Hnútar, umræðukvöld

Jæja, þetta var fámennt en góðmennt, og endaði sem sófaspjall með smá hnútaföndri.
En hvað um það, ég ákvað að setja inn það helsta.
Pelastikk er langbesti hnúturinn þegar verið er að draga bíla upp.

En það er ekki gott að láta hann lafa lausan lengi áður en álag er sett á hann. Hann hefur nefnilega stundum raknað við það eitt að menn séu að sparka í hann. Pelastikkið er sæmilega sterkt, ca. 63% af styrk kaðalsins.

Áttuhnútur;

Sterkur, auðveldara að læra en pelastikk og erfiðara að klúðra. Hinsvegar er erfitt að leysa hann.
Það er hægt að nota hann til að tengja línur/kaðla saman;

Fánahnútur;

Þessi er sterkur, og gott að nota til að tengja saman mis-svera kaðla. eins og pelastikkið getur hann raknað ef hann fær ekki álag strax. Passa verður að endarnir snúi í sömu átt, annars er hann ekki öruggur.

Tvöfaldur fánahnútur er enfaldlega sami hnútur tvívafinn;

Hálfbragð;

Þessi er einfaldari en að reima skóna sína.
Hann er sterkari en pelastikk en erfitt að leysa.
Tvívafinn er hann enn betri;

Bístjórahnútur;

Þessi er góður ef maður þarf að strekkja eitthvað fast, eða binda niður af því að maður fær „talíuvirkni“ á reipið.

Eins og sjá má þá stel ég myndunum að láni héðan og þaðan, en ein besta hnútasíðan sem ég hef fundið er
http://www.animatedknots.com
Appakettir geta líka fundið öpp á síðunni fyrir bæði pöddur og android

Og til að auðvelda mönnum að finna hnútana þar sem síðan er á engilsaxnesku þá læt ég þýðingar fylgja;

Pelastikk – Bowline
Áttuhnútur – Figure eight
Fánahnútur – Sheet bend
Hálfbragð – Half hitch
Bílstjórahnútur – Truckers hitch

Þá er um að gera að taka Trausta á orðinu og sýna
„Carric bend“

Þessi er fínn í að binda línur og kaðla saman og er mun auðveldara að leysa en t.d. áttuhnút.
Hins vegar fara endarnir frekar krappir inn í hnútin þannig að hann er ekki eins sterkur og áttan.
(Reyndar er það yfirleitt kallaður Flæmskur hnútur ef áttuhnútur er notaður til að tengja tvær línur saman).