinu á hjólum, góður, enn vantar ekki heitan pott? Það eru allir komnir með svoleiðis við sumarhúsin.

kveðja gundur

Sælir félagar

Núna er kominn nýr dag líka í Hólaskógi og fólk að koma sér á lappir og pakka saman, því nú er heimfarar dagurinn, ég sagði Gísla frá slysinu á Vatnajökli sem ég las um hér á síðunni enn þau virtust ekki vera búin að heyra um þetta. Við vonum að úr því sem komið er á jöklinum gangi nú allt vel og menn komist til síns heima.

Reynað var með að okkar hópur héldi áætlun í dag, sjá hér að ofan enn það verðu þó að koma í ljós.

gundur

Sælir félagar

Núna eru bílanir að koma í bæinn, slúttuðu formlega í Árnesi og eru núna í kringum Selfoss.

Allir mjög ánægðir með ferðina og allt gekk að óskum, breyttu að eins út af áætlun fóru, frá Hólaskógi, Gljúfurleit, Sulfatanglón, Stöng, Þjóðveldisbærinn, Árnes, Selfoss og í bæinn.

Velkomin heim úr fyrstu ferð "Litludeildarinnar" þar sem allt gekk upp og allir komust heim.

næstbesti fréttaritari síðunnar kveður.

gundur