This topic contains 6 replies, has 1 voice, and was last updated by 
-
Topic
-
Segið mér ef einhver veit er hægt að aka hringin í kringum Hofsjökull að sumarlagi og ef svo er hvernig vegir/slóðar eru það hvernig bílum henta þeir?
Víðir Lundi
http://WWW.gambri4x4.tk
-
Replies
-
Til þess þarftu að fara yfir Sóleyjarhöfðavað að sunnanverðu sem er svosem möguleiki, en öllu verra að komast Eyfirðingaveg norðan við jökul. Á þeirri leið þarf að fara yfir Blöndu sem getur verið býsna djúp að sumarlagi. Svo eru nokkrar kvíslar sem renna úr jöklinum sem geta verið með slæmum sandbleytum og loks er það svo Skálakvíslin upp við Ingólfsskála sem getur verið með öllu ófær. Við fórum þarna í ágúst í fyrra á tveimur 38" bílum og komumst ekki yfir Skálakvíslina. Gátum þó bjargað okkur með því að þræða í gegnum jökulruðninginn og upp á jökul og komumst þannig fyrir ánna. (myndir og frásögn hér http://www.mountainfriends.com/html/sum04a.html)
M.ö.o., það er ekki hægt að mæla með þessari leið fyrr en komið er vel fram á haustið, kannski byrjun okt, og þá á vel útbúnum bílum. Og alls ekki einbíla.
Kv – Skúli
Þegar umhverfisnefnd [url=http://www.4x4offroads.com/sticking-a-4×4-track.html:2onor2uy]stikaði[/url:2onor2uy] leiðina að Sóleyjarhöfðavaði þann 18. september síðastliðinn, var vaðið vel fært. Á þeim tíma ætti líka að vera hægt að komast yfir Blöndu og kvíslina við Ingólfsskála. Rennslið við Sóleyjarhöfða fer nú orðið eftir því hvort Landsvirkjun tekur vatn úr Þjórsá í Kvíslaveiturnar, eða ekki.
Myndir og ferðasaga úr ferðinni eru líka í október hefti Setursins.-Einar
Má vera, en þó má nefna að þegar við Gunni vorum þarna við Skálakvíslina í fyrra var megn brennisteinslykt af henni. Skv. því sem heimamenn sögðu mér getur áin verið sakleysisleg eina stundina en stórhættuleg á öðrum tímum og þá sé háhitasvæði þarna undir að hafa áhrif frekar en árstími og hitastig. Ég er viss um að Gunni er verulega á þeirri skoðun að taka skuli varann á þessari sprænu.
Kv – Skúli
ég var að velta þessu fyrir mér, Skúli þú kallar alltaf kvíslina sem næst er Ingólfsskála, Skálakvísl en þetta er í raun Vestari Jökulsá. Nú getur verið rétt hjá þér að þessi hluti kallist Skálakvísl þar til kvíslarnar þrjár sameinast aðeins norðar og heita þá einu nafni Vestari Jökulsá. Mig minnir að miðkvísl Vestari Jökulsár sé kölluð Miðkvísl. Ef þetta er rétt hjá okkur að það sé Skálakvísl síðan Miðkvísl. hvað kallast þá vestasta kvísl Vestari Jökulsár og hvers vegna kallast þá kvíslin sem rennur með Skiptabakkaskála Skálakvísl, hún heitir einnig eitthvað annað að mig minnir, held að ég hafi séð þann mikla snilling Ólsarann kalla hana öðru nafni. Ég held að félagar okkar í Skagafjarðardeildinni verði að greiða úr þessu hvað þessir lækir þeirra heita. Það hefði verið verra ef við hefðum ekki geta sagt frá því með vissu í hvað á tveir umhverfisnefndarmenn hefðu horfið sporlaust
Það mætti svosum bæta því við við að það hefur fleira horfið þarna, en næstum þú og Gunni en þarna var jökulá sem heitir eða hét Bleikálukvísl sem hvarf um miðja síðustu öld ef ég man rétt. Gæti það tengst útilegumönnum eða Skagfirskum þjófum
Ég held ég muni það rétt að nafnið Skálakvísl hafi ég pikkað upp af vörum Ólsarans, hann leiðréttir mig ef ég fer rangt með. Allavega heyrði ég þetta nafn fyrst eftir sullið okkar Gunna þarna síðasta sumar. Nafnið á þriðju kvíslinni þekki ég ekki.
Kv – Skúli
You must be logged in to reply to this topic.