Hjólamenn með læti

Nú er ég ekki með neinu móti að skilja út á hvað innlegg Helga gengur út á, nema helst að hann sé að fá útrás fyrir 2ja ára innibyrgða reiði og koma af stað einhvers konar illindum.

Hann má ekki gleyma því að hann sjálfur tilheyrir tveimur stórum hópum sem að eru einmitt litnir hornauga oft á tíðum að ósekju eftir einmitt samskonar fréttaflutning sem oft gengur frekar út á að selja frétt eða sögu heldur en sannleikann. Og ef að honum finnst það allt í lagi þá er það bara í samræmi við hans innlegg og ekkert við því að segja.

Mér var nú hugsað til þess þegar ég sá þessa frétt að það er mikil blessun fyrir 4×4 að vera ekki í þeirri stöðu að þurfa að berjast fyrir rétti hjólamanna. Eins og Helgi reyndar tekur skýrt fram er ekki hægt að dæma alla hjólamenn út frá vitleysingunum, en það eru hins vegar alltof margir í þeim hóp sem virðast einsetja sér að spilla fyrir þeim málstað sem hjólamenn eru að reyna að ná fram. Þetta er ekki bara skemmdarverk á bílnum og á náttúrunni því þetta er líka skemmdarverk á málstað hjólamanna. Hvernig á að vera hægt að samþykkja að hjólin fái að keyra einstigi þegar gjörsamlega ábyrgðarlausir vitleysingar eru svona áberandi. Það þarf ekki mikið ímyndunarafl til að sjá hvernig það myndi enda. Þetta er langt frá því að vera eina dæmið á síðustu árum þó svo þetta sé óvenju gróft. Svo eru fjölmörg dæmi svipuð því sem Helgi lýsir sem ekki rata í fjölmiðla en sjá til þess að hjólmenn safna andstæðingum í stað stuðnings. Ég vill meina að sú mikla umræða á síðustu árum um utanvegaakstur og nauðsyn þess að banna allan akstur á tilteknum svæðum þannig að einhvers staðar sé hægt að vera laus við vélagný, hafi í raun afskaplega lítið með okkur jeppamenn að gera heldur stafi fyrst og fremst að mikilli aukningu hjólaumferðar. Þetta hins vegar kemur til með að bitna á okkur. 4×4 er í fjölda ára búið að berjast fyrir ferðafrelsi og alltaf hamrað á því að frelsi fylgi ábyrgð og íslenskir jeppamenn upp til hópa skilja það, þó sjálfsagt megi finna undantekningar. Það er hábölvaður andskoti hvað óábyrg notkun torfæruhjóla á síðustu árum er að grafa undan þessu frelsi. Ég ætla því að vona að jeppamenn fari ekki að stökkva til hér og verja þessa menn og reyndar er ég nokkuð viss um að forystumenn samtaka hjólamanna falla ekki í þá gryfju.
Kv – Skúli

Samkvæmt fréttinni á Vísi.is er greinilega ekki um hjólamenn að ræða heldur aumingja sem eru vísvitandi að eyðleggja og skemma líkt og þeir sem brjótast inn í patrola okkar félagsmanna.
Það er vonandi að lögreglan hafi hendur í hári þessara manna og þeir sem hafi hugmynd um hverjir voru þarna á ferð bendi á þá.

Það verst við hjólasportið er að mikið er af óþroskuðum einstaklingum sem hafa ekki vit á því sem þeir eru að gera.
Ég vona að félagsmenn F4x4 dæmi ekki alla hjólamenn út frá gjörðum þessara manna því það er orðin mikil vakning allavega hér fyrir norðan fyrir sportinu og meðferð á nátturunni.

Pétur R. Hjóla, sleða og jeppamaður.

Það er óheppileg staðreynd að fábjánar eiga og nota krossara.

Frúin lenti í því í fjörunni við Vogastapa, þar sem hún var að viðra hundana, að tveir einstaklingar mættu á svæðið og fóru að atast í hundunum á hjólunum. Þegar hún loksins náði sambandi við þá gerðu þeir ekki annað en að rífa kjaft, enda um pabbastráka að ræða sem örugglega hafa ekki þurft að taka neina ábyrgð til þessa.

Þetta er eitt af mörgum dæmum um framferði einsaklinga sem eiga það eitt sameiginlegt með alvöru hjólamönnum að nota tvíhjóla farartæki.

Miðað við framferði þessara krakkafjanda kemur mér ekkert á óvart varðandi umræddan bíl. Því miður.

Getur hugsast að þessir einstaklingar haldi að þeir séu algerlega ósnertanlegir þegar þeir eru á númerslausum(ég er ekkert á móti númerslausum krossurum sem slíkum) tækjum og með hjálma sem gera þá illþekkjanlega? Það kæmi mér ekki mikið á óvart og gæti skýrt vöntun á meðvitund þeirra um afleiðingar….ásamt ofdekurs-pabbastráka-heilkenninu auðvitað sem hefur sömu einkenni.

Ég er ekki hjólamaður sjálfur(ennþá), en hefði ekkert á móti því að hafa efni og tíma til að fara útí það sport. Ég vil bara taka það fram til að hafa það alveg á hreinu að ég hef ekkert á móti mótorhjólum/krossurum sem slíkum né heldur þeim sem nota þessi tæki á sæmandi hátt.

kkv

Gr´´imur

Ég var beðin um að koma þessu innleggi á framfæri fyrir hann Jakob Þór hjá slóðavinum ( http://www.slodavinir.org ).

Öll gagnrýni er af hinu góða, en hún verður þó að vera sanngjörn. Jeppamenn verða að gera sér grein fyrir því að þegar grjóti er hent úr glerhúsi þá mun glerið brotna. Því kvet ég alla þá sem halda að mótorhjól séu svona vond tæki og valdi svo miklum spjöllum að fara upp á hálendi um helgina og mæla öll hjölför sem liggja utan vega á Sprengisandi og Fjallabaki . Eftir helgi skulum við svo skoða samanburð jeppa og mótorhjóla. Ég held nefnileg að við séum á pari. Einnig væri gaman að bera saman hávaða í stórum jeppa og venjulegu enduróhjóli. Við gætum líka skoðað mengunina. Kannski við ættum bara líka að skoða drykkjusiði á fjöllum yfir vetratímann og svo væri gaman að kryfja ástæðu þess að búið er að loka nær öllum skálum á hálendinu vegna þess að þeir eru lagðir í rúst í skjóli nætur. Það eru alltaf svartir sauðir í öllum hópum og þeir sverta okkur hin líka sem teljum okkur heiðvirkt og skynsamlegt ferðafólk.

Félagar í 4×4 hljóta að sjá að þessir tveir hópar eru að berjast fyrir því sama, þ.e. auknu frelsi til að aka. Með andvaraleysi og ósamstöðu gætu farið svo að mikið af þeim leiðum sem í dag eru opnar eða á gráu svæði verði lokaðar. Menn verða að sína smá þroska þegar fréttamiðlar byrja að klæmast um utanvegaakstur líkt og sjá mátti varðandi Reykjanesið um helgina. Ég læt hér fylgja kort sem gefið var út hjá Landmælingum 1955, en þar sért greinilega að þessi meinti utanvegaakstur fór fram á gamla veginum undir Núpshlíð (fyrir miðri mynd). Vel þekkt leið sem mikið er ekin. Hvað varðar skiltið sem lokar leiðinni má benda á að Fólkvangurinn reyndi að loka þessu svæði fyrir akstri hér fyrir nokrum árum, en þeir gleymdu að taka mið af því að menn hafa ekið um þessa slóða í meira en 50ár, upphaflega á jeppum, en nú seinustu árin meira á tví- og fjórhjólum. Það eru tugir ef ekki hundruð hjóla sem fara þessa slóða í hverri viku, og á vorin og vetrum er þetta eitt af aðal hjólasvæðum þeirra sem búa á SV-horninu. Þessir slóðar eru hluti af stóru slóðaneti sem liggur um Reykjanesið og því voru aðgerðir fólkvangsins algerlega óskiljanlegar, sérstaklega vegna þess að þær voru teknar einhliða og ekkert samráð haft við þá sem voru að notast við þessar leiðir, hvorki hestamenn, jeppamenn né hjólamenn. Það er svona sem ríkið og stofnanir vinna. Blaðamenn bæta svo gráu ofan á svart með því að egna hópum saman í von um blóð og slagsmál. Mér sýnist á þessu spjalli að það sé að takast.
Jakob Þór

[attachment=0:3nb4m9p6]nupshlid.jpg[/attachment:3nb4m9p6]

Jakob Þór bendir réttilega á það leiðindadæmi þegar ferðafélögin sem eiga flesta hálendisskálana læstu sínum húsum þegar ekki er gæsla í þeim. Ástæðan var jú sú að nær allt ferðafólk á vetrum stóð ekki skil á gistigjöldum og einhverjir gengu líka illa um. Það vita nátturulega flestir að þetta ferðafólk voru jeppamenn og snjósleðamenn. Eitthvað um göngufólk líka. Afleiðingin var jú sú að þessum skálum var lokað sem er mjög slæmt fyrir ferðafólk almennt og mikið óhagræði af því eins og þeir þekkja sem ferðast um hálendið á öllum árstímum. Ég man eftir því að á sínum tíma að ferðafélögin beindu tilmælum til jeppa og sleðamanna sérstaklega að þeir myndu breyta sínum háttum svo ekki þyrfti að koma til að hálendisskálum yrði læst. Á það var ekki hlustað að neinu mæli og afleiðingarnar þekkja menn. Ég heyrði það að eftir einn veturinn þá var 300 kr. í gistibauknum í skála Útivistar á Fimmvörðuhálsi en allt gasið búið og olían líka og tölverð vinna að þrífa skálann eftir veturinn. Ennþá horfir ferðafólk ekki á heildarmyndina, í þetta sinn vélhjólamenn, og aftur er svipað að gerast nú en ekki er það skálum sem á að fara loka í þetta skiftið heldur heilu landssvæðunum og slóðum fyrir umferð vélknúinna ökutækja.

Tók þetta af morgan.is.
Sagan er ekki eins og hér hefur verið sagt. Mennirnir sem voru þarna voru á slóða sem sést bara ekki á þessari mynd, þeir voru á götuskráðum enduro hjólum … Mér skilst að þeir séu búnir að fara til lögreglunar en bílinn ók utan í einn manninn á hjólinu.

Ótrúlegt hvað fólk er tilbúið að gera til að stöðva okkur mótorhjólamennina, fólk farið að keyra á okkur, eins gott að vera með augun opin.

Kannski að fólk ætti nú að anda með nefinu áður en það fer að æsasig úti allt og alla. Á maður ekki núna að segja að allir sem eiga og aka fólksbílum sé hálfv…… eða kanski bara þeir sem eiga gráa bíla.

Kv Jeppa og hjóla maðurinn

Þar sem ég er nánast alinn upp á syðri helmingi Kjalvegar hef ég séð hitt og þetta í gegn um tíðina.

Einusinni var afar venjulegt að sjá spólför eftir jeppa upp um alla hóla nálægt vegum, kringum 1990 eða svo. Smám saman dró úr því, að öllum líkindum vegna áróðurs 4×4 og almennrar umhverfisvitundar jeppamanna þar með. Þessi þróun er að endurtaka sig meðal hjólamanna að hluta til þar sem þetta eru ekki sömu einstaklingarnir(nema að litlu leyti).

Það sem við eigum að gera er að miðla samtökum hjólamanna af því sem vel hefur tekist í áróðri meðal jeppamanna. Hagsmunirnir eru augljóslega sameiginlegir að miklu leyti.

Jafnframt er ekki úr vegi að nota einmitt dæmi um það sem vel hefur tekist í starfi 4×4 sem vogarafl þegar herjað er á okkur í fjölmiðlum. Á jákvæðan hátt er trúlega hægt að koma því á framfæri að "bannfæringar" hafa tiltölulega lítil, og mögulega skaðleg áhrif þegar allt kemur til alls, á meðan að upplýsingar og áróður geta til langs tíma gert mjög mikið.

kkv
Grímur

Jónas Guðmundsson er búinn að segja allt sem segja þarf.