This topic contains 14 replies, has 1 voice, and was last updated by 
-
Topic
-
sælir snillingar
Pabbi gamli er með Patrol (2,8 l. ´91 módel, ek. 180 þús) sem tapar vatni ansi hratt , svona ca 1 liter á 200 km. Búið er að þrýstiprófa heddið og er það í fínu standi og skipt var um heddpakkningu en áfram tapar hann vatni. Ekki er sjáanlegur leki neins staðar frá vatnsrásinni. Við erum orðnir ansi ráðalausir varðandi hvað getur verið að! Olíuþrýstingur er einnig mjög lágur en rýkur þó upp fyrir viðunandi mörk á snúningi en þannig hefur hann reyndar alltaf verið frá því við fengum hann fyrir 1 1/2 ári.
Hvað getur verið að?
kv
Agnar
-
Replies
-
Sæll Agnar.
Hef lent í svipuðu með Corollu, það er að bíllinn tapaði af sér vatni í akstri, en svo þegar hann var látinn ganga hægagang meðan lekans var leitað kom ekki dropi. Það var ekki fyrr en farið var að halda vélinni á snúningi að lekinn fannst, og reyndist það vera sprungin pípa í vatnskassanum sem ekki lak nema undir miklum þrístingi.
Bara hugmynd.Kv. Smári.
Anonymous- Umræður: 0
- Svör: 16404
Ein hugmynd í bankann er miðstöðvarelement þá hugsanlega afturí.
Kv,
Óli
Anonymous- Umræður: 0
- Svör: 16404
Er búið að þrýstiprófa vatnsrásina?
Anonymous- Umræður: 0
- Svör: 16404
Ef það er ekki vatn í smurolíunni þá lekur þetta einhverstaðar út (eða jafnvel út í brunahólf – fylgjast með útblæstrinum). Þetta er svo lítið að það gæti náð að þorna jafnóðum. Spurning að leita eftir útfellingum eða öðru slíku. Ertu búinn að skoða vatnsdæluna eða jafnvel vatnskassann? Þeir allra hörðustu endurnýja elementið í vantnskassanum annað/þriðja hvert ár í þessum bílum (ekki það að þeir endist ekki lengur).
kv,
DPower.
það gerist oft að það fer að leka fram úr blokkinni, þ,e undan húsinu sem að vatnsdælan og olíuverkið sitja í það er kíttað í með sílikoni frá framleiðanda. það sést sjaldnast leki þarna bara útfelling frá kælivökvanum til að lagfæra þarf að rífa nánast allt framan af vélinni og kítta á aftur. þetta með olíuþrístinginn trúlega er þetta bara rofinn sem er að svíkja, hann fæst á góðu verði í bílanaust , gangi þér vel.
ps þér er velkomið að hafa samband við mig í s 8931527 ef þig vantar frekari upplýsingar kveðja Gísli Þór.
sælir
Takk fyrir skjót og góð svör.
Jú það er búið að skoða vatnsdæluna og vatnskassann og ekkert finnst. Annars eru nokkrar góðar hugmyndir komnar fram frá ykkur sem við ætlum að skoða betur.
Gísli, það er búið að skipta um olíuþrýstingspunginn og ætti hann að sýna rétta mælingu. Ég vissi þetta ekki með kíttið, ég ætla að skoða það aðeins betur. Ég hringi kannski ef mig vantar nánari upplýsingar. TAKK
Endilega kastið fram öllum þeim hugmyndum sem þið hafið
kveðja
Agnar
Er ekki kælilögn að túrbínu, gæti þetta tapast þar?
-haffi
ps. olíuþr. hjá mér fylgir snúningi, en er þó alltaf á milli 1/4 og 1/2 ef að það skilst.
Olíuþr. er í 0 í hægagangi en rýkur upp við snúning. Skv "mikilsmetnum mönnum" (eins og Davíð myndi orða það) þá á það að vera í lagi ef hann nær 3-4 pundum við 3000 snún/mín !!!! Það eru sjálfsagt meiningar um þetta en þetta telst nú varla eðlilegt. En eins og ég segi þá hefur hann lengi verið svona án þess að hiksta (fyrr en nú).
Annars fer bíllinn væntanlega inn í skúr á fimmtudag/föstudag og þá verður þetta allt saman skoðað fram og til baka enn á ný.
kv
Agnar
Ég lenti í þessum vandræðum með dobblarann, en hann lak kælivatninu ansi hratt á tímabili. Það var ekki fyrr en við prufuðum að þenja bílinn vel í smá tíma að vatnslekinn fannst.
(Ástæðan fyrir lekanum mínum voru léleg vinnubrögð frá verkstæði Stillingar þar sem gleymdist að fullherða eina hosuklemmu við ísetningu hreifilhitara. Þessi litlu mistök kostuðu marga lítra af frostlegi, yfirhitun á vél (sem þó slapp þó sjálf), ónýtt rakaglas sem bráðnaði við hitann, óvirkar læsingar er loftslöngur bráðnuðu, brotinn framlás vegna aukins álags á loftkerfið sem stjórnaði læsingunum og tala nú ekki um vesenið við að koma bílnum í bæinn frá Hornströndum!
Oft veltir lítil þúfa þungu hlassi, en þessi gleymska á að herða eina hosuklemmu hjá verkstæði Stillingar kostaði mig um 300.000 kr.)
gerðist á fólksbíl hjá mér að það fór að leka með frosttappa en þá sást útfelling, líklega ekki tilfellið hjá þér þar sem þú ert búinn að skríða inní hvern krók á vélinni.
Gangi þér vel
Elvar
Elvar
Þú átt að hafa vit á því að viðurkenna aldrei að þú hafir keyrt um fólksbíl.
Kveðja Fastur
ps. Ég hjóla frekar en að fá mér fólksbíl
Ég kannast ekki við að hafa ekið þessu apparati, þar var bara "hjá már" eins og stendur í póstinum.
Hringdu í mig ef þú vilt bulla Fastur.
Elvar
flott að heyra .. ég var farinn að hafa áhyggjur
Kveðja Fastur
Svona fyrir áhugasama þá fannst vatnslekinn loksins. Við settum þrýsting á vatnsrásina og þá kom ýmislegt í ljós, s.s. að vatnsdælan er ónýt ásamt því að leki var með hosu.
Mæli með því að menn setji trukk á vatnsrásina ef þeir lenda í svona vandamálum í stað þess að fara að rífa og tæta strax
kveðja
Agnar
You must be logged in to reply to this topic.