This topic contains 16 replies, has 1 voice, and was last updated by 
-
Topic
-
Kannast einhver við þannig bilun í Patrol að þegar búið er að svissa af bílnum logar hleðsluljósið mynd af rafgeymi rautt að lit. Þegar sett er í gang hverfur það. Bíllinn hefur ekki orðið rafmagnslaus ennþá kveðja trölli_1
-
Replies
-
Þetta er sannarlega einkennileg bilun. Ég hef ekki heyrt af slíku fyrr en það virðist sem peran fái straum þrátt fyrir að svissað sé af bílnum en síðan tekur hún jörð í gegnum alternator.
Mér koma bara tveir möguleikar til hugar. Í fyrsta lagi gæti svissinn verið að leka straumi þrátt fyrir að svissað sé af honum, en þá byggist maður við að hin ljósin loguðu líka. Hinn möguleikinn er að það leki inn á hana einhvernstaðar á leiðinni frá sviss og út að peru.
Kv,
Sigurbjartur
Ég myndi veðja á bilað jarðsamband, er eitthvað fleira undarlegt á ferðinni líka?
Mér hefur fundist undarlegheit í bílarafmagni eiga ótrúlega oft uppruna sinn í lélegum jarðsamböndum…
Lenti einu sinni í þessu á gömlum willys með 360, var búnn að reyna allt, svo skipti ég um Altaintor þá fór það……
Er ljósið daufara þegar svissað er af eða er það með sama styrk og eftir að þú svissar á?
Ég var að renna yfir rafmagnsteikninguna af Y60 og ég sé ekki hvernig þetta ljós getur logað stakt þó komi til utanaðkomandi fæðispenna. Hvort sem hún kemur frá alternator eða annarsstaðar þar sem það er svo mikið af aðvörunarljósum og öðrum búnaði í bílnum sem deilir tengipunkti með þessarri peru.Kv,
Sigurbjartur
Sæll
Kipptu öryggjunum út einu af öðru og þegar ljósið slokknar ertu með rétta grein. Þaðan þarftu að feta þig eftir víraflækjunum.
Mér finnst líklegasta skýringin sú að einhver þeirra hluta sem eiga að vera með straum þegar slökkt er á bílnum vanti jarðsamband en nær að draga jörðina í gegnum hleðsluljósaperuna. Ég myndi byrja á að skoða klukkuna og jafnvel útvarpið o.s.frv.
Kv Jónsi
Sælir aftur félagar og takk fyrir viðtökurnar. Ljósið dofnar þegar ég svissa alveg af og er ég svissa á verður það örlítið skýrar eða bjartara. kveðja trölli
Bíllinn rafmagnslaus eftir nóttina fék hann í gang. Lét hann hlaða sig. Nú hverfur ljósið er ég drep á honum. Þegar ég set í gang og gef í verður það skært og flöktir ef ég bæti við álagi á rafkerfið svo sem með ljósum eða mistöð en verður mjög dauft í hægagangi. Bíllinn virðst samt hlaða samkvæmt voltmælinum en hann stendur í sirka 13,6 volt og náði að hlaða upp tóman geymi á 1 klst. Búinn að taka burt allt auka rafdót. Spurning um sviss eða startara eða rafal?endilega miðlið af reynslu ykkar kveðja trölli
altenatorinn á helst að hlaða yfir 14 volt, gæti verið að draugurinn í ljósinu ætti rætur sínar að rekja þangað líka, þeir hjá rafstillingu ættu að vita allt um hleðslugetu altenatorsin, spurning um að bjalla í þá e. helgi.
Sæll
Ég fæ hleðsluljós þegar ég set hann í gang af og til og
eftir því sem ég kemst næst þá hefur það ekkert að gera með hleðsluna,virðist vera bilun í mælaborði er búin að mæla alllt og er allt í lagi með hleðslun,kemur þegar bíllin er búinn að standa í eitthvern tíma og svo hverfur það og virðist í lagi.
kv
Benni
Sæll
Þú ert með hleðsumælir líka ef hann sýnir aukna hleðslu þá er allt í lagi með hleðsluna ef ekki þá er ekkert annað enn að láta ath altenatorinn.
KV
Benni
Sæll
Þú ert með hleðsumælir líka ef hann sýnir aukna hleðslu þá er allt í lagi með hleðsluna ef ekki þá er ekkert annað enn að láta ath altenatorinn.
KV
Benni
Sæll Benni
Satt best að segja getur þetta verið allur andsk… allt frá biluðu mælaborði í lélegt jarðsamband… nú er bara komið að því að leita… af þeimrafmagnsbilinum sem ég hef fengist við þá hefur 90% verið út af spansgrærnu í plögum eða vírar slitnir eða allveg að slitna upp við plög.
Reddaðu þér rafmagnsteikningum og reyndu að átta þig á hvaða víra og tengi þú átt að skoða,kv Eggert
Takk fyrir viðbrögðin á fyrirspurn minni.Bíllinn hefur nú farið í gang á morgnana og virðist ekki missa rafmagnið yfir nóttina eins og hann gerði í eitt skipti. Hann hleður á mæli en ljósið logar og verður skært þegar maður gefur inn en dofnar í hæga gangi. Þetta er skrítin bilun spurning að reyna að skipta um sviss eða altinator og reyna að fá það notað hér á vefnum kveðja trölli_1 mail gudnisv@simnet.is
Sæll trölli
Ef það nórir á hleðsluljósinu á meðan bíllinn er í gangi er möguleiki á að díóðubrettið sé farið. Þá getur alternatorinn hlaðið eðlilega en tæmt geyminn á ákveðnum tíma, mislöngum. Gæti verið ein nótt og gæti verið nokkrir dagar.
Hina lýsinguna kannast ég ekki við enda á + inn að fara af ljósinu þegar þú drepur á eða svissar af. Það er ekki eins og bilunin sé í alternatornum.
Kv Jónsi
Ég myndi taka torinn úr og mæla díóður og tríóður finnst líklegt að einhver/jar séu skammhleyptar jafnvel frekar tríóðunum einnig myndi ég einangrunarmæla stator og rótor með 230v. Hefurðu verið að gefa start nýlega með mótorinn í gangi mjög algeng mistök og bara til þess gert að stúta altenator þá helst díóðum þær þola ekki strauminn sem startarinn í hinum bílnum tekur.
Kv, Óli
Sælir félagar svona til upplýsinga. Tók eftir því að hleðslan var orðin allt of há og fór yfir 20 volt á mælinum í bílnum. Skipti um altenator og þá hvarf ljósið og allt er eðlilegt sem bendir til að díóður og tríóður ásamt spennustilli hefur verið farið að gefa sig. Gott að eiga þessar upplýsingar hér á vefnum kveðja trölli.
You must be logged in to reply to this topic.