Hofsjökull

Málið er að fara yfir Hofsjökul, ekki að honum. Ykkur í smábílafélaginu gengur nú ekki það vel að aka á jökli að það væri mjög áhættusamt fyrir ykkur að leggja á hann. Þótt margir Pattar verði í þessari ferð, eru flestir dráttarkrókar á þeim upppantaðir af Pæjero eigendum.

Góðar stundir.

Lúther, það er engin hætta á öðru en við Jón Ebbi stefnum á Hábunguna á fulltrúm hins Breska heimsveldis. Enda snýst umræðan alltaf um efasemdir um hinar margvíslegu og mismunandi framleiðsluvörur úr nýlendunum, austan af hrísgrjónaökrunum. Við blöndum okkur ekki í slíkt, blöndum okkur frekar einn gin og tónik ol’chap.

Kv – Skúli

albúm

…ef það verður hún Ella sem mun vera fararstjóri í þessari ferð. Ég var nú á ferð um Hellisheiðina í gær og þar sá ég hana Ellu á 44" Patrol með einhverja túrhesta í aftursætinu og hún var föst í minnsta skafli sem sést hefur á landinu.En allt í einu kemur þarna einhver furðulegur, grænn og alveg haugmáttlaus ryðhrúga á fólksbíla dekkjum miðað við bílinn hennar Ellu og keyrir hringi í kringum hana áður en Hlynur Snæland sem átti í svipuðum vandræðum nær að rétta henni spottan áður en túrhestarnir ákveða að labba heim. Ég vildi nú ekki setja inn myndir af þessu af ótta við að túristum fækki um 90% eftir að ég setti þær inn þvílíkur var skelfingarsvipurinn á aumingja fólkinu.

Bensínkveðja, Ásgeir

Jæja, það er aldeilis að það er kominn hiti í Pæjumenn, búnir að halda hópeflifundi út um allan bæ til að reyna að samfæra sig um það að Pæjur séu jeppar. Þið þurfið ekki að hafa neinar áhyggur af vélunum í Patrol, við getum dregið ykkur yfir Hofsjökul án vandamála, og það skiptir ekki nokkru máli hvort vélin í þessum Pæjum hjálpar til eða ekki, því best er að velta þeim á toppinn og draga þá þannig, því toppurinn er betri búnaður en þessi svokallaði "þróaði fjöðrunarbúnaður".

Annars látum við Patrol menn verkin tala. Þoriru í snjó um næstu helgi ??? Ég skal draga þig heim, eða bjóða þér far í alvöru bíl.

Það er best að skrifa eitthvað af viti um ferðina.

Skráning mun byrja einhvertíma í feb, en ekki verið ákveðið upp á dag hvenar verður byrjað að skrá.

Það verður bara tekið við hópaskráningum í ferðina og má hver hópur ekki vera minni en 4 jeppar, og svo var verið að gæla við að hafa 8 jeppa max í hóp, en stærri hópar munu getað verið A og B hópar (sem dæmi eru rotturnar svo margar, að trúlega verða rottur A,B og C)

Fyrir þá sem ekki hafa ferðafélaga en vilja fara með, er best að nota netið til að búa til hópa, og það væri ágætt að þeir sem eru óvanir að ferðast saman, að skreppa í dagsferðir til að kynnast hvor öðrum. Menn geta líka reynt að koma sér í mjúkin hjá öðrum hópum og fengið "ættleiðingu" og farið með þeim.

Ferðin er bara fyrir mikið breytta jeppa. (38"+)

Það verður trúlega vandamál með gistingu fyrir sunnan jökul, og þeir sem hafa tök á því að sofa í bílum ættu að græja þá til þess, ef menn nenna eitthvað að sofa á annað borð.

Það er stefnt á grillveislu í skagafirði á laugardagskvöldið, verið er að vinna í matar og gistimálum þar.

Þá er komið eitthvað fyrir menn til að pæla í fyrir ferðina. Ef það eru spurningar sem brenna á mönnum er best að pósta þær hér.

Hef þið eigið vini sem ekki eru með netið, en hafa huxað sér að koma með, þá endilega hringið á þá og lesið póstana fyrir þá .

Læt þetta duga að sinni

Ps : Pæjero getur ekki neitt….Patrol rúlar

Hér er smá viðbót við pistilinn hjá Hlyn.
Gistimöguleikar sunnan Hofsjökuls eru fyrst og fremst Kerlingafjöll og Setrið, auk þess eru möguleiki á Páfagarði og Svartárbotnum. Planið var að takmarka jeppafjöldann við 100 bíla svo ferðalangar geta verið allt að 200 manns.

Ella fararstjóri hlýtur að miðað við töflu Ferðaklúbbsins þar sem dekkjastærð er miðuð við þyngd jeppans.

Ég hélt satt best að segja að árlegur annáll okkar í Ferðafélagi Skagfirðinga, sem fluttur er ár hvert á þrettándavöku í Trölla, skála félagsins hér í fjöllunum vestur af okkur á Króknum, væri heimsmet í svona góðlátlegu skítkasti. Ég er búinn að hlæja mig máttlausan yfir öllum þeim orðaleppum, sem hér hafa verið slegnir inn á tölvur félagsfólks. Má ég koma mé tillögu? Stendur ekki fyrir dyrum þorrablót 4×4 í Setrinu? Væri ekki grá upplagt að skrifa þennan þráð út og fá einhvern sprellikarl til að lesa hann upp? Það er ábyggilega hægt að finna lakara skemmtiefni – nú og svo er þetta frumsamið af félagsfólki!

Sælir félagar.

Fyrir okkur sem erum á MMC þá er einnig möguleiki á að gista bara á Sögu, Nordica eða Grand Hotel Reykjavík á föstudagskvöldinu, jafnvel þó við sofum út á laugardeginum. Það væri þá innlegg í að við mættum um svipað leiti í Skagafjörðinn og Patrol kallar sem leggja þá af stað á fimmtu- eða föstudeginum.

Ferðakveðja,

BÞV