This topic contains 31 replies, has 1 voice, and was last updated by 
-
Topic
-
Vantar góð úrræði!
Ég er með 2.8 Patrol (1990 módel) á 38″ og var sagt af fyrri eiganda að hann væri hlutfallalaus en ég á eitthvað bágt með að trúa því þar sem hann virkar ekkert rosalega hátt gíraður. Nokkrar spurningar:
1. Hver eru org. hlutföllin í Patrol?
2. Er einhver góð leið til til að finna hvert hlutfallið er án þess að fara að rífa og tæta?Einhver sagði mér að ef ég keyrði í 4gír á 100 km/klst og snúningshraðamælirinn sýndi eitthvað nálægt 2800 snún þá væri hann á hlutföllum. Minn er mjög nálægt þessu. Getur e-r sem er á svipuðum Patrol með hlutföllum staðfest þessar tölur?
Með fyrirfram þökk
AgnarBen
-
Replies
-
Anonymous- Umræður: 0
- Svör: 16404
Er þessi hraði samkvæmt hraðamæli eða GPS, gæti misræmið verið vegna rangs hraðamælis. Ég geri ráð fyrir taflan sé miðuð við raunhraða þannig að GPS er líklega nákvæmari mæling á hraða.
Björgólfur.
Sæll Björgúlfur
Hraðinn var mældur skv GPS og já hann er mun nákvæmari en hraðamælir held ég að ég geti fullyrt, þannig að skekkja liggur ekki þar.
Hefur e-r hugmynd um af hverju ég fæ ekki afgerandi niðurstöðu í þetta mál? Ferlega pirrandi að geta ekki nelgt þetta…..
kv
Agnar
….afsakaðu þetta.
kv
AB
Anonymous- Umræður: 0
- Svör: 16404
Samkvæmt þessum tölum sem þú varst að gefa Agnar þá er ekki vafi að hann er á upphaflegum hlutföllum þ.e.a.s. 4,62:1.
Skekkja frá hraðamæli og því sem GPS sýnir er eðlileg þar sem flestir bílaframleiðendur láta hraðamæla sýna töluvert meiri hraða heldur en bíllinn er á (getur verið allt upp í 10%). En aftur á móti er kílómetramælirinn oftast réttur miðað við upphaflega dekkjastærð. Ég hef heyrt að þetta sé til að aldrei komi upp sá vafi að hraðamælir sýni minni hraða en ekið var á ef lögreglan stöðvar mann fyrir of hraðan akstur.mbk
Halldór
Þetta gerist svo spennandi að ég má til að leggja aftur orð í belg.
Til þess að úrskurða hvort drifhlutfall sé t.d. 5,13 eða 5,42 þarf mælingu með hlutfallslega óvissu innan við 5,6 prósent Algengustu gerðir hraðamæla og snúningshraðamæla hafa óvissu allt upp í 10 prósent og hún eykst þegar draslið slitnar og eldist. Hugsanlega hafa stafrænir mælar betri nákvæmni, en ég efast samt um að hún nægi fyrir svona mælingar.
Ég myndi fremur telja út hringina sem drifskaftið snýst meðan dekkinu er snúið 20 hringi (10 hringi ef drifið er læst).
Fyrir þá sem vilja reikna hlutfall milli ummáls og þvermáls dekks minni ég á töluna pí, sem var einmitt fundin upp til þess arna. Pí hefur verið reiknað með skrambi mörgum aukastöfum, en 3,1415926 ætti að vera meir en nógu nákvæmt fyrir dekkja- og drifreikninga. Sumir nota brotið 22/7 sem er mun auðveldara að muna og alveg nógu nákvæmt í þessum reikningum.Kveðjur
Wolf
Anonymous- Umræður: 0
- Svör: 16404
Agnar!
Núna kaupir þú þér 5,43:1 og skellir því í bílinn og ég get lofað þér því að bíllinn verður skemmtilegri á allan hátt.
Þú munt drífa miklu meira við allar aðstæður og það eru mun meiri líkur á að þú steikir ekki kúplinguna einhversstaðar á fjöllum.kveðja
Halldór
Sælir
Já ég held að það sé nokkuð ljóst að hann er hlutfallalaus. Mér reiknast til að hraðamælirinn sýni 8% of mikið m.v. GPS en ég hef aldrei heyrt að snúningshraðamælir sýni svo mikla skekkju (fróðlegt).
Ég dunda mér ábyggilega við að snúa dekkinu einn daginn inn í skúr til að prufa hvort nákvæmari niðurstaða fæst!
Alla vega þá verður stefnt að því að setja hlutföll í um leið og framlæsingin fer í
Bestu þakkir fyrir allan fróðleikinn
Agnarp.s. Ég þekkti nú einu sinni til stráks sem kunni pi með 140 aukastöfum utan bókar. Geri aðrir betur………
Anonymous- Umræður: 0
- Svör: 16404
Sæll
Hraðinn hjá þér í fyrsta og lága við 1500 snúninga er í dag 7,2 km/klst. en verður 6,1 km/klst með 5,42. Þetta er 15% munur.
Anonymous- Umræður: 0
- Svör: 16404
Sælir allir,
Ég er nú eiginlega allveg sammála honum Valda, það pirrar mig dálítið þegar þú Agnar talar um "hlutfallaleysi" því eins og Valdi segir þá færirðu ekki langt hlutfallalaus.
Værirðu ekki til í að tala frekar um upphafleg hlutföll eða "orginal" hlutföll?
Ég er sjálfur á Patrol með 5.42 hlutföllum og passar það nokkuð vel við töfluna, á 100km/klst þá er snúningurinn að skríða yfir 3000 í 4. gír. Svo það er nokkuð víst að miðað við þínar tölur þá eru hlutföllin hjá þér hærri en þau.
En annars ég stóð alltaf í þeirri meiningu að upphafleg hlutföll í næst nýjasta Patrol væru 4.65 ??
Kv
Siggi_F
sæll Siggi
ég held að allir viti nú um hvað ég er að tala en auðvitað skal rétt vera rétt. Ég mun í framtíðinni tala í réttum hlutföllum
bestu kveðjur
Agnar
Anonymous- Umræður: 0
- Svör: 16404
Sæll,
Mig grunaði nú svo sem að þú værir bara að stríða okkur með þessu og keyrðir um á þínum patrol algjörlega hlut(falla)laust og dyttir ekki í hug að gera grín af föstum Toyotum…
En sem sagt þetta pirraði mig í morgunsárið, svona álíka mikið og þegar bílar eru "tjónaðir"!! þegar þeir hafa skemmst, beyglast eða bara lennt í umferðaróhappi eins og þeir segja hjá umferðarstofu.
Kv
Siggi_F
You must be logged in to reply to this topic.