höfuðrofi

Hiklaust á jörðina. Sérstaklega ef þú ætlar að hafa rofan inni í bíl, því annars ert þú með grilljón amper á plús vír sem hefur ekkert öryggi ef einangrun vírsins skefst af einhversstaðar á leiðinni td við skarpar brúnir eða í götum, þar sem hann næði í jörð og allt færi fjandans til. Ef þú setur hann á mínus þá er hættan nánast engin á bruna frá köplunum.

Ég geri ráð fyrir að þú viljir geta rofið straum frá geyminum þannig að allur bíllinn verði straumlaus. Þá skiptir í teoríunni engu máli hvort þú rýfur plús- eða mínusmegin, straumrásin rofnar í báðum tilfellunum.
Þú verður bara að gæta þess að hafa rofann nægilega öflugan því að startstraumurinn getur orðið helv.. mikill, ég giska á að 250 amper sé varlega reiknað. Rofinn þarf að þola gott betur svo hægt sé að treysta á hann. Einnig flækist málið ef þú ert með tvo rafgeyma því að þú þarft að rjúfa leiðslur að þeim báðum til að gera bílinn straumlausan.

Ég hygg að þetta sé oft leyst með því að hafa sveru startaraleiðsluna áfram tengda beint á plúspól geymisins (geymanna), en láta höfuðrofann virka á allt hitt draslið. Þá þarf ekki eins hrikalegan rofa, en hann verður að vera plúsmegin því þú getur ekki skilið að mínuspól á startara frá öllum hinum mínuspólunum sem fara í vélarblokk og boddýið.

Ef þú heldur þig við stóra rofann í mínuspólnum þarftu ennfremur að gæta þess að hafa "vírana" að honum a.m.k. jafn svera og þá sem liggja úr geymi niður í startarann og hafa þá sem allra stysta til að verði ekki allt of mikið spennufall í þeim.

Sem sagt allt er hægt en mismunandi praktískt.

Kv.

Wolf

Sammála því að það er ekkert sem mælir gegn því að taka – pólinn frá geymi og inn í bíl með viðkomu í rofa. Á hinn bóginn er heldur ekkert sem kemur í veg fyrir að maður setji "grilljón" ampera öryggi á + (við geymi) og taki hann svo inn í bíl og í gegnum rofa þar.

Ef þú ætlar að setja höfuðrofa MAN eða AUTO þá rýfur þú raflögnina frá rafgeymum bæði + og – . annars heitir rofinn ekki höfuðrofi.

Ef þú ert með – í stell (jörð) þá rýfur þú plúsinn ef þú villt hafa einfaldann rofa. Ég mæli með tvöföldum rofa sem rýfur báða póla. Athugaðu samt að taka fram hjá rofanum nauðsynlegustu tæki sem þú vilt nota án þess að bíllinnn sé með hleðslu. t.d. GPS, NMT, VHF og Útvarp.

Kveðja Elli.