Hjólastöðuvottorð

ég fór til Arctic trucks, þeir voru mjög sanngjarnir fannst mér. þeir vilja hinsvegar fá bílana á 35" eða minna ef hægt er til að auðvelda verkið.

Bílaverkstæði Einars Þórs Bæjarflöt 8 112 Rvk. s: 567-0080

Ég á reyndar virkilega erfitt með að skilja hvað Umferðarstofa er að fara með að heimta hjólastöðuvottorð í þeim tilfellum þegar hjólabúnaði er nákvæmlega ekkert breytt.
Ég er í þeirri stöðu að vera með bíl á 35" dekkjum, hækkaðan um 50mm á boddíi en ekki ögn hreyft við hjólabúnaði umfram óbreyttan bíl (skipt um stýrisenda og einhver gúmmí eins og gengur).

Ég hafði samband við æðstráðandi einstakling í þessum málaflokki hjá þessari miklu stofnun, og helstu rökin fyrir þessari reglu voru þau að fyrirrennari hans(sem ekki vinnur lengur þar) hefði haft veg og vanda að reglugerðinni, og þar af leiðandi væri þetta óhagganlegt. Rökstuðningurinn var semsagt sá að einhver sem ekki starfar lengur hjá stofnuninni hefði ákveðið eitthvað og þá hlyti það að vera heilagur sannleikur.

Alveg ótrúlega ófagmannleg vinnubrögð finnst mér.

Jafnframt þekki ég nýlegt dæmi þess að mikið breyttur bíll hafi farið í gegn um skoðun, með stýrisarm sem ekki var lengur hægt að auðkenna, en það var bara allt í lagi vegna þess að "hjólastöðuvottorð" fylgdi bílnum. Er verið að velta ábyrgðinni á hin og þessi verkstæði í stað þess að skoðunarstöðvarnar tékki af uppruna krítískra íhluta í stýris- og fjöðrunarbúnaði?
Ég veit ekki til þess að þessi stefnubreyting hafi verið kynnt að neinu leyti og þykir mér það miður. Ég er ekki einusinni viss um að þeir sem gefa út hjólastöðuvottorð séu meðvitaðir um að þeir eigi þá að kanna uppruna hinna og þessara hluta í búnaðinum.

Kannski er bara búið að strika yfir það sem við höfum talið heilagt hingað til í stýrisbúnaði og taka pappírsvinnuna framyfir. Kæmi mér reyndar ekkert á óvart.

kv
Grímur R-3167