Hjálpum ferðafrelsinu

Ágætu félagar

Í gærkvöldi var haldinn fundur hjá Ferðafrelsi og var þar ákveðið að leggja áherslu á vinnu sem fer fram þar. Ákveðið var að ég yrði verkefnisstjóri þeirra verkefna sem nú þarf að vinna og með mér eru nú þegar vaskir menn, þeir Jón Snæland, Guðmundur G. Kristinsson og Einar Haraldsson hjá Skotvís.

Það er nóg af verkefnum framundan og ekki leggjandi á þessa fjóra aðila að sinna þeim öllum. Því óskum við eftir að þið ágætu félagsmenn komið að þessu með okkur. Við þurfum amk 8-10 manns í vinnuna með okkur og þannig deilist hún niður og allir fá hæfilega mikið að gera.

Við viljum sjá gamla „hunda“ úr félagsskapnum en ekki síður þá sem nýrri eru til að koma inn í vinnuna með okkur.

Þeir sem vilja leggja ferðafrelsinu lið, sendið póst á mig, olafurmag@gmail.com og við verðum svo í sambandi og boðum til fundar.

Með bestu kveðju,
Óli ferðafrelsiskall